Diyingo Naʼnitin dóó Bee Ahadaʼdeestʼáanii Saad Bee Ąą Álnéehii dóó Ałkééʼ Ádahootʼįįdígíí Baa Haneʼ Naaltsoos Siʼánígíí Bízhiʼ Saad Bee Ąą ÁlnéehiiDiyingo Naʼnitin dóó Bee Ahadaʼdeestʼáanii éí diyingo ííshjání ádaalyaaígíí ádaatʼé dóó éí diyingo hadaʼiisdzííʼ akéeʼdi yoołkááłgo nahasdzáán bikáaʼgi Diyin God bił hazʼą́ dóó bibee hazʼáanii bee hadilnééh. Azhą́ ląʼí da díí daóltaʼígíí Jesus Christ Bisodizin Dííjį́įdi Yá Naazínígíí bichʼįʼ ádaalyaa ndi, bee hadaʼiisdziʼígíí, hóyééʼ ádahodooníłígíí, dóó saad bee haʼólníinii éí tʼáá ałtso nihokááʼ dineʼé bee bichʼįʼ hadaʼiisdzííʼ dóó tʼáá ałtso nihokááʼ dineʼé adahwiisáago Diyin Bóhólníihii Jesus Christ biinééʼ deididootsʼííłgo hágo dabidiʼdooʼniił, éí atsʼíískʼehgo bedaʼiinaʼ yáʼátʼééh dadooleeł dóó hoolʼáágóó yisdándookahgo bee bichʼįʼ hadaʼiisdzííʼ. Ádahóótʼįįdgo Ałkééʼ Baa Dahaneʼígíí Biyiʼ Silá DaóltaʼiiDaóltaʼii Biyiʼ Siláhígíí Diyingo Naʼnitin dóó Bee Ahadaʼdeestʼáanii 1Diyin Yá Yáłtiʼí Joseph Smith díí diyingo bił ííshją́ą́ ályaa, Níłchʼitsʼósí 1, 1831 yihahgo, éí elders Sodizin daʼatahígíí biniyéí ntsaago áłah daʼaleehd góneʼ áhóótʼįįd, Hiram, Ohiodi. Diyin Bóhólníihii bitsʼą́ą́dę́ę́ʼ ląʼí diyingo nihił ííshją́ą́ ádaʼalyaa tʼáá ńléídę́ę́ʼ ndi kʼad éí díí ndaháasdzohígíí naaltsoos bee ndootʼááłgo tʼáá íiyisíí bee lą́ adooleełgo ntsaa áłah náʼádleehdi baa nahástʼįįd. Díí wóltaʼii Diyin Bóhólníihii binaʼnitin, diyingo bee ahadaʼdeestʼą́, dóó bee hazʼáanii dííjį́ hoolzhishdi alą́ąjįʼ yaa haadzííʼ. Diyingo Naʼnitin dóó Bee Ahadaʼdeestʼáanii 2Díí Joseph Smith binákééʼ náháneʼ biyiʼdóó haadzoh éí Diyin yá naalʼaʼí Moroni Diyin Yá Yáłtiʼí Joseph Smith díí saad yee yił hoolneʼgo bikááʼ, éí Diyin Yá Yáłtiʼí bizheʼé bighan biyiʼ Manchester, New Yorkdi, Biniʼanitʼą́ą́tsoh 21, 1823yę́ędą́ą́ʼ áhóótʼįįd. Moroni éí nákééʼ náhálneʼé akéedi bił nihoolzhiizhígíí nilį́ éí Naaltsoos Mormon Wolyéhígíí yinaashnish éí nihokááʼ dineʼe kʼad baa deitʼą́. (Malachi 4:5–6 bił ahąąh naninil; daóltaʼii 27:9; 110:13–16; dóó 128:18 ałdóʼ.) Diyingo Naʼnitin dóó Bee Ahadaʼdeestʼáanii 3Diyin Yá Yáłtiʼí Joseph Smith díí diyingo bił ííshją́ą́ ályaa, Harmony, Pennsylvaniadi, Yaʼiishjááshtsoh 1828 yihahgo, éí 116 naaltsoos ahetʼáád yooʼeejaaʼyę́ę bidéétʼiʼ éí Naaltsoos Mormon Wolyéhígíí tʼáá haʼaltahgi naasdzoh bitsʼą́ą́dę́ę́ʼ bilagáanakʼehjí ályaa, éí Lehi binaaltsoos wolyé. Diyin Yá Yʼáłtiʼí chʼééh doo íínízin da ndi díí ndaháasdzoh yaaʼáhályą́née yee lą́ asłį́į́ʼgo Martin Harris yee níjaaʼ, éí tʼóó hónísgháníjįʼ Naaltsoos Mormon Wolyéhígíí bilagáanaají álnééhgo yá naʼazoií nilį́į́ ńtʼę́ę́ʼ. Diyingo ííshją́ą́ eʼélnééh éí Urim dóó Thummin binahjįʼ nihił hóóneʼ. (Wóltaʼii 10gi yídííłtah.) Diyingo Naʼnitin dóó Bee Ahadaʼdeestʼáanii 4Diyin Yá Yáłtiʼí Joseph Smith díí diyingo bił ííshją́ą́ ályaa éí bizheʼé, Joseph Smith Sr. yee yił hodoolnih biniyé, éí Harmony, Pennsylvaniadi, Atsá Biyáázh 1829 yihahgo áhóótʼįįd. Diyingo Naʼnitin dóó Bee Ahadaʼdeestʼáanii 5Diyin Yá Yáłtiʼí Joseph Smith díí diyingo bił ííshją́ą́ ályaa, Harmony, Pennsylvaniadi, Wóózhchʼį́į́d 1829 yihahgo, Martin Harris yíyókeedgo. Diyingo Naʼnitin dóó Bee Ahadaʼdeestʼáanii 6Diyin Yá Yáłtiʼí Joseph Smith dóó Oliver Cowdery díí diyingo bił ííshją́ą́ ályaa, Harmony, Pennsylvaniadi, Tʼą́ą́chil 1829 yihahgo. Oliver Cowdery Naaltsoos Mormon Wolyéhígíí yinídiilnish ataʼ haneʼ álnééhgo yá naʼazooí silį́į́ʼ, Tʼą́ą́chil 7, 1829 yihahgo. Diyin Yá Yáłtiʼí béésh tʼąhí bikááʼ Naaltsoos Mormon Wolyéhígíí haneʼ naháásdzohígíí éí tʼáá aaníí átʼé níigo yee haadzííʼyę́ę éí tʼáá íídą́ą́ʼ diyingo bee bił hóóneʼ. Diyin Yá Yáłtiʼí éí Urim dóó Thummim binahjįʼ Diyin Bóhólníihii neiyídéíłkid áádóó díí bee bił hóóneʼ. Diyingo Naʼnitin dóó Bee Ahadaʼdeestʼáanii 7Diyin Yá Yáłtiʼí Joseph Smith dóó Oliver Cowdery díí diyingo bił ííshją́ą́ ályaa, Harmony, Pennsylvaniadi, Tʼą́ą́chil 1829 yihahgo, íídą́ą́ʼ Urim dóó Thummim yinahjįʼ, John akééʼ sizíinii ayóó ábidooʼníinii, éí daatsí tʼahdii naahasdzáán yikááʼ hiiná doodaiiʼ dahnídiidzááʼgo yínaʼádéíłkid. Diyingo ił ííshją́ą́ ályaaʼígíí éí John akágí bikááʼ ataʼ haneʼ néíyíízooígíí átʼé dóó tʼáá bí néídeesʼį́į́ʼ. Diyingo Naʼnitin dóó Bee Ahadaʼdeestʼáanii 8Diyin Yá Yáłtiʼí Joseph Smith díí diyingo bił ííshją́ą́ ályaa éí Oliver Cowdery yee yił hodoolnih biniyé, Harmony, Pennsylvaniadi, Tʼą́ą́chil 1829 yihahgo. Naaltsoos Mormon Wolyéhígíí nááná łahjįʼ saad bee álnééhgo, Oliver, éí haneʼ neiyiizóóhgo, éí Diyin Yá Yáłtiʼí bichʼįʼ yáłtiʼgo neiyiizóóh, éí ataʼ haneʼ shąąh ndoolyééł nízin. Áko Diyin Bóhólníihii neiyooskanígíí biniinaa díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 9Diyin Yá Yáłtiʼí Joseph Smith díí diyingo bił ííshją́ą́ ályaa, Oliver Cowdery yee yił hodoolnih biniyé, Harmony, Pennsylvaniadi, Tʼą́ą́chil 1829 yihahgo. Oliver bichʼįʼ haʼoodzííʼ haʼíínílní dóó tʼáá nił hózhǫ́ǫgo naʼízoh, kʼad éí, ataʼ halneʼí yee hahaadziihígíí tʼéiyá bikʼehgo naʼízoh, ataʼ hodíílnihgo éí dooda biʼdooʼniid. Diyingo Naʼnitin dóó Bee Ahadaʼdeestʼáanii 10Diyin Yá Yáłtiʼí Joseph Smith Jr. díí diyingo bił ííshją́ą́ ályaa, Harmony, Pennsylvaniadi, Tʼą́ą́chil 1829 nahalzhiizhgo, ákondi łaʼ daatsʼí