Ɔfã 67
Nyikyerɛ a wɔnam Joseph Smith Nkɔnhyɛnyi no do dze mae, wɔ Hiram, Ohio, Ɔberɛfɛw, 1831 ahyɛse ara no. Dɛm aber no nna wɔreyɛ ehyiadzi soronko bi, na nyikyerɛ a Nkɔnhyɛnyi no ne nsa akã dada efi Ewuradze hɔ no na wɔdze robɔto gua wɔdween ho na wodzii ho dwuma (hwɛ dza wɔakyerɛw wɔ Ɔfã 1 n’etsifi no). Nna William W. Phelps dze ntsintsimfir bɔbɔɔ adze wɔ Independence, Missouri no ɔnkyɛree. Ehyiadzi no bɔɔ adwenpɔw dɛ wɔdze nyikyerɛ no bopue guado dɛ ɔyɛ Book of Commandments (Mbrasɛm Nwoma) na woetsintsim nwoma dodow 10,000 (a ɔnam ɔhaw a nna enyi nnda do ntsi ekyir no wɔtseew do baa nwoma dodow 3,000). Enuanom a woehyia no mu dodowara nam Sunsum Krɔnkrɔn do gyee dase dɛ nyikyerɛ a wɔahyehyɛ a wɔdze rubopue guado no nyina yɛ nokwar. Joseph Smith n’abakɔsɛm no kã dɛ ber a ne nsa kãa nyikyerɛ a ɔyɛ Ɔfã 1 ekyir no, nsɛm fofor binom a otsia kasa a wɔdze kyerɛɛw nyikyerɛ no pue. Aber no na nyikyerɛ a odzi do yi bae.
1–3, Ewuradze tsie elderfo hɔn mpaabɔ na Ɔhwɛ hɔn do; 4–9, Ɔnye onyansafo mapã no gye taferbanyinmbɔmu dɛ ɔno so ɔmma Ne nyikyerɛ no mu kakraabi mpo; 10–14, Sunsum no dze nkenyan bɛma elderfo nokwafo no na wobohu Nyankopɔn N’enyim.
1 Hwɛ na tsie, O hom a hom yɛ m’asɔr mu aelderfo a hom ehyia mu wɔ ha, hom a maatse hom mpaabɔ, na minyim hom akoma mu, na hom ahwehwɛdze edu m’enyim.
2 Hwɛ na tsie, am’enyi wɔ hom do, na sor nye asaase wɔ me nsamu, na mbersantsen ahonyadze yɛ medze dɛ medze ma.
3 Hom bɔɔ mbɔdzen dɛ hom bɛgye edzi dɛ hom nsa bɛkã nhyira a wɔdze ama hom no; mbom hwɛ, nokwar, mese hom dɛ nna asuro wɔ hom akoma mu, na nokwar, iyi ho ntsi na hom nsa annkã no.
4 Na afei, Emi, Ewuradze, megye adase wɔ nokwar a ɔwɔ mbrasɛm yinom a ɔda hom enyim yi ho kyerɛ hom.
5 Hom enyi tsim m’akowaa Joseph Smith Kakraba do; ne akasaa hom nyim na n’esintɔ so hom nyim; na hom adwen ho wɔ hom akoma mu dɛ hom wɔ nyimdzee a hom botum dze akyerɛkyerɛ biribiara mu yie akyɛn nedze koraa; na iyi so hom nyim.
6 Afei, hom nhwehwɛ Mbrasɛm Nwoma no mu, nyia ɔyɛ kuma wɔ hom mu no so mpo, na hom nyi nyia ɔyɛ anyansafo kɛse wɔ hom mu;
7 Anaadɛ, sɛ obi wɔ hom mu a obotum ayɛ no ne nsaso a, na sɛ hom kã dɛ hom nngye nntõ mu dɛ ɔyɛ nokwar a, nna hom dzi bem.
8 Mbom sɛ hom enntum annyɛ kor a ɔtse dɛ iyi ne nsaso na sɛ hom aanngye dase wɔ ho dɛ ɔyɛ nokwar a, nna hom wɔ afɔbu mu.
9 Osiandɛ hom nyim dɛ dza ɔnnyɛ atseneneeyɛ biara nnyi mu, na dɛ dza ɔtsen biara fi sor ba, fi bkan Egya no hɔ ba.
10 Na bio, nokwar, mese hom dɛ, ɔyɛ hom ndzinoa na anohoba a medze robɔ hom a wɔahyɛ hom asɔfo wɔ dɛm ɔsomdwumadzi yi mu, na susuampaara dɛ sɛ hom yi anyinkuntwe nye bsuro fi hom mu, na hom cbrɛ homho adze wɔ m’enyim a, osiandɛ hom nnyɛ ahobrɛadze dɛ mbrɛ ɔsɛ ntsi, wobeyi dnkataenyim no efi hɔ na hom ebohu me na hom ehu dɛ ɔyɛ Emi mara ankasa—nnyɛ honam dze anaa nyimpa adwen bi na mbom sunsum mu dze.
11 Na anyimpa biara nnhun Nyankopɔn pɛn wɔ honam mu, gyedɛ Nyankopɔn no Sunsum ekenyan no.
12 Eso ahonammunyi nnkotum egyina Nyankopɔn enyim, anaa ɔanam honam su adwen do.
13 Hom nnkotum egyina Nyankopɔn n’enyim seseiara, anaadɛ abɔfo hɔn som enyim; dɛm ntsi, hom nkɔ do nnya aabotar kesi dɛ hom bbedzi mu.
14 Mma hom adwen nnsesã, na ber a hom abedzi mu, wɔ mankasa me ber a ɔsɛ mu no, hom bohu na hom atse dza m’akowaa Joseph Smith Kakraba dze maa hom ber a ɔdze ne nsa guu hom do no ase. Amen.