Kyerɛwsɛm
Nkyerɛkyerɛ na Ahyɛmudzi 38


Ɔfã 38

Nyikyerɛ a wɔnam Joseph Smith Nkɔnhyɛnyi no do dze mae wɔ Fayette, New York, Sanda 2, 1831. Aber no, nna Asɔr no reyɛ ehyiadzi kɛse bi.

1–6, Christ na ɔbɔɔ ndzɛmba nyina; 7–8, Ɔwɔ N’Ahotseweefo no a ɔnnkɛkyɛr na woehu No no mu; 9–12, Honam nyinara aprɔw wɔ N’enyim; 13–22, Oesiesie anohoba asaase ato hɔ ama N’Ahotseweefo wɔ aber yi nye mbersantsen mu; 23–27, Wɔhyɛ Ahotseweefo dɛ wɔnyɛ kor na wɔmfa obu mma hɔnho nkorkor dɛ wɔyɛ enuanom; 28–29, Wɔhyɛ akõkoekõ ho nkɔm; 30–33, Wɔbɛma Ahotseweefo no tum efi sor na wɔakɔ aman nyinara mu; 34–42, Wɔhyɛ Asɔr no dɛ wɔnhwɛ ehiafo na abɔbɔfo, na wɔmper nhwehwɛ mbersantsen ahonyadze no.

1 Dɛm na Ewuradze, hom Nyankopɔn, Jesus Christ mpo, Okokroko aEmi Mara no, Alpha na Omega, bahyɛse na ewiei no, nyia n’enyi sõ mbersantsen mbea nyina do, nye Seraphfo cdɔmtutuw a wɔwɔ sor, dansaana ewɔrobɔ wiadze no se;

2 Emi na aminyim ndzɛmba nyinara no, osiandɛ bndzɛmba nyinara gu m’enyim;

3 Emi nye nyia ɔkasae, na awɔyɛɛ wiadze no, na ndzɛmba nyinara nam mo do bae.

4 Emi nye nyia ɔafa Enoch ne aZion abɔ no bo no; na nokwar, mese dɛ dodowara a bwɔagye me dzin edzi no, osiandɛ emi nye Christ, na mankasa me dzin ntsi, na osian cbɔgya a mikyii no tum ntsi, maserɛ wɔ Egya no hɔ ama hɔn.

5 Mbom hwɛ, medze aemumuyɛfo hɔn asefo no ato bsum mpokyerɛ no mu ekesi catsɛmbu da kɛse no a ɔbɛba asaase n’ewiei no;

6 Na dɛm na mebɛma wɔdze emumuyɛfo a worinntsie me ndze na mbom wopirim hɔn akoma no esie, na wondue, wondue, wondue na mbusu bɛba hɔn do.

7 Na, hwɛ, nokwar, nokwar, mese hom dɛ am’enyi wɔ hom do. Mowɔ hom bfinimfin na hom nntum nnhu me;

8 Na da no bɛba ntsɛm a hom abohu me, na hom ehu dɛ emi nye mara; na ɔnnkɛkyɛr na sum n’akataenyim no apa, na nyia bwɔnntseew no ho no nnkotum cegyina wɔ da no mu.

9 Dɛm ntsi, hom mbɔ hom asen do na hom nyɛ ahosiesie. Hwɛ, aahenman no yɛ homdze, na ɔtamfo no nnkedzi konyim.

10 Nokwar mese hom dɛ, hom ho aatsew, na mbom nnyɛ hom nyinara; na dɔm biara nnyi hɔ bio a bm’enyi gye hɔnho yie;

11 Osiandɛ ahonam nyinara aprɔw wɔ m’enyim; na bsum no tum agye asaase do, wɔ adasamba mu, wɔ sor dɔmtutuw nyinara enyim—

12 Dza ɔma kommyɛ dzi hen, na ayaw kã mbersantsen nyina, na babɔfo no rotweɔn dza mbra kɛse no dɛ cwontwa asaase do ndɔbaa, na wɔbɛtase dnworahaban no na ewɔahyew; na hwɛ, ɔtamfo no ayɛ kor.

13 Na afei merekyerɛ hom esumadze bi, adze a ɔhyɛ nsumaamu, ɔdze hom ansɛɛe bɛba aber yi mu, na hom nnyim;

14 Na afei merekã kyerɛ hom, na woehyira hom, nnyɛ osian hom emumuyɛ ntsi, nna nnyɛ hom ekyingye akoma so ntsi; na nokwar, hom mu binom dzi fɔ wɔ m’enyim, na mbom mubohu hom mberɛwyɛ ho mbɔbɔr.

15 Dɛm ntsi, ofi aber yi dze kɔ hom nhyɛ adzen; bmma hom nnsuro, osiandɛ ahenman no yɛ homdze.

16 Na osian hom nkwagye ntsi mema hom mbrasɛm, osiandɛ matse hom mpaabɔ, na aehiafo no dze hɔn nsɛm ato m’enyim, na besikafo no emi na mobɔɔ hɔn, na honam nyina yɛ medze, na cmonnhwɛ nyimpa enyim.

17 Na mayɛ asaase frɔmfrɔm, na hwɛ, ɔyɛ am’ananadze egua, dɛm ntsi, mibegyina do bio.

18 Na mema me nsa do na ɔyɛ mepɛ dɛ medze ahonyadze kɛse ma hom, ɔyɛ anohoba asaase mpo, asaase a numfonsu na ewo repem do, dza sɛ Ewuradze ba a ndom biara nnkɛba do;

19 Na sɛ hom dze hom akoma nyina per hwehwɛ a, medze bɛma hom dɛ ɔyɛ hom egyapadze asaase.

20 Na iyi bɛyɛ ahyɛmu ama hom, hom benya dze ayɛ hom egyapadze asaase, na ɔayɛ hom mba hɔn aegyapadze afebɔɔ, mber dodow a asaase yi bɛtsena hɔ, na ɔbɛyɛ homdze bio kesi mbersantsen, na orunntwa mu da.

21 Mbom, nokwar mese hom dɛ ɔrennkyɛr na hom rinnya ɔhen anaa ɔhwɛdofo, na mebɛyɛ hom ahen na mahwɛ hom do.

22 Dɛm ntsi, hom ntsie me ndze na hom ankã mo do, na hom bɛyɛ bfahodzifo, na sɛ meba a hom rinnya mbra biara nnkã medze ho; osiandɛ emi nye hom cmbramafo, na ebɛnadze na obotum apem me nsa adze?

23 Na nokwar, mese hom dɛ, hom ankyerɛkyerɛ homho nkorkor dɛ mbrɛ dzibew a medze hom esisi no tse;

24 Na hom mma nyimpa biara ambu no nua dɛ nankasa noho, na hom mbɔ bɔbra pa nye ckrɔnkrɔnyɛ wɔ m’enyim.

25 Na bio, mese hom dɛ, hom mma nyimpa biara mbu no nua dɛ nankasa noho.

26 Na hom mu woana na ɔwɔ mba duebien, na wɔsom no setsie mu, na ɔnnyɛ nyiyimu, na ɔbɛse kor dɛ: Wɔnhyɛ no ntar a ɔyɛ fɛw na ɔntsena ha, na ɔbɛse kor so dɛ: Wɔnhyɛ no ntar a atsetsew na ɔntsena noho—na ɔbɔhwɛ ne mba no na ɔakã dɛ midzi pɛrpɛr?

27 Hwɛ, medze iyi ayɛ abɛbu ama hom, na ɔtse dɛ mara so mpo. Mese hom dɛ, hom nyɛ kor; na sɛ hom annyɛ akor a, nna hom nnyɛ medze.

28 Na bio, mese hom dɛ ɔtamfo no hyɛ nsumaamu, na ɔreper hwehwɛ hom ankwa.

29 Hom tse aakõkoekõ nkã wɔ aman a ɔwɔ ekyirekyir no mu, na hom kã dɛ ɔrennkyɛr na akõkoekõ akɛse esisi aman a ɔwɔ ekyirekyir no mu, na mbom hom nnyim nyimpa a wɔwɔ homankasa hom asaase do no hɔn akoma mu.

30 Mekã nsɛm yinom kyerɛ hom, osian hom mpaabɔ ntsi; dɛm ntsi hom ankora bnyansa wɔ hom bo mu, amma emumuyɛfo enndua hɔn emumuyɛdze mu annda ndzɛmba yinom edzi annkyerɛ hom, wɔ kwan bi do a ɔbɛma wɔdze ndze a ɔyɛ dede akasa wɔ hom asowa mu akyɛn dza ɔbɛma asaase awosow; na mbom sɛ hom ayɛ ahosiesie a, hom nnkosuro.

31 Na ama hom eetum eguan efi ɔtamfo no tum ase, na wɔdze hom aaboa ano ayɛ hom atseneneefo a ankekãa nye afɔbu biara nnyi hom ho dze ama me—

32 Dɛm ntsi na mehyɛɛ hom dɛ hom nkɔ aOhio no; na hɔ na medze me bmbra bɛma hom, na hɔ na medze cadom akyɛdze tum a ofi sor bɛma hom.

33 Na hɔ na obiara a mepɛ no, mebɛma aɔakɔ aman nyinara mu, na wɔbɛkã dza ɔwɔ dɛ wɔyɛ akyerɛ hɔn; na mahyehyɛ dwumadzi kɛse bi ato hɔ, na bwɔbɛgye Israel nkwa, na mibegya hɔn akɔ beebiara a mepɛ, na tum biara nnkotum capem me nsa adze.

34 Na afei, medze mbrasɛm ma asɔr a ɔwɔ dɛm mbea yi do no dɛ wɔmma nyimpa binom a wɔwɔ hom mu nsisi dzibew, asɔrmba nyina na wɔmbɔ mu mfa hɔn andze nyi hɔn;

35 Na hɔn na wɔbɔhwɛ ehiafo nye abɔbɔfo do, na wɔama hɔn amboa amma woeennhu amandze; na wɔasoma hɔn dze hɔn akɔ bea a mahyɛ hɔn no do;

36 Na iyi nye hɔn edwuma, dɛ wɔbɔhwɛ asɔr yi n’egyapadze ho nsɛm do.

37 Na hɔn a wɔwɔ haban a wonnkotum atɔn no, wɔmma wongya no hɔ anaadɛ wɔmfa mma binom ma wɔnyɛ do edwuma dɛ mbrɛ wɔhwɛ a oye ma hɔn.

38 Wɔnhwɛ mbɔ ndzɛmba nyina ho ban; na sɛ wɔdze aadom akyɛdze tum a ofi sor no nya hyɛ nyimpa no mã na wɔsoma hɔn a, wɔbɔboaboa ndzɛmba yinom nyina ano akɔ asɔr no bo mu.

39 Na sɛ hom per hwehwɛ aahonyadze no a ɔyɛ Egya ne pɛ dɛ ɔdze ma hom a, hom bɛyɛ ahonyafo wɔ nyimpa nyinara mu, osiandɛ hom benya onnyiewiei ahonyadze; na bwiadze ahonyadze so yɛ medze a ɔsɛ dɛ medze ma; na mbom hom nhwɛ yie wɔ cahantanyɛ ho, amma hom ammbɛyɛ dɛ dtsetseberdo Nephifo no.

40 Na bio, mese hom dɛ, mema hom mbra yi, dɛ banyin biara, elder, ɔsɔfo, kyerɛkyerɛnyi nye asɔrba so dɛ, ɔmfa n’ahoɔdzen nye ne ansa nkɛyɛ edwuma mfa nyɛ ndzɛmba a mahyɛ no ho.

41 Na hom mma hom aasɛmpakã nyɛ bkɔkɔbɔ ndze, obiara nkasa wɔ botooyɛ nye ɔdwe mu nkyerɛ ne nyɛnko.

42 Na hom amfi emumuyɛfo no mu. Hom ngye homho nkwa. Hom mma homho ntsew, hom a hom soso Ewuradze nkuraba no. Ɔnyɛ dɛm so. Amen.