shį́įgo 1828 yihahgo bichʼįʼ kólyaa ńtʼę́ę́ʼ. Díí biyiʼ Diyin Bóhólníihii Joseph Naaltsoos Mormon Wolyéhígíí biyiʼ, Lehi binaaltsoos bitsʼą́ą́dóó hastóí doo yáʼádaashóonii naaltsoos naasdzoh 116 aheestʼahígíí łahgo átʼáó ádeiyilaaígíí yee yił hoolneʼ. Martin Harris naʼadzogo ádahatʼáád baa áhólyą́ biʼdooniidyę́ę yóóʼayííjaaʼ, éí tʼóó honíshgháníjįʼ beiyíjaaʼ ńtʼę́ę́ʼ. (Wóltaʼii 3gi alą́ąjįʼ saad dashijaaʼígíí yídííłtah.) Doo yáʼáshǫ́ǫgo bee nahastʼánígíí éí ahetʼáád daneestʼį́į́yę́ę bibaʼ ataʼ haneʼ ańdoolnííł áádóó éí yee ataʼ halneʼígíí tʼáadoo hazhóʼí áyiilaa da dóó ánályaaígíí doo ákótʼéego ályaa da dadiʼdooniił. Áko díí doo yáʼáshǫ́ǫgo binahastʼánígíí éí biʼiinízįįd nilíinii bintsékees yee haidiilaa dóó díí éíyá Diyin Bóhólníihii tʼáá íídą́ą́ʼ bił bééhózin ńtʼę́ę́ʼ Mormon ndi, Nephi dineʼé yá ałkééʼ náhálneʼ nilíinii, éí béésh tʼą́hí bikááʼ naʼasdzohyę́ę ahiih yiiléego, éí Naaltsoos Mormon Wolyéhígíí biyiʼ ńdáásdzoh (Mormon Bizaad 1:3–7 yídííłtah). Diyingo Naʼnitin dóó Bee Ahadaʼdeestʼáanii 11Diyin Yá Yáłtiʼí Joseph Smith díí diyingo bił ííshją́ą́ ályaa éí bínaaí Hyrum Smith yee yił hodoolnih biniyé, Harmony, Pennsylvaniadi, Tʼą́ą́tsoh 1829 yihahgo. Díí ił ííshją́ą́ ályaa Urim dóó Thummin biníkááʼgóneʼ éí Joseph naʼookąąh dóó naʼídíłkidgo bichʼįʼ kólyaa. Joseph Smith binákééʼ náháneʼ naʼasdzooígíí áníigo éí Diyin Bibeʼadziilii Aaronic Wolyéhígíí ninályá bikééʼdóó ííshją́ą́ ályaa. Diyingo Naʼnitin dóó Bee Ahadaʼdeestʼáanii 12Diyin Yá Yáłtiʼí Joseph Smith díí diyingo bił ííshją́ą́ ályaa éí Joseph Knight Sr. yee yił hodoolnih biniyé, Harmony, Pennsylvaniadi, Tʼą́ą́tsoh 1829 yihahgo. Joseph Knight éí Joseph Smith yaa yááłtiʼígíí yoosdląąd éí béésh tʼąhí Naaltsoos Mormon Wolyéhígíí neijaahígíí dóó ataʼ haneʼ yinaalnishígíí dóó díkwíídishį́į́ naadeełii yee Joseph Smith dóó bá naʼadzooí yee yikáʼaalwod, éí binahjįʼ ataʼ haneʼ yindaalnishígíí tʼáá náás yitʼih. Joseph Knight yínaʼádíłkidgo, Diyin Yá Yáłtiʼii éí Diyin Bóhólníihii yichʼįʼ sodoolzin dóó diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 13Díí Joseph Smith binákééʼ náháneʼ biyiʼdóó haadzoh éí Diyin Yá Yáłtiʼii dóó Oliver Cowdery Diyin Bibeʼadziilii Aaronic Wolyéhígíí bee biʼdoolzį́į́ʼyę́ę yaa halneʼ éí Harmony, Pennsylvania bíighahgi, Tʼą́ą́tsoh 15, 1829 yihahgo áhóótʼįįd. Akʼihodiiniiʼ ályaaígíí éí Diyin yá naalʼaʼí John yinishyé níigo atsíítʼááh dahdéésniiʼgo iisį́į́ʼ, tʼáá éí New Testament biyiʼ John Tó Yeeʼiisį́į́hii bee wójí. Diyin yá ndaalʼaʼí Peter, James, dóó John, tʼáá ałkʼidą́ą́ʼ Hastóí Bikʼihodiiniiʼę́ę ádashiłníigo díí ííshłaa ní, éí Diyin Bibeʼadziilii bibee ąą ńdaditį́hí hódahgooígíí dahdeiyólé, éí Diyin Bibeʼadziilii Melchizedek Wolyéhígíí. Joseph dóó Oliver náasdi baa hoolzhiizhgo díí Diyin bibeʼadziilii hódahgooígíí bee bikʼidahididoonih. (Wóltaʼii 27:7–8, 12 yídííłtah.) Diyingo Naʼnitin dóó Bee Ahadaʼdeestʼáanii 14Diyin Yá Yáłtiʼí Joseph Smith díí diyingo bił ííshją́ą́ ályaa éí David Whitmer yee yił hodoolnih biniyé, Fayette, New Yorkdi, Yaʼiishjááshchilí 1829 yihahgo. Whitmer bił hazʼą́ągi Naaltsoos Mormon Wolyéhígíí baa atʼaʼ haneʼ tʼáá íiyisíí yídanéésdlįįd. Áádóó Diyin Yá Yałtiʼii Peter Whitmer Sr. bighangi yił yah ííná, áádí naanish ataʼ haneʼígíí ałtso áyiilaa dóó naaltsoos hadidoolnííł bee hazʼánígíí bee bá lą́ azlį́į́. Tááʼgo Whitmer biyeʼké, éí naanish tʼáá aaníí átʼéego bił béédahózingo, tʼááłáʼí nízínígo binaanish ádeidoolíłígíí tʼáá íiyisíí yaa dabíniʼ daazlį́į́ʼ. Díí diyingo ííshją́ą́ ályaaígíí dóó naakigo (daóltaʼii 15 dóó 16) éí Urim dóó Thummim binahjįʼ yaa ndaʼádééłkidyę́ę yaa bił dahóóneʼ. David Whitmer éí náasdi Naaltsoos Mormon Wolyéhígíí łaʼ Tááʼgo Daʼooʼíinii silį́į́. Diyingo Naʼnitin dóó Bee Ahadaʼdeestʼáanii 15Diyin Yá Yáłtiʼí Joseph Smith díí diyingo bił ííshją́ą́ ályaa éí John Whitmer yee yił hodoolnih biniyé, Fayette, New Yorkdi, Yaʼiishjááshchilí 1829 yihahgo. (wóltaʼii 14gi alą́ąjįʼ saad dashijaaʼígíí yídííłtah) Naaltsoos Mormon Wolyéhígíí Tseebíí Daʼiiłtsáanii Bizaad Tʼáá Aanínígíí. Diyingo Naʼnitin dóó Bee Ahadaʼdeestʼáanii 16Diyin Yá Yáłtiʼí Joseph Smith díí diyingo bił ííshją́ą́ ályaa éí Peter Whitmer Jr. bá, Fayette, New Yorkdi, Yaʼiishjááshchilí 1829 yihahgo (wóltaʼii 14gi alą́ąjįʼ saad dashijaaʼígíí yídííłtah). Peter Whitmer Jr. éí náás hodeeshzhiizhgo Naaltsoos Mormon Wolyéhígíí łaʼ Tseebíí Daʼiiłtsáanii Bizaad Tʼáá Aanínígíí yitah silį́į́ʼ. Diyingo Naʼnitin dóó Bee Ahadaʼdeestʼáanii 17Diyin Yá Yáłtiʼí Joseph Smith díí diyingo bił ííshją́ą́ ályaa dóó díí éí Oliver Cowdery, David Whitmer, dóó Martin Harris bił béédahodoozįįł biniyé, Fayette, New Yorkdi, Yaʼiishjááshchilí 1829 yihahgo, béésh tʼą́hí bikááʼ naʼasdzoh tʼáhdoo deinéłʼį́į́góó éí Naaltsoos Mormon Wolyéhígíí bahaneʼ biyiʼ silá. Joseph dóó bá naʼazooí, Oliver Cowdery, Naaltsoos Mormon Wolyéhígíí béésh tʼą́hí ataʼ haneʼ ályaaígíí bitsʼą́ą́dóó yaa ákóniizį́į́ʼ hózhǫ́ tʼáá sahdii tááʼgo daʼooʼíinii bikʼihodidoonih (Ether 5:2–4; 2 Nephi 11:3; 27:12 yídííłtah). Oliver Cowdery, David Whitmer, dóó Martin Harris hózhǫ́ tʼáá sahdii tááʼgo daʼooʼíínii íiyisíí ádeinízingo dabidiisnááʼ. Diyin Yá Yáłtiʼí Diyin Bóhólníihii neiyídéíłkid, dóó díí ííshją́ą́ ályaaígíí Urim dóó Thummim biníkááʼ góneʼ bił hóóneʼ. Diyingo Naʼnitin dóó Bee Ahadaʼdeestʼáanii 18Diyin Yá Yáłtiʼí Joseph Smith, Oliver Cowdery, dóó David Whitmer díí diyingo bił ííshją́ą́ ádaalyaa, Fayette, New Yorkdi, Yaʼiishjááshchilí 1829 yihahgo. Diyin Yá Yáłtiʼí bikʼehgo, díí diyingo ííshją́ą́ ádaalyaaígíí “hastóí naakitsʼáadah akéedí yoołkááł biiʼ bikʼidahodidoonih bééhózingo ályaa, dóó ałdóʼ Sodizin bee aanoosééł yíneineestą́ą́ʼ.” Diyingo Naʼnitin dóó Bee Ahadaʼdeestʼáanii 19Diyin Yá Yáłtiʼí Joseph Smith díí diyingo bił ííshją́ą́ ályaa, Manchester, New Yorkdi, tʼah shį́įgo 1829 yihahgo. Diyin Yá Yáłtiʼí, binákééʼ náháneʼ biyiʼ éí chʼííníʼą́, “díí Diyin God bibee hazʼáanii átʼé doo éí diné bitsʼą́ą́dééʼ da, éí Hoolʼáágóó Hiináanii, Martin Harris yeinílá.” Diyingo Naʼnitin dóó Bee Ahadaʼdeestʼáanii 20Sodizinjí dah ooldah dóó bihootʼááłgo bee oonishígíí diyingo ił ííshją́ą́ ádaalyaa, éí Diyin Yá Yáłtiʼí Joseph Smith bił hóóneʼ, Fayette, New Yorkdi doodaiiʼ bíighahgi. Díí diyingo ił ííshją́ą́ ályaaígíí łahdóó daatsʼí tʼáá íídą́ą́ʼ 1829 shį́įgo bee bił hooneʼ. Díí tʼáá átʼé ííshją́ą́ ályaa, éí íídą́ą́ʼ Articles and Covenants wolyéé ńtʼę́ę́ʼ, áádóó Tʼą́ą́chil 6, 1830 yihahgo tʼah doo nízaad nahalzhíshí díí ałtso náháásdzoh (éí bijį́ Sodizin bee hahoolzhiizh). Diyin Yá Yáłtiʼí díí neiyíizoh, “[Jesus Christ] tʼáá Bí díí bitsʼą́ą́dóó nídadiilyá, Diyin bikʼehgo áhodoonííł bee haʼoodzíʼígíí dóó diyingo ił ííshją́ą́ ályaaígíí bee; éí tʼóó ląʼígo nihił chʼétʼą́, dóó ałdóʼ tsʼídá yoołkaałgo áhodoonííł góneʼ yaa hoolneʼ, éí tʼáá Bí yinízin dóó bibee hazʼáanii bikʼehgo, nihi éí nahasdzáán bikáaʼgi BiSodizin hanáádoolwołgo hastʼedadiilnííł.” Diyingo Naʼnitin dóó Bee Ahadaʼdeestʼáanii 21Diyin Yá Yáłtiʼí Joseph Smith díí diyingo bił ííshją́ą́ ályaa, Fayette, New Yorkdi, Tʼą́ą́chil 1830 yihahgo. Díí diyingo ííshją́ą́ ályaaígíí éí Sodizin hadilnééhdi bił chʼétʼą́, yoołkaał wójįʼgi, Peter Whitmer Sr. bighangi. Hastą́ą́ hastóígo, éí tʼáá íídą́ą́ʼ tó bee dabiʼdoolzį́į́ʼgo, éí atah ádaʼiilaa. Ádeinízingo tʼáá átʼé lą́ daʼasłį́į́ʼ dóó nahatʼá yídadiilkaalgo, éí Diyin God bibee hazʼáanii bikʼehgo (wóltaʼii 20 yídííłtah). Áádóó ałdóʼ Joseph Smith Jr. dóó Oliver Cowdery bił danilį́ dóó Sodizin yilą́ąjįʼ tʼáá áłah ásizį́į doogo yee lą́ daʼasłį́į́ʼ. Atsíí tʼááh dah adéesniiʼ bee, Joseph éíí Oliver Sodizinjí elder nilį́į doogo yee yiyísį́į́ʼ, áádóó Oliver tʼáá ákótʼáo Joseph yiyíísį́į́ʼ. Bááh dóó tó ataa daaską́ dóó bikʼijįʼ, Joseph dóó Oliver ákaʼííjéʼígíi tʼáá łaʼí nízínígo yitsíí tʼááh dahdadeesniiʼgo Iiʼ Sizį́ Diyinii yaayiizlá dóó łaʼí nízį́įgo Sohodizin atah dadooleełgo yikʼi sodoolzin. Diyingo Naʼnitin dóó Bee Ahadaʼdeestʼáanii 22Diyin Yá Yáłtiʼí Joseph Smith díí diyingo bił ííshją́ą́ ályaa, Manchester, New Yorkdi, Tʼą́ą́chil 16, 1830 yihahgo. Díí diyingo ił ííshją́ą́ ályaa biniinaaígíí éí łaʼ tʼáá íídą́ą́ʼ nááná łah Sodizinjí tó bee dabidiiszį́į́ʼ éí tó bee alzį́į́h tʼáágééd Sodizin bihididiikah danízin. Diyingo Naʼnitin dóó Bee Ahadaʼdeestʼáanii 23Diyin Yá Yáłtiʼí Joseph Smith éí ashdlaʼ tʼáá ałkééʼ diyingo bił ííshją́ą́ ádaʼalyaa éí Oliver Cowdery, Hyrum Smith, Samuel H. Smith, Joseph Smith Sr., dóó Joseph Knight Sr. bichʼįʼ kódaalyaa, Manchester, New Yorkdi, Tʼą́ą́chil 1830 yihahgo. Díí ashdlaʼgo diné wóójiʼígíí tʼáá íiyisíí haʼátʼíí éí shinaanish dooleeł danízingo bił hóóneʼ, Diyin Yá Yáłtiʼí Diyin Bóhólníihii neiyídéíłkid dóó tʼááłáʼí nízínígo bá bił ííshją́ą́ ádaʼalyaa. Diyingo Naʼnitin dóó Bee Ahadaʼdeestʼáanii 24Diyin Yá Yáłtiʼí Joseph Smith dóó Oliver Cowdery díí diyingo bił ííshją́ą́ ályaa, Harmony, Pennsylvaniadi, Yaʼiishjáástsoh 1830 yihahgo. Sodizin hadilyaa dóó kʼasdą́ą́ʼ dį́į́ʼ ńdeezidgo, sodizin yikʼijįʼ danilínígíí yéego akʼijįʼ daazlį́į́ʼ, sodizin yándaazinígíí doo atídabidiʼdoolnííłgóó tʼáa atsʼáhoníą́ądi łahda nínádaditʼį́į́h ńtʼę́ę́ʼ. Ákweʼé hoolzhishgo díí tááʼgo bił ííshją́ą́ ádaʼalyaa éí yee dabiʼdziil, yee hadaʼólní, dóó yee ndabidiʼnitin doo biniyé. Diyingo Naʼnitin dóó Bee Ahadaʼdeestʼáanii 25Diyin Yá Yáłtiʼí Joseph Smith díí diyingo bił ííshją́ą́ ályaa, Harmony, Pennsylvaniadi, Yaʼiishjáástsoh 1830 yihahgo (wóltaʼii 24gi alą́ąjįʼ saad dashijaaʼígíí yídííłtah). Díí diyingo ił ííshją́ą́ eʼélʼyaa biyiʼ Diyin Bóhólníihii yinízinígíí Emma Smith yił ííshją́ą́ áyiilaa, Diyin Yá Yáłtiʼí bichʼooní. Diyingo Naʼnitin dóó Bee Ahadaʼdeestʼáanii 26Diyin Yá Yáłtiʼí Joseph Smith, Oliver Cowdery, dóó John Whitmer díí diyingo bił ííshją́ą́ ádaalyaa, Harmony, Pennsylvaniadi, Yaʼiishjáástsoh 1830 yihahgo (wóltaʼii 24gi alą́ąjįʼ saad dashijaaʼígíí yídííłtah). Diyingo Naʼnitin dóó Bee Ahadaʼdeestʼáanii 27Diyin Yá Yáłtiʼí Joseph Smith díí diyingo bił ííshją́ą́ ályaa, Harmony, Pennsylvaniadi, Biniʼantʼą́ą́tsʼózí 1830 yihahgo. Oodląʼ dah deiyíkáhígíí áłah nídaadleehdí bááh dóó chʼil naʼatłʼoʼii bitooʼ bikʼih sohodidoozįįł dóó diné bitaa dookáałgo yá hastʼeʼádahoolaa, Joseph chʼil naʼatłʼoʼii bitooʼ yíká ííyá. Tʼah ńtʼę́ę́ʼ yáʼąąshdę́ę́ʼ naalʼaʼii łaʼ ba níyá dóó díí diyingo bił ííshją́ą́ áyiilaa, éí íídą́ą́ʼ łahdóó tʼáá íídą́ą́ʼ naháasdzoh áádóó chʼéédziʼígíí éí Biniʼantʼą́ą́tsohgo ałtso ályaa. Sodizindi tó dóó bááh dílzin biniyé áłah naʼádleehgo éí kʼad tó chooʼį́ chʼil naʼatłʼoʼii bitooʼ éí ndagaʼ. Diyingo Naʼnitin dóó Bee Ahadaʼdeestʼáanii 28Diyin Yá Yáłtiʼí Joseph Smith díí diyingo bił ííshją́ą́ ályaa éí Oliver Cowdery yee yił hodoolnih biniyé, Fayette, New Yorkdi, Biniʼantʼą́ą́tsoh 1830 yihahgo. Hiram Page, Sodizin atah nilį́, éí tsé léíʼ neiʼá dóó diyingo shił ííshją́ą́ ályaa ní éí bíkáʼanálwoʼgo Zion hadidoolnííł dóó Sodizin bee yilwoł doo. Díkwííshį́į́ sodizin atah danilínígíí díí yóóʼadabinííʼaaʼ, dóó Oliver Cowdery ndi atah yóóʼabidiʼnootʼaaʼ. Kʼadę́ę́ ntsaago áłah aleehgo, Diyin Yá Yáłtiʼí Diyin Bóhólníihii néíyookąąhgo díí yínaʼádéíłkid, áádóó díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 29Diyin Yá Yáłtiʼí Joseph Smith, elders hastʼą́ą́go yinááł díí diyingo bił ííshją́ą́ ályaa, Fayette, New Yorkdi, Biniʼantʼą́ą́tsoh 1830 yihahgo. Ntsaago áłah aleeh tʼah bichʼįʼ hoolzhishgo díí diyingo ił ííshją́ą́ ályaaʼígíí bee yílyá, Biniʼantʼą́ą́tsoh 26, 1830 bee hahaalzhííshyę́ędą́ą́ʼ. Diyingo Naʼnitin dóó Bee Ahadaʼdeestʼáanii 30Diyin Yá Yáłtiʼí Joseph Smith díí diyingo bił ííshją́ą́ ályaa éí David Whitmer, Peter Whitmer Jr., dóó John Whitmer yee yił hodoolnih biniyé, Fayette, New Yorkdi, Biniʼantʼą́ą́tsoh 1830 yihahgo, éí Fayettedi tágíjį́ ntsaago áłah azlį́į́ʼ bikééʼdóó, éí elders tʼah doo Sodizindóó dahdiikááhyę́ędą́ą́ʼ áhoodzaa. Díí tʼóó áłtsé bee bił hooneʼę́ędą́ą́ʼ tááʼgo diyingo íł ííshją́ą́ ályaaígíí ałʼąąh daasdzoh ńtʼę́ę́ʼ; éí Diyin Yá Yáłtiʼii 1835 Diyingo Naʼnitin dóó Bee Ahadaʼdeestʼáanii biyiʼ tʼááłáhíjįʼ ahiihyiyíízoh. Diyingo Naʼnitin dóó Bee Ahadaʼdeestʼáanii 31Diyin Yá Yáłtiʼí Joseph Smith díí diyingo bił ííshją́ą́ ályaa éí Thomas B. Marsh yee yił hodoolnih biniyé, Biniʼantʼą́ą́tsoh 1830 yihahgo. Díí Sodizin ntsaago áłah azlį́į́ʼ bikééʼdóó tʼáá áko (wóltaʼii 30gi alą́ąjįʼ saad dashijaaʼígíí yídííłtah). Thomas B. Marsh éí díí yiziłígíí hahoolzhiizhyę́ędą́ą́ʼ tó bee biʼdoolzį́į́ʼ dóó Sodizinjí elder dooleełgo bee bikʼihodiiniiʼ díí diyingo bíł ííshją́ą́ ádoolníłígíí tʼah bitséédi. Diyingo Naʼnitin dóó Bee Ahadaʼdeestʼáanii 32Diyin Yá Yáłtiʼí Joseph Smith díí diyingo bił ííshją́ą́ ályaa éí Parley P. Pratt dóó Ziba Peterson yee yił hodoolnih biniyé, Manchester, New Yorkdi, Ghąąjįʼ 1830 yihahgo. Elders ayóó átʼáo Laman Dineʼé baa ákódadíníizįįł danízin dóó yídaneedlį́, éí Sodizin Daʼatahígíí Naaltsoos Mormon Wolyéhígíí biyiʼdóó bikʼidahozhdoodliił haʼníigo bił béédahoozin. Díí bitsʼą́ą́dóó, Diyin Bóhólníihii elders Eʼeʼaahjigo Bitsįʼ Yishtłizhii daatsʼí kʼad yichʼįʼ dookahgo Yaa Ntsíkees danízingo ńdeiyooskan. Áádóó diyingo ííshją́ą́ ályaaígíí chʼétʼą́. Diyingo Naʼnitin dóó Bee Ahadaʼdeestʼáanii 33Diyin Yá Yáłtiʼí Joseph Smith díí diyingo bił ííshją́ą́ ályaa éí Ezra Thayre dóó Northrop Sweet yee yił hodoolnih biniyé, éí Fayette, New Yorkdi, Ghąąjįʼ 1830 yihahgo. Díí diyingo ił ííshją́ą́ ályaaígíí yaa haadziihʼgo, Joseph Smith binákééʼ náháneʼ biyiʼ díí tʼáá aaníigo yaa hoolneʼ “Diyin Bóhólníihii éí … beʼoodląʼ dabidziilígíí neinitingo tʼáá áłahjįʼ yá hashtʼeʼ ádólzin.” Diyingo Naʼnitin dóó Bee Ahadaʼdeestʼáanii 34Diyin Yá Yáłtiʼí Joseph Smith díí diyingo bił ííshją́ą́ ályaa éí Orson Pratt yee yił hodoolnih biniyé, Fayette, New Yorkdi, Níłchʼitsʼósí 4, 1830 yihahgo. Akʼisoo Pratt íídą́ą́ʼ náhástʼéí tsʼáadah binááhaigo. Eí bínaaí, Parley P. Pratt Jesus Christ binaʼnitin bee yisdáʼiildéehii ninályáhígíí tʼóó áłtsé yidiiztsʼą́ą́yę́ędą́ą́ʼ oosdląąd dóó tó bee biʼdoolzį́į́ʼ, éí tʼáá bítséédi hastą́ą́ damóoyę́ędą́ą́ʼ áhóótʼįįd. Díí diyingo ííshją́ą́ ályaa Peter Whitmer Sr. bighandi bee yílyá. Diyingo Naʼnitin dóó Bee Ahadaʼdeestʼáanii 35Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, éí Fayette, New York bíighah doodaiiʼ binaagóó, Níłchʼitsoh 7, 1830 yihahgo. Ákweʼé hoolzhishgo, Diyin Yá Yáłtiʼí tʼáá ahą́ą́h Diyin God Bizaad yá ataʼ halneʼgo néyíízoh. Yaʼiishjááshchilí 1830 bee hahoolzhiizhyę́ędą́ą́ʼ atah ataʼ haneʼ áyiilaa, áádóó tʼáá áłah Oliver Cowdery dóó John Whitmer atah náʼíízoh. Ndaanish łaʼ bee bikʼinááhodiiniiʼgo, Sidney Rigdon éí Diyin Yá Yáłtiʼí díí naanish biyiʼ yíkáʼanálwoʼ éí yá ataʼ naʼazohgo diyingo bee bikʼihodiiniiʼ (saad dahshijaaʼ 20 yídííłtah). Díí diyingo ííshją́ą́ ályaa ndaháasdzohígíí bilą́ąjįʼ dashijaaʼígíí átʼé, éí Joseph Smith binákééʼ náháneʼ biyiʼ ání: “Níłchʼitsoh biyiʼ Sidney Rigdon [Ohiodę́ę́ʼ] niyá áko Diyin Bóhólníihii neidídóółkiłgo, áádóó Edward Partridge yił níʼáázh. … Tʼáá áłah akʼisóó tʼóó níʼázhígo, Diyin Bóhólníihii haadzííʼ.” Diyingo Naʼnitin dóó Bee Ahadaʼdeestʼáanii 36Diyin Yá Yáłtiʼí Joseph Smith díí diyingo bił ííshją́ą́ ályaa éí Edward Partridge yee yił hodoolnih biniyé, Fayette, New York bíighahgi, Níłchʼitsoh 9, 1830 yihahgo (wóltaʼii 35gi alą́ąjįʼ saad dashijaaʼígíí yídííłtah). Joseph Smithʼs binákééʼ náháneʼ biyiʼ ání Edward Partridge “éí diné diyingo hodísinii nilį́ hwiinidzin, dóó Diyin Bóhólníihii bihastóí łaʼ ayóó átʼéii nilį́.” Diyingo Naʼnitin dóó Bee Ahadaʼdeestʼáanii 37Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, éí Fayette, New York bíighahgi, Níłchʼitsoh 1830 yihahgo. Díí biyiʼ tsʼídá áłtsé bee hazʼáanii díí daʼíchíhígíí biyiʼ áłah adoołeełgo baah hóóneʼ. Diyingo Naʼnitin dóó Bee Ahadaʼdeestʼáanii 38Diyin Yá Yáłtiʼí Joseph Smith díí diyingo bił ííshją́ą́ ályaa, Fayette, New Yorkdi, Yas Niłtʼees 2, 1831 yihahgo. Díí Sodizin ntsaago áłah azlį́į́ʼgo áhoodzaa. Diyingo Naʼnitin dóó Bee Ahadaʼdeestʼáanii 39Diyin Yá Yáłtiʼí Joseph Smith díí diyingo bił ííshją́ą́ ályaa éí James Covel, yee yił hodoolnih biniyé, éí Fayette, New Yorkdi, Yas Niłtʼees 5, 1831 yihahgo áhóótʼįįd. James Covel, éí Methodist dahʼooldahjí dízdiin nááhai yá halneʼí nilį́įgo, éí Diyin Bóhólníihii diyingo yił ahaʼdeetʼą́ áko Diyin Yá Yáłtiʼí Joseph Diyin Bóhólníihii bił náhálnihígíí tʼáá átʼé bikʼeh honishį́į doo dííniid. Diyingo Naʼnitin dóó Bee Ahadaʼdeestʼáanii 40Díí diyingo ííshją́ą́ ályaa Diyin Yá Yáłtiʼí Joseph Smith dóó Sidney Rigdon yee yił hodoolnih biniyé, Fayette, New Yorkdi, Yas Niłtʼees 6, yoołkááłgo 1830 yihahgo. Díí diyingo ííshją́ą́ eʼélyaa tʼah bitséédi, Diyin Yá Yáłtiʼí binákééʼ náháneʼ ání, “James [Covel] Diyin Bóhólníihii nahjįʼ kóyiilaa, dóó áłtséédą́ą́ʼ bidineʼé yaa nádzá dóó tʼaá´ bí bitłʼááh naazléí yoodlánée ninéidiidlá, Diyin Bóhólníihii díí diyingo ííshją́ą́ ályaa shí dóó Sidney Rigdon nihił chʼííníʼą́” (wóltaʼii 39gi yídííłtah). Diyingo Naʼnitin dóó Bee Ahadaʼdeestʼáanii 41Diyin Yá Yáłtiʼí Joseph Smith díí diyingo bił ííshją́ą́ ályaa éí sodizin daʼatahahígíí yee yił hodoolnih biniyé, Kirtland, Ohiodi, Atsá Biyáázh 4, 1831 yihahgo. Díí diyingo bił ííshją́ą́ ályaaígíí éí Diyin Yá Yáłtiʼí dóó Sodizin Daʼatahígíí elders éí Diyin God “bibee hazʼáanii” bíká sodadoołzin biʼdooʼniid (wóltaʼii 42gi yídííłtah). Joseph Smith ániid New Yorkdę́ę́ʼ níyá Kirtlandjįʼ, dóó Leman Copley, Thompson, Ohio tʼáá áhánídę́ę́ʼ naaghá, éí Sodizinjí atah yah anádááh, “éí Bikʼis Joseph dóó Sidney [Rigdon] … bighangi baa ałkʼee sikée doo áádóó choidoołʼįįłígíí yee yikáʼanálwoʼ doogo yiyííkeed.” Díí diyingo bił ííshją́ą́ ályaaígíí Joseph dóó Sidney haaʼígi bighan dooleełígíí hazhóʼí yaa hoolneʼ áádóó ałdóʼ Edward Partridge tsʼídá áłtsé Sodizin Daʼatahígíí bibishop dooleełgo bee bikʼihodiiniiʼ. Diyingo Naʼnitin dóó Bee Ahadaʼdeestʼáanii 42Diyin Yá Yáłtiʼí Joseph Smith díí naaki áłtsʼánilgo diyingo bił ííshją́ą́ ályaa, Kirtland, Ohiodi, Atsá Biyáázh 9 dóó 23, 1831 yihahgo. Áłtséhígíí éí, 1 dóó ńléí 72jįʼ saad dashijaaʼ, éí naakitsʼáadah elders dabinááłgo bee yílyá dóó éí Diyin Bóhólníihii yee ádééhaadzííʼyę́ę bohoolyaa áko “bee hazʼáanii” Ohiodi chʼídootʼááł (wóltaʼii 38:32gi yídííłtah). Naaki góneʼígíí éí 73 dóó 93jįʼ saad dashijááʼ átʼé). Diyin Yá Yáłtiʼí éí díí diyingo ííshją́ą́ ályaaígíí éí “sodizin bibee hazʼáanii tʼáá íiyisíí yiiltsóódii” átʼé ní. Diyingo Naʼnitin dóó Bee Ahadaʼdeestʼáanii 43Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Atsá Biyáázh 1831 yihahgo. Ákweʼé hoolzhishgo łaʼ sodizin atah danilínígíí bíniʼdeeʼaʼ háálá nááná łahdę́ę́ʼ diné tʼáá ádzaagóó diyingo bił ííshją́ą́ ádaʼałʼį́ dabiłníigo. Diyin Yá Yáłtiʼí Diyin Bóhólníihii neiyídéíłkidgo díidí bił chʼétʼą́ éí Sodizinjí elders danilínígíí bee bił hodoonihgo. Áłtséhígíí éí Sodizinjí nahatʼá bee oonishígíí; akééʼdi éí hóyéeʼgo áhodooníłígíí elders adahwiisʼáágóó dah daʼínéhígíí yee ndeidínóotįįł. Diyingo Naʼnitin dóó Bee Ahadaʼdeestʼáanii 44Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, éí Kirtland, Ohiodi, Atsá Biyáázh 1831 yihahgo kʼadę́ę́ ałtso nídízíídgo. Éí bee hazʼáanii kweʼé nihił ííshją́ą́ ádaalyaaígíí bikʼehgo, Sodizin éí ntsaago áłah aleeh Yaʼiishjááshchilí bichʼįʼ hoolzhizhígíí biyiʼ ndeezʼą́. Diyingo Naʼnitin dóó Bee Ahadaʼdeestʼáanii 45Diyin Yá Yáłtiʼí Joseph Smith díí diyingo bił ííshją́ą́ ályaa éí sodizin daʼatahahígíí yee yił hodoolnih biniyé, Kirtland, Ohiodi, Wóózhchʼį́į́d 7, 1831 yihahgo. Díí diyingo ííshją́ą́ ályaa ndaháasdzohígíí bilą́ąjįʼ dashijaaʼ, Joseph Smith binákééʼ náháneʼ ání “kweʼé hoolzhishgo … ląʼígo Sodizin tʼáá ádzaagóó baa naʼíísdzoh … dóó tʼáá ádzaagóó baa haneʼ, naaltsoos bikááʼ ádaalyaa … dóó ndaasniiʼ, … ákó diné naanish nideidoołkahę́ę yidínóołtłʼah, éí doodago oodląʼ ńdeididoolééłyę́ę yiníłtłʼah. … Ákóndi Dííjį́įdi Sodizinjí Yá Naazínígíí yaa bił dahózhǫ́, … Díídiígíí shił ííshją́ą́ ályaa.” Diyingo Naʼnitin dóó Bee Ahadaʼdeestʼáanii 46Diyin Yá Yáłtiʼí Joseph Smith díí diyingo bił ííshją́ą́ ályaa éí sodizin daʼatahahígíí yee yił hodoolnih biniyé, Kirtland, Ohiodi, Wóózhchʼį́į́d 8, 1831 yihahgo. Díí Sodizin tʼóó haalwodyę́ędą́ą́ʼ, Sodizinjí áłah náʼádleeh bikʼehgo áłah ndaʼadleehígíí tʼah doo łaʼ hadilnééh da ńtʼę́ę́ʼ. Ákótʼée ndi, nighaidę́ę́ʼ sodizin daʼatahígíí dóó tʼáá íiyisíí Sodizin ndeiłkaahígíí tʼéiyá bááh dóó tó bikʼi sohodizindi áłah ńdaadleeh ńtʼę́ę́ʼ áádóó tʼáá ákótʼáo Sodizingóó áłah nídaʼadleeh daazlį́į́ʼ. Díí diyingo ííshją́ą́ ályaaígíí éí Diyin Bóhólníihii yinízinígíí bikʼehgo sodizin áłah ndaadleeh doo éí yikʼi déezʼį́į́ʼ dóó haitʼáo yilwoł dóó Bí ánínígíí bikʼehgo Iiʼ Sizį́ Diyinii aʼílyéii biká áhátʼį́į doo dóó ákótʼáo hazhóʼí bił béédahoozįįł. Diyingo Naʼnitin dóó Bee Ahadaʼdeestʼáanii 47Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 8, 1831 yihahgo. John Whitmer, éí Diyin Yá Yáłtiʼí yá naaltsoos ííłʼíní nilį́į ńtʼę́ę́ʼ, éí Oliver Cowdery binaanish bikékʼehjįʼ adíínááł dóó ádíílííł biʼdooniid, éí Sodizinjí binákééʼ náháneʼ dóó diyingo ił ííshją́ą́ ádaʼalʼínígíí baa naʼiyíízóóh doo, áko éí áłtsé yichʼįʼ niʼ silį́į́ʼ. Kóníigo íʼiilaa, “Shí éí doo íínisin da ndi Diyin Bóhólníihii íínízinígíí bikʼehgo doo, áádóó yinízingo éí, Joseph Diyingo Ooʼíinii yee yił ííshją́ą́ íídoolííł nisin.” Joseph Smith díí bił ííshją́ą́ ályaago, John Whitmer tʼáá áko níigo naanish baa deitʼánígíí yee ákáʼeelwod. Diyingo Naʼnitin dóó Bee Ahadaʼdeestʼáanii 48Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 10, 1831 yihahgo. Diyin Yá Yáłtiʼí éí Diyin Bóhólníihii Sodizin Yidahidiikaaígíí kéyah shódeidoołtʼeełígíí éí haitʼáo yikááʼ kéédahatʼį́į dooleełgo neiyídéíłkid. Sodizin daʼatahígíí Ashdladiingo Hahoodzoh haʼaʼaahdę́ę́ʼ deiyínéhígíí biniinaa díí tʼáá íiyisíí baa náhástʼįįd, éí Diyin Bóhólníihii ádííniidígíí yikʼeh dahółʼį́įgo Ohiodi áłah silį́į́ʼ (daóltaʼii 37:1–3; 45:64 yídííłtah). Diyingo Naʼnitin dóó Bee Ahadaʼdeestʼáanii 49Diyin Yá Yáłtiʼí Joseph Smith díí diyingo bił ííshją́ą́ ályaa éí Sidney Rigdon, Parley P. Pratt, dóó Leman Copley yee yił hodoolnih biniyé, Kirtland, Ohiodi, Tʼą́ą́tsoh 7, 1831 yihahgo. Leman Copley Jesus binaʼnitin bee yisdáʼiildéehii yiyiiłtsood ndi Shakers binaʼnitin tʼahdii łaʼ yótąʼ (United Society of Believers in Christʼs Second Appearing), éí áłtséédą́ą́ʼ yitah nilį́į́ ńtʼę́ę́ʼ. Łaʼ Shakers dayoodlánígíí éí Christ Nínáádoodááł Bijį́įdi éí tʼáá íídą́ą́ʼ ahoodzaa daaní dóó asdzání, Ann Leegiʼ átʼáo nádzá daaní. Tó bee alzį́į́h íiyisíí ílį́įgo doo deiyoodlą́ą da. Iigeh dóó háiida bił ashtʼéézhgo doo deinízin da áko tʼáá sáhí naʼadáh iinánígíí deiyoodlą́. Áádóó łaʼ Shakers doo atsįʼ deiyą́ą da. Díí diyingo ííshją́ą́ ályaaígíí saad alą́ąjįʼ bee aa álnééhígíí átʼé, Joseph Smith binákééʼ náháneʼ biyiʼ ání, “Áádóó díí [éí] hózhǫ́ hadaałtʼéego baa ákoniidzį́įʼgo, Diyin Bóhólníihii bínabídéíłkid, dóó díí shił ííshją́ą́ áyiilaa.” Ííshją́ą́ ályaaígíí łaʼ Shaker dahyikahígíí binaʼnitin bikʼijįʼ haʼoodzííʼ. Áłtséédą́ą́ʼ nihikʼéí baa haʼoodzííʼę́ę éí Diyingo ííshją́ą́ ályaaígíí Shaker kéédahatʼį́įgo yiníłtsooz (Cleveland, Ohio bíighahgi) dóó tʼáá átʼé yichʼįʼ yiyííłtaʼ, ákondi doo deiniizį́į́ʼ da. Diyingo Naʼnitin dóó Bee Ahadaʼdeestʼáanii 50Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 9, 1831 yihahgo. Joseph Smith binákééʼ náháneʼ áníigo éí łaʼ elders iiʼ naazíinii nahasdzáán bikááʼgóó ałʼąąʼ ádaatʼéego béédahoozinígíí doo yikʼidaʼdiitįįh da áko díí diyingo ííshją́ą́ ályaaígíí éí yaa náʼádíłkidígíí biniinaa díí bił ííshją́ą́ ályaa. Diyingo ádahoodzaago baa dahaneʼ éí sodizin daʼatahígíí tʼáá ahą́ą́h ádahooníiłgo yaa nídahodiitsʼį́į́h, áko łaʼ náás ádahatʼínígíí dóó diyingo ííshją́ą́ ádaalʼínígíí nihichʼįʼ kódaalʼį́ daaní. Diyingo Naʼnitin dóó Bee Ahadaʼdeestʼáanii 51Diyin Yá Yáłtiʼí Joseph Smith díí diyingo bił ííshją́ą́ ályaa, Thompson, Ohiodi, Wóózhchʼį́į́d 20, 1831 yihahgo. Kweʼé hoolzhishgo Diyin Yikééʼ Naazíinii haʼaʼaahdę́ę́ʼ deiyínéhígíí Ohiojįʼ ndahaazná, dóó nehenéhígi bá hashtʼehodoolníiłgo tʼáá íiyisíí bídin hóyééʼ. Díí íiyisíí bishop binaanish silį́į́ʼ, Bishop Edward Partridge díí áhooníłígíí haitʼáo bidiʼdoonishgo yínaʼídééłkid, dóó Diyin Yá Yáłtiʼí Diyin Bóhólníihii yíneídééłkid. Diyingo Naʼnitin dóó Bee Ahadaʼdeestʼáanii 52Diyin Yá Yáłtiʼí Joseph Smith díí diyingo bił ííshją́ą́ ályaa éí Sodizinjí elders danilínígíí yee yił hodoolnih biniyé, Kirtland, Ohiodi, Yaʼiishjááshchilí 6, 1831 yihahgo. Kirtlanddi, Yaʼiishjááshchilí tááʼgóó yoołkááł bee hodilzhííshgo (3rd) dóó hastʼą́ą́ yoołkááłjįʼ (6th) ntsaago áłah silį́į́ʼ. Díí ntsaago áłah azlį́įgi high priest diyinkʼehgo ádaʼoolʼįįł bee bikʼidahodiiniiʼígíí bił ííshją́ą́ ádaalyaa, áádóó iiʼ naazíinii doo tʼáá daʼaanínígíí dóó bindaʼadloʼígíí hadabiʼdeesʼį́į́ʼ áádóó bichʼahdahoʼdooshkeed. Diyingo Naʼnitin dóó Bee Ahadaʼdeestʼáanii 53Diyin Yá Yáłtiʼí Joseph Smith díí diyingo bił ííshją́ą́ ályaa éí Algernon Sidney Gilbert yee yił hodoolnih biniyé, Kirtland, Ohiodi, Yaʼiishjááshchilí 8, 1831 yihahgo. Sidney Gilbert naʼídíłkidígíí binahjįʼ, Diyin Yá Yáłtiʼí bikʼis Gilbert yindoolnish dóó Sodizinjí bee bikʼihodidoonihígíí yá Diyin Bóhólníihii neiyídéíłkid. Diyingo Naʼnitin dóó Bee Ahadaʼdeestʼáanii 54Diyin Yá Yáłtiʼí Joseph Smith díí diyingo bił ííshją́ą́ ályaa éí Newel Knight yee yił hodoolnih biniyé, Kirtland, Ohiodi, Yaʼiishjááshchilí 10, 1831 yihahgo. Thompson, Ohiodi, Sodizin daʼatahígíí, éí kéyah sodizindóó aa dahideestʼánígíí yíndaʼídíłkidígíí yee ałtsʼą́ą́ʼ daazlį́į́ʼ. Łaʼ sodizin atah danilínígíí tʼáá bí tʼéiyá ádaa ntsédaakees dóó bił dahatsohgo baa ákohoniidzį́į́ʼ. Leman Copley Shakers yitah naʼneeztą́ą́ʼ dóó bikʼijįʼ (wóltaʼii 49gi alą́ąjįʼ saad dashijaaʼígíí yídííłtah), kéyah sodizinjí dáʼákʼeh ntsaa yee ałhaʼdeetʼánée kʼíínítiʼ éí Colesville, New Yorkdééʼ Jesus Christ Yikééʼ Naazíinii nehikáhígíí bá ałtsʼá dahidoodzohyę́ę tʼáadoo yeʼiilaa da. Díí ákóhóótʼįįdígíí biniinaa, Newel Knight (Thompsondi sodizin daʼatah yilą́ąjįʼ sizíinii) dóó nááná łaʼ elders yił Diyin Yá Yáłtiʼí haalá dadiiʼnííł deidííniid. Diyin Yá Yáłtiʼí Diyin Bóhólníihii neiyídeełkid dóó díí bił ííshją́ą́ ályaa, éí binahjįʼ Thompsondi sodizin daʼatahígíí Leman Copley bidáʼákʼehdóó dahdidoohnééł dóó níléí Missourigóó doohkah biʼdooniid. Diyingo Naʼnitin dóó Bee Ahadaʼdeestʼáanii 55Diyin Yá Yáłtiʼí Joseph Smith díí diyingo bił ííshją́ą́ ályaa éí William W. Phelps yee yił hodoolnih biniyé, Kirtland, Ohiodi, Yaʼiishjááshchilí 14, 1831 yihahgo. William W. Phelps, naaltsoos bikʼeʼéschį́ ííłʼíní nilį́, dóó bí dóó baʼáłchíní ániid Kirtlandjįʼ níná, áádóó Diyin Yá Yáłtiʼí Diyin Bóhóníihii hastiin yá naʼídééłkid. Diyingo Naʼnitin dóó Bee Ahadaʼdeestʼáanii 56Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Yaʼiishjááshchilí 15, 1831 yihahgo. Díí diyingo ił ííshją́ą́ ályaaígíí biyiʼ éí Ezra Thayre bichʼah adooshkeed háálá áłtséédą́ą́ʼ bee hazʼáanii tʼáadoo yikʼeh hóólʼįįdígíí biniinaa (díí “bee hazʼáanii” éí saad dashijaaʼígíí 8 góneʼ bikááʼ), éí Joseph Smith bí bá dooleełgo bił ííshją́ą́ ályaa, éí Thayre Frederick G. Williams bidáʼákʼehgi yindoolnishígíí bee nabidiʼneeztʼą́ą́ʼ, éí ákweʼé bighan. Áádóó éí ííshją́ą́ ályaaígíí ałdóʼ Thayre Thomas B. Marsh Missourigóó yił dooʼashyę́ę bitsʼą́ą́ʼ niʼ kólyaa (wóltaʼii 52:22gi yídííłtah). Diyingo Naʼnitin dóó Bee Ahadaʼdeestʼáanii 57Diyin Yá Yáłtiʼí Joseph Smith díí diyingo bił ííshją́ą́ ályaa, Zion, Jackson County hahoodzohgi, Missouridi, Yaʼiishjááshtsoh 20, 1831 yihahgo. Éí Diyin Bóhólníihii Missourigóó doohkah yił ninée bikʼehgo, áadi Bí “kéyah baadahideestʼánée yił ííshją́ą́ íídoolííł” (section 52), elders Ohio dóó ńléí Missouri eʼeʼaahjįʼ yíkai. Joseph Smith éí Laman dineʼé bił áhootʼéhígíí yéego yaa ntsédeezkééz dóó ayóó átʼáo yaa bił ádzaa: “Hahgo shąʼ diné doo kééhatʼínídi chʼó nahalingo dínóótʼį́į́ł? Hahgo shąʼ Zion ayóó átʼéego hadidoolnííł, dóó haaʼígi lá Ni nighan ntsaaígíí siʼą́ą doo, éí akéedi yoołkáałdi nihokááʼ dineʼé dahdeiyínéhígíí tʼáá átʼé áajįʼ nihidookah?” Éí bikéédóó díí diyingo ííshją́ą́ ályaa. Diyingo Naʼnitin dóó Bee Ahadaʼdeestʼáanii 58Diyin Yá Yáłtiʼí Joseph Smith díí diyingo bił ííshją́ą́ ályaa, Zion, Jackson County hahoodzohgi, Missouridi, Biniʼantʼą́ą́tsʼózí 1, 1831 yihahgo. Tʼah bítséedi, Damóo áłtséhígíí biyiʼ Diyin Yá Yáłtiʼí dóó bił naakaiígíí Jackson County hahoodzohgi, Missouridi dóó bikʼijįʼ, daʼoodlání áłah aleeh deiyíłʼaʼ, dóó tó bee biʼdoolzį́hígíí binahjįʼ naakigo sodizinjí atah níʼáázh. Éí damóo biyiʼ, Colesvilledééʼ Diyin Yikééʼ Naazíinii Thompson Branchdééʼ łaʼ dóó náánáłaʼ níná (wóltaʼii 54gi yídííłtah). Ániid hazʼą́ągi jíkaiígíí ląʼída Diyin Bóhólníihii bá yinízinígíí bídahodiilʼááł danízingo yidanéésdlįįd. Diyingo Naʼnitin dóó Bee Ahadaʼdeestʼáanii 59Diyin Yá Yáłtiʼí Joseph Smith díí diyingo bił ííshją́ą́ ályaa, Zion, Jackson County hahoodzohgi, Missouridi, Biniʼantʼą́ą́tsʼózí 7, 1831 yihahgo. Tʼah doo díí diyingo ííshją́ą́ éʼélnééhgóó, kéyah yiilzį́į́ʼ, Diyin Bóhólníihii ádííniidígíí bikʼehgo, dóó Diyin bighan ntsaaígíí bá hazʼą́ą dooleełgo bikʼihodiiniiʼ. Diyingo ííshją́ą́ ályaaígíí bijį́, Polly Knight, Joseph Knight Sr., bichʼooní éí dahnídiidzá, tsʼídá ałtsé Sodizinjí atah nilíinii Ziondi dahnídiidzá. Áłtsé idahidiikaaígíí díí diyingo ííshją́ą́ ályaaígíí “diyin yá naazínígíí damóo dílzin dóó haitʼáo chʼiyáán doo yidą́ dílzin dóó sohodizin” bee naʼnitinígíí átʼé dadííniid. Diyingo Naʼnitin dóó Bee Ahadaʼdeestʼáanii 60Diyin Yá Yáłtiʼí Joseph Smith díí diyingo bił ííshją́ą́ ályaa, Independence, Jackson County hahoodzohgi, Missouridi, Biniʼantʼą́ą́tsʼózí 8, 1831 yihahgo. Kweʼé hoolzhishgo elders ńléí Jackson County hahoodzohgóó naaskai dóó kéyah dóó Diyin bighan ntsaaígíí ndootʼááłgi yá dahodéísįįd dóó diyingo ádeiyiilaayę́ę éí kʼad haash dadiiʼnííł daaníigo nídaʼádéíłkid. Diyingo Naʼnitin dóó Bee Ahadaʼdeestʼáanii 61Diyin Yá Yáłtiʼí Joseph Smith díí diyingo bił ííshją́ą́ ályaa, Missouri River Tó Nílínígíí bibąąhgi, McIlwaine Benddi, Biniʼantʼą́ą́tsʼózí 12, 1831 yihahgo. Kirtlandgóó nátʼą́ą́ʼ náákahgo, Diyin Yá Yałtiʼí dóó elders neezná yiltʼéego tsin naaʼeeł yee Missouri River tó nílínígíí yikááʼ bił daʼníʼéél. Tágíjį́ bił daʼáʼééłgo, ląʼídi báhádzidi biyiʼ bił daʼníʼéél. Elder William W. Phelps, tʼáá jį́įgo bił áhoodzaa, naʼałtseedii táłkááʼ yikʼi bidziil hólǫ́ǫgo yiyiiłtsą́. Diyingo Naʼnitin dóó Bee Ahadaʼdeestʼáanii 62Diyin Yá Yáłtiʼí Joseph Smith díí diyingo bił ííshją́ą́ ályaa, Missouri River Tó Nílínígíí bibąąhgi Chariton, Missouridi, Biniʼantʼą́ą́tsʼózí 13, 1831 yihahgo. Díí bijį́ Diyin Yá Yáłtiʼí dóó yił naaldeehígíí, éí Independence dóó ńléí Kirtlandjįʼ yikahgo, áádóó elders łaʼ yííghah chʼékai kéyah Ziongóó yinééłgo, áádóó, bił dahózhǫ́ǫgo kʼé dadííniidgo, díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 63Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Biniʼantʼą́ą́tsʼózí 30, 1831 yihahgo. Diyin Yá Yáłtiʼí, Sidney Rigdon, dóó Oliver Cowdery Kirtlanddi Biniʼantʼą́ą́tsʼózí 27 góneʼ yiziłgo Missourigóó naaskai yę́ędę́ę́ʼ nákai. Joseph Smith binákééʼ náháneʼ biyiʼ díí diyingo ííshją́ą́ ályaayígíí kótʼáo yaa halneʼ: “Díí Sodizin tʼóó haalyeedyę́ędą́ą́ʼ, yisdáníʼdoodaałjí baa haneʼígíí éí Diyin Bóhólníihii bizaad bee baa ákóhodínóodzįįłgo yéego nideiłkaah ńtʼę́ę́ʼ; áádóó kéyah Ziondiígíí tʼéiyá íiyisíí biká áhátʼį́įgo yaa ntsídaakees ńtʼę́ę́ʼ, áádóó Diyin yikééʼ naazíinii áłah ádoolníłígíí hazhóʼí bééhodoozįįłgo Diyin Bóhólníihii yee yíneiyídééłkid, áádóó kéyah nahidoonihígíí ałdóʼ, dóó nááná łaʼ bídadéétʼiʼígíí.” Diyingo Naʼnitin dóó Bee Ahadaʼdeestʼáanii 64Diyin Yá Yáłtiʼí Joseph Smith díí diyingo bił ííshją́ą́ ályaa éí Sodizinjí elders danilínígíí yee yił hodoolnih biniyé, Kirtland, Ohiodi, Biniʼantʼą́ą́tsoh 11, 1831 yihahgo. Diyin Yá Yáłtiʼí éí Diyin God Bizaad Bible ataʼ haneʼ ánáánéídoodlííł biniyé Hiram, Ohiogóó doonééłgo yíká hastʼeʼádílnééh ńtʼę́ę́ʼ, éí Missouridi naagháago biniinaa tʼóó honíshgháníjįʼ niʼ kóyiilaa. Łaʼ hastóí Ziongóó (Missouri) doohnééł dabiʼdooniid éí Ghąąjįʼ ahoolzhiizhgo tʼáá tsxiłgo yichʼįʼ hastʼeʼ ádadilnééh. íídą́ą́ʼ diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 65Diyin Yá Yáłtiʼí Joseph Smith díí diyingo bił ííshją́ą́ ályaa éí sodizin baa yáʼátiʼgo, Hiram, Ohiodi, Ghąąjįʼ 30, 1831 yihahgo. Diyingo Naʼnitin dóó Bee Ahadaʼdeestʼáanii 66Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Ghąąjįʼ 29, 1831 yihahgo. William E. McLellin éí Diyin Bóhólníihii tʼáá nahonitingi díí ashdlaʼgo naʼídíkid Diyin Yá Yałtiʼí yił ííshją́ą́ íídoolíiłgo yaa néiyooskan, éí Joseph Smith doo bił bééhózin da ńtʼę́ę́ʼ. McLellin áníigo, Diyin Yá Yáłtiʼí Diyin Bóhólníihii neiyídéíłkid dóó díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 67Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Níłchʼitsʼósí háázid 1831 yihahgo. Biniyéí hólǫ́ǫgo díí Sodizin ntsaago áłah azlį́į́ʼ, Diyin Bóhólníihii diyingo ííshją́ą́ áyiilaaígíí éí Diyin Yá Yałtiʼí tʼáá íídą́ą́ yił hoolneʼgo naaltsoos bee niitʼą́ éí baa náhástʼįįd (wóltaʼii 1gi alą́ąjįʼ saad dashijaaʼígíí yídííłtah). William W. Phelps éí tʼáá ániidgo Sodizin binaaltsoos bikʼídaʼashchį́įgo hahinidééhígíí bikin Independence, Missouridi niiníʼą́. Ntsaago áłah azlį́įdi éí díí diyingo ił ííshją́ą́ ályaaígíí Book of Commandments bee ndootʼááł dóó 10,000 bééʼdoolnííłgo yee lą́ daʼasłį́į́ʼ (ákondi achʼįʼ nahwiiʼná doo ndeiyólíhígíí biniinaa tʼáá 3,000 tʼéiyá bééʼályaa). Ląʼída hastóí díí ííshją́ą́ ádaalyaaígíí tʼáá aaníí átʼé daaníigo yaa dahoolneʼ éí naaltsoos bee nidootʼááłgo ahiih deiyiznil, éí Iiʼ Sizį́ Diyinii binahjįʼ tʼáá aaníigo bichʼįʼ kóyiilaa. Joseph Smith binákééʼ náháneʼ biyiʼdi náháasdzohgo éí wóltaʼii 1 tʼáá aaníigo ííshją́ą́ ályaa, éí ííshją́ą́ ályaaígíí łaʼ saad biyiʼígíí baa náhástʼįįd. Díí diyingo ííshją́ą́ ádaalyaaígíí baa haneʼ. Diyingo Naʼnitin dóó Bee Ahadaʼdeestʼáanii 68Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Níłchʼitsʼósí 1, 1831 yihahgo, Orson Hyde, Luke S. Johnson, Lyman E. Johnson, dóó William E. McLellin bá haitʼáo Diyin Bóhólníihii baa nitsíkeesígíí ííshją́ą́ ádoolnííł biniyé baa sohodoozin. Azhą́ díí ííshją́ą́ ályaaígíí éí hastʼóí dį́į́ʼgo bá ályaa ndi, ląʼída chʼétʼánígíí éí Sodizin atah danilínígíí ałdóʼ tʼáá átʼé bee bichʼįʼ haʼoodzííʼ. Díí diyingo ííshją́ą́ ályaaígíí éí Diyingo Naʼnitin dóó Bee Ahadaʼdeestʼáanii naaltsoos biyiʼ 1835 yihahgo haaltsʼidígíí Joseph Smith áníigo bééʼdeitsih. Diyingo Naʼnitin dóó Bee Ahadaʼdeestʼáanii 69Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Níłchʼitsʼósí 11, 1831 yihahgo. Diyingo ííshją́ą́ ádaalyaago ndaháasdzohígíí tʼáá tsxíłígo naaltsoos bee ndootʼááłgo ntsaa áłah aleehdi bee lą́ azlį́į́ʼ Níłchʼitsʼósí 1–2góó yoołkaałgo. Níłchʼitsʼósí 3góó yoołkaałgo, díí diyingo ííshją́ą́ ályaaígíí wóltaʼii 133 biih yidzoh, éí náás hoodeeshzhiizhgo Appendix bee wóójiʼ, éí bínáádeitʼą́. Oliver Cowdery éí díí Diyingo ííshją́ą́ ádaalyaago ndaháasdzoígíí dóó bee hazʼáanii Independence, Missourigóó, yidoojihgo áko naaltsoos bikʼidaʼashchį́įgo hahinidééhgo ádoolnííł éí áłtséédą́ą́ʼ bee bikʼihodiiniiʼ ńtʼę́ę́ʼ. Áádóó ałdóʼ béeso akǫ́ǫ́ yidoojih éí Missouridi Sodizin bee ndootʼááłgo biniyé aheesnil. Díí Diyingo ííshją́ą́ ályaaígíí biyiʼ áníigo éí John Whitmer Oliver Cowdery ákǫ́ǫ́ yił dooʼash áádóó Whitmer éí akééʼ náháneʼígíí ahiih yidooniłgo néíyiilááh éí Sodizinjí akééʼ náháneʼii dóó yá naʼazo dooleełgo bee bikʼihodiiniiʼ. Diyingo Naʼnitin dóó Bee Ahadaʼdeestʼáanii 70Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Níłchʼitsʼósí 12, 1831 yihahgo. Diyin Yá Yáłtiʼí binákééʼ náháneʼ áníigo Níłchʼitsʼósí 1 dóó ńléí 12 yoołkááłjįʼ ntsaago áłah aleeh biniyéhígíí hólǫ́ǫgo, dį́į́ʼdí ahínéíkai. Akéedi áłah azlį́įʼgo, ayóó átʼáo daʼílį́įgo diyingo ííshją́ą́ ádaalyaaígíí Book of Commandments dóó naaltsoos Diyingo Naʼnitin dóó Bee Ahadaʼdeestʼáanii biih dadoodzohgo baa ndaháastʼįįd. Díí diyingo ííshją́ą́ ályaaígíí éí ntsaago áłah daʼazlį́į́ʼ bikééʼdóó kódaaníigo yee nídiijééʼ “nahasdzáán bikááʼgóó tsʼídá bee daʼatʼínígi átʼáo Sodizin daʼatahígíí bichʼįʼ ayóó átʼéego ílį́į doo.” Joseph Smith binákééʼ náháneʼ díígi átʼáo diyingo ííshą́ą́ ádaalyaaígíí yaa halneʼ “díí akéedi dayoołkáałdi Sodizin bitłʼááhdóó bee hadilyaaígíí, dóó nihokááʼ dineʼé bá yáʼátʼééh dooígíí, nihiYisdáʼiