፩ በእውነትም፣ ስለሴቶች እና ስለልጆች፣ ባሎቻቸውን እና አባቶቻቸውን ስላጡት የቤተክርስቲያኗ አባላት፣ ቤተክርስቲያኗ ካላት ህግጋት በተጨማሪ ጌታ እንዲህ ይላል፥

፪ ሴቶች፣ ባሎቻቸው እስከሚወሰዱ ድረስ፣ በባሎቻቸው የመደገፍ መብት አላቸው፤ እናም የሚተላለፉ ሆነው እስካልተገኙ ድረስ በቤተክርስቲያኗ ውስጥ ህብረት ይኖራቸዋል።

፫ እናም ታማኝ ካልሆኑም በቤተክርስቲያኗ ውስጥ ህብረት አይኖራቸውም፣ ነገር ግን በምድር ህግ መሰረት በውርሳቸው ላይ ለመቆየት ይችላሉ።

፬ ለእድሜ እስኪደርሱ ድረስ ሁሉም ልጆች በወላጆቻቸው ላይ የመደገፍ መብት አላቸው።

፭ እናም ከዚያም በኋላ፣ ወላጆቻቸው ለውርስ የሚሰጧቸው ከሌላቸው፣ በቤተክርስቲያኗ ላይ፣ ወይም በሌላ አባባል በጌታ ጎተራ ላይ መብት አላቸው።

፮ እናም ጎተራውም በቤተክርስቲያኗ ቅድስና ይጠበቃል፤ እናም ባልቴቶች እና የሙት ልጆችም፣ እናም ድሆች፣ ይረዳሉ። አሜን።