Ɔfã 63
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Dzifuu 30, 1831. Nkɔnhyɛnyi no, Sidney Rigdon na Oliver Cowdery fi hɔn nsera wɔ Missouri ebodu Kirtland wɔ Dzifuu 27. Joseph Smith n’abakɔsɛm kyerɛ nyikyerɛ yi mu dɛ: “Ber a Asɔr yi ahyɛ ase yi, ɔwɔ dɛ yɛper dɛ yebenya Ewuradze n’asɛm ne beebiara a ohia ma hɛn nkwagye; na dɛ mbrɛ Zion asaase ayɛ adze a osi hɛn enyi do tsitsir no, mibisaa Ewuradze dɛ ɔmma munhu dza ɔwɔ dɛ yɛyɛ a, ɔfa mbrɛ yebesi yɛaboa Ahotseweefo no ano, na yɛatɔ asaase, na ndzɛmba binom so a ɔkekã ho.”
1–6, Ebufuhyew da no bɛba emumuyɛfo do; 7–12, Nsɛnkyerɛdze nam gyedzi do ba; 13–19, Hɔn a wɔtõ awar wɔ hɔn akoma mu no bɔpow gyedzi no na wɔbɔtow hɔn akyen ogya baka no mu; 20, Anokwafo no benya egyapadze wɔ asaase a wɔasakyer no no do; 21, Wɔnndaa Nsakyer a osii Bepɔw no do no mu nsɛm nyina edzi nnkyerɛe; 22–23, Hɔn a wɔyɛ setsie no hɔn nsa kã ahenman no mu esumadze no; 24–31, Ɔwɔ dɛ wɔtɔ egyapadze a ɔwɔ Zion no; 32–35, Ewuradze hyɛ akõkoekõ ho ɔmom, na emumuyɛfo ku emumuyɛfo; 36–48, Ahotseweefo no wɔdɛ wɔboa hɔn ano kɔ Zion na wɔma sika ma wɔdze kyekyer; 49–54, Wɔbɔ anokwafo anohoba dɛ wobehyira hɔn wɔ Mbae a Otsĩa Ebien, Owusoɛr na Mfe Apem no mu; 55–58, Iyi nye kɔkɔbɔ da no; 59–66, Hɔn a wɔmmaa hɔn tumdzi na wɔdze Ewuradze ne dzin dzi dwuma no bɔ no gyangyan.
1 Hom ntsie, O hom adasa, na hom mbue hom akoma mu, na hom nyɛ aso wɔ ekyirekyir; na hom ntsie, hom a hom frɛ homho Ewuradze no nkorɔfo, na hom ntsie Ewuradze n’asɛm nye ne pɛ a ɔfa homho.
2 Nyew, nokwar, mese hom dɛ hom ntsie nyia n’ebufuw adzɛw wɔ emumuyɛfo nye aetuatsewfo do no n’asɛm;
3 Nyia ɔfa hɔn a ɔpɛ dɛ aɔfa hɔn, na hɔn a ɔpɛ dɛ ɔbɔ hɔn nkwa ho ban no ɔbɔ no;
4 Nyia ɔma do si hɔ wɔ nankasa ne pɛ na n’enyigye do; na ɔsɛɛ no wɔ ne pɛ do, na otum ma ɔkra kɔ hɛl.
5 Hwɛ, Emi, Ewuradze, mema me ndze do, na wobedzi do.
6 Dɛm ntsi, nokwar, mese dɛ, wɔmma emumuyɛfo nhwɛ yie, na wɔmma etuatsewfo nsuro na hɔn ho mpopo; na wɔmma ekyingyefo mmua hɔn ano, osiandɛ aebufuw da no bɛba hɔn do dɛ bekyinehyia-mframa, na honam nyina cbohu dɛ Emi nye Nyame.
7 Na nyia ɔrohwehwɛ ansɛnkyerɛdze no bohu nsɛnkyerɛdze, mbom nnyɛ dza ɔdze kɔ nkwagye mu.
8 Nokwar, mese hom dɛ binom wɔ hom mu a wɔrohwehwɛ ehu nsɛnkyerɛdze, na binom fi ahyɛse no mpo;
9 Mbom, hwɛ, gyedzi nndua nsɛnkyerɛdze do ba, na mbom nsɛnkyerɛdze dzi hɔn a wɔgye dzi ekyir.
10 Nyew, nsɛnkyerɛdze nam agyedzi do ba, onndua nyimpa hɔn pɛ do, dɛ mbrɛ wɔrohwehwɛ, na mbom ɔnam Nyame ne pɛ do.
11 Nyew, nsɛnkyerɛdze nam gyedzi do, dze yɛ ndwuma akɛse mu, osiandɛ nyimpa biara a onnyi agyedzi no orunntum nnsɔ Nyame enyi; na nyia Nyame no bo efuw no no, n’enyi nngye no ho; dɛm ntsi, hɔn a wɔtsetse dɛm no, onnyi nsɛnkyerɛdze biara nnkyerɛ hɔn, na mbom bn’ebufuw nko na ɔdze hɔn kɔ cafɔbu mu.
12 Dɛm ntsi, emi, Ewuradze, m’enyi nngye hɔn a wɔwɔ hom mu a wɔpɛ dɛ wohu nsɛnkyerɛdze na anwanwadze ama woeenya gyedzi, na mbom wɔnnyɛ dza oye mmfa mma nyimpa nnhyɛ me enyimnyam.
13 Eso, mema mbrasɛm, na dodowara adan efi me mbrasɛm ho na wonndzi do.
14 aMbarimba na mbasiafo awartofo wɔ hom mu; binom efi hom mu kɔ, na binom so da ho wɔ hom mu na wɔbɛda hɔn edzi akyerɛ hom ekyir yi.
15 Hɔn a wɔtsetse dɛm no nhwɛ yie na wonnu hɔnho ntsɛm, amma atsɛmbu ammfa hɔn mprase, na hɔn nkwaseadze bɛda edzi, na hɔn ndwuma so bedzi hɔn ekyir ma nkorɔfo ehu.
16 Na nokwar, mese hom dɛ, dɛ mbrɛ makã akyerɛ hom dada no, nyia aɔhwɛ ɔbaa na no bkɔn dɔ no, anaadɛ cwɔbɔtõ awar wɔ hɔn akoma mu no, worinnya Sunsum no, na mbom wɔbɔpow gyedzi no na wobosuro.
17 Dɛm ntsi, emi, Ewuradze makã dɛ aehufo, nye ekyingyefo, nye batorfo nyina, nye obiara a ɔdɔ na codzi ator, nye edwamambɔnyi, nye nkaberkyernyi benya hɔn kyɛfa wɔ dbaka a ɔdzɛw ogya nye brimstone, dza ɔyɛ eowu mprenu no mu.
18 Nokwar mese dɛ, worinnya kyɛfa wɔ aowusoɛr a odzi kan no mu.
19 Na afei hwɛ, emi, Ewuradze, mese hom dɛ hom nndzi abem, osiandɛ ndzɛmba yinom wɔ hom mu.
20 Naaso, nyia aotsim gyedzi mu kɔ ewiei na ɔyɛ m’apɛdze no, sɛ nsakyer da no ba a, dɛm nyimpa no bedzi konyim, na obenya begyapadze wɔ asaase yi do;
21 Ber a awɔbɛsakyer basaase yi, tse dɛ nhwɛdo a woyii kyerɛɛ m’asomafo no wɔ cbepɔw no do no; dɛm asɛm no ne mãhyɛ no hom nsa nnyae nnkae.
22 Na afei, nokwar, mese hom dɛ, dɛ mbrɛ mekãa kyerɛɛ hom, dɛ mebɛda me pɛ edzi akyerɛ hom no, hwɛ, mebɛda no edzi akyerɛ hom, nnyɛ wɔ mbrasɛm kwan do, osiandɛ dodowara wɔ hɔ a wonndzi me mbrasɛm do.
23 Mbom nyia odzi me mbrasɛm do no, mibeyi am’ahenman mu esumadze akyerɛ no, na ɔbɛyɛ bnkwa nsubura wɔ no mu, na cɔapem akɔ nkwa a ɔwɔ hɔ daapem mu.
24 Na afei, hwɛ, iyi nye Ewuradze hom Nyankopɔn ne pɛ a ɔfa n’ahotseweefo ho, dɛ wɔbɔboa hɔn ano na wɔakɔ Zion asaase do, mma wɔnnkɔ no ɔhardo, amma basabasayɛ ennsi, dza ɔdze yardɔm bɛba.
25 Hwɛ, aZion asaase no—Emi, Ewuradze na okitsa mankasa me nsamu;
26 Naaso, Emi, Ewuradze, medze ndzɛmba a ɔyɛ aCæsar dze no ma Cæsar.
27 Dɛm ntsi, Emi, Ewuradze mepɛ dɛ hom totɔ nsaase no, ama hom eedzi wiadze ewuramim, ama hom nsa aada wiadze do, amma wɔaanngyegye hɔn ebufuw.
28 Osiandɛ aSatan dze ebufuw ahyɛ hɔn akoma mu dze etsia hom, dɛ wɔnkã hom bɔgya ngu.
29 Dɛm ntsi, mma hom nngye Zion asaase no kwa mbom wɔntɔ, anaadɛ wɔmmfa bɔgya nngye, annyɛ dɛm a ɔrennyɛ hom egyapadze.
30 Na sɛ hom tɔ a, hwɛ wobehyira hom.
31 Na sɛ hom kã bɔgya gu, wɔ ber a wɔabra hom dɛ mma hom nnkã bɔgya nngu a, hwɛ, hom atamfo bɔsoɛr hom do, na wɔahwe hom mbaa fi kurow do akɔ kurow do, fi nhyiamudan mu akɔ nhyiamudan mu, na kumaabi na wobegyina na hɔn nsa akã egyapadze.
32 Emi, Ewuradze, mo bo efuw emumuyɛfo; morotwe mo Sunsum efi nyimpa a wɔwɔ asaase do no do.
33 Makã ntam wɔ m’ebufuhyew mu, na mahyɛ mom dɛ aakõkoekõ mbra asaase enyi do, na emumuyɛfo bokuku emumuyɛfo, na obiara bosuro;
34 Na ɔbɛyɛ dzen dɛ aahotseweefo so mpo befi nsa; naaso, emi, Ewuradze, menye hɔn wɔ hɔ, na mibefi m’Egya n’enyim wɔ bsor esian aba na medze cogya a onndum da abɛhyew demumuyɛfo.
35 Na hwɛ, iyi nnyaa mmbae seseiara, na mbom ɔbɛba.
36 Dɛm ntsi, hom ehu dɛ Emi, Ewuradze na mahyɛ ndzɛmba yinom nyina ho mom wɔ asaase yi enyi do, mepɛ dɛ m’ahotseweefo hyia mu wɔ Zion asaase do;
37 Na ɔsɛ dɛ nyimpa biara fa atseneneeyɛ kitsa ne nsamu, na ɔfa nokwardzi bɔ n’asen do, na ɔma kɔkɔbɔ bndze do bɔ dawur kyerɛ nyimpa a wɔwɔ asaase do; hom nkã asɛm no nkyerɛ hɔn wɔ ber a hom ruguan so, dɛ camamfoyɛ bɛba emumuyɛfo do.
38 Dɛm ntsi, hom mma m’esuafo a wɔwɔ Kirtland no a wɔtse dɛm haban yi mu no mboaboa hɔn ndzɛmba ano.
39 Wɔmma m’akowaa Titus Billings a ɔhwɛ hɔn do no ntɔn asaase no, ama oeetum esiesie noho ama fefɛw ber a ɔreba yi na oeetu kwan akɔ Zion asaase do, ɔnye hɔn a wɔtse n’enyi hɔ nyina nkɔ ma ɔnka hɔn a meyi hɔn ama moho no nko, dɛ mma wɔnnkɔ nkesi ber a mebɛhyɛ hɔn dɛ wɔnkɔ.
40 Na sika nyina a hom botum dze ato hɔ no, dɛ osuar anaa ɔsõ no, ɔmmfa mo ho, wɔmfa nkɔ Zion asaase do nkɛma nkorɔfo a meyi hɔn dɛ wɔngyegye no.
41 Hwɛ, emi, Ewuradze, mebɛma m’akowaa Joseph Smith, Kakraba, tum a ɔbɛma oetum enya Sunsum mu anhumu akyerɛ hɔn a wɔbɔkɔ Zion asaase no do, nye m’esuafo hɔn mu binom so a wɔbɔtweɔn.
42 Wɔmma m’akowaa Newel K. Whitney nkɔ n’eguadzi no do, anaadɛ ɔnhwɛ efiadze no do mber kakra.
43 Mbom sika dodow biara a obotum eyi ama no, ɔmma wɔmfa nkɔ Zion asaase do.
44 Hwɛ, ndzɛmba yinom nyina wɔ nankasa ne nsamu, dɛm ntsi, ma ɔnyɛ dza ɔhwɛ a ɔyɛ enyansadze ma no.
45 Nokwar, mese dɛ, ma wɔnyɛ no ananmusinyi wɔ m’esuafo no a wɔbɔtweɔn no do, na ma wɔmfa tum no nhyɛ ne nsa;
46 Na afei enye m’akowaa Oliver Cowdery nyɛ ntsɛm nkɛsera nsɔr no, na hom nsiansian ndzɛmba yinom nyina mu nkyerɛ hɔn. Hwɛ, iyi nye me pɛ, dɛ hom ngyegye sika dɛ mbrɛ makyerɛ hom no.
47 Nyia aobedzi nokwar na oetsim no, obedzi wiadze do konyim.
48 Nyia ɔbɛma egudze ma wɔdze akɔ Zion asaase do no benya aegyapadze wɔ wiadze yi mu, na no ndwuma bedzi n’ekyir, na obenya akatua so wɔ wiadze a ɔbɛba no mu.
49 Nyew, na nhyira nkã ewufo a awowu wɔ Ewuradze mu, ofitsi aber yi dze kɔ aber a Ewuradze bɛba, ndzɛmba dadaw nyina bbotwa mu akɔ, na ndzɛmba nyina bɛyɛ fofor, na cwɔbɔsoɛr efi owu mu, na dworunnwu bio, na wobenya egyapadze wɔ Ewuradze enyim, wɔ kuropɔn krɔnkrɔn no mu.
50 Na nyia ɔtse ase ber a Ewuradze bɛba na oesie gyedzi no, awobehyira no; mbom wɔahyehyɛ ato hɔ dɛ sɛ onyin yɛ panyin a, otwar dɛ bowu.
51 Dɛm ntsi, mbofra abenyin ekodu dɛ wɔbɛyɛ nkɔdaa; nkɔdaa bowu; mbom wɔrennda huntuma mu, bwɔbɛsakyer hɔn ntsɛmara.
52 Dɛm ntsi, na asomafo no kãa wusoɛr ho asɛm kyerɛɛ wiadze no.
53 Ndzɛmba yinom nye dza ɔsɛ dɛ hom hwehwɛ; na dɛ mbrɛ Ewuradze kãe no, aɔabɛn, na ɔnnkɛkyɛr na ɔaba, ɔbɛba mpo wɔ da a Nyimpa Ba no bɛba.
54 Na ansaana dɔn no bɔsõ no, ambaabun nkwaseafo bɔfora enyansafo no mu; na aber no wobeyi atseneneefo efi emumuyɛfo mu koraa; na da no mu mobɔsoma m’abɔfoe ma bwɔabɛpa emumuyɛfo na wɔatow hɔn egu ogya a onndum da no mu.
55 Na afei, hwɛ, nokwar, mese hom dɛ, emi Ewuradze m’enyi nngye m’akowaa aSidney Rigdon ho, bɔmema noho do wɔ n’akoma mu na onntsie afotu, na mbom ɔhow Sunsum no werɛ;
56 Dɛm ntsi, dza aɔakyerɛw no nnsɔ Ewuradze n’enyi, na ɔwɔ dɛ ɔkyerɛw fofor; na sɛ Ewuradze anngye a, hwɛ orinngyina dzibew a emi medze no esi no bio.
57 Na bio, nokwar, mese hom dɛ, ahɔn a woenya pɛ wɔ hɔn akoma mu, wɔ ɔdwe mu dɛ bwɔbɔbɔ ndzɛbɔnyɛfo kɔkɔ ma woeenu hɔnho efi hɔn bɔn ho no, ma wɔnhyɛ hɔn asɔfo ma wonya dɛm tum yi.
58 Na dɛm da yi yɛ kɔkɔbɔ da, na nnyɛ da a wɔkasa pii wɔ mu. Na Emi, Ewuradze, onnyi dɛ wosi me atwetwe wɔ nda a odzi ekyir yi mu.
59 Hwɛ, mifi sor, na mo tum wɔ asaase do. Mobɔ adze nyina do, na mowɔ adze nyina mu, na amudua adze nyina mu, na da bi bɛba a ndzɛmba nyina bɛhyɛ m’ase.
60 Hwɛ, emi nye aAlpha na Omega, Jesus Christ no mpo.
61 Dɛm ntsi, hom mma nyimpa nyina nhwɛ yie wɔ kwan a wɔfa do bɔ me adzin wɔ hɔn ano no ho—
62 Na hwɛ, nokwar, mese dɛ, dodowara wɔ hɔ a wɔhyɛ afɔbu yi ase, hɔn a wɔbɔ Ewuradze ne dzin egyangyan, na wonnyi tumdzi no.
63 Dɛm ntsi, ma asɔr no nnu hɔnho wɔ hɔn bɔn ho, na emi, Ewuradze, mebɛfa hɔn ayɛ medze, annyɛ dɛm a, wobotwa hɔn akyen.
64 Hom nkaa dɛ dza ofi sor no yɛ akrɔnkrɔn, na ɔwɔ dɛ wɔdze ahwɛyie bkã ho asɛm, na wɔma Sunsum no pem hɔn adze; na dɛm nnkɛma afɔdzi biara aba, na hom nam cmpaabɔ do nya Sunsum no; dɛm ntsi, sɛ wɔannyɛ iyi a, nna afɔbu wɔ hɔ ma hom.
65 Ma mo nkowaa, Joseph Smith, Kakraba, nye Sidney Rigdon nhwehwɛ fie mma hɔn, na sɛ wɔbɔ ampaa a Sunsum no bɛkyerɛ hɔn dza wɔnyɛ.
66 Ndzɛmba yinom wɔ hɔ, na wɔdze abotar bedzi do konyim, na dɛm bɛma woenya onnyiewiei aenyimnyam a ɔyɛ bdur, sɛ annyɛ dɛm a, wobenya afɔdzi kɛsenara. Amen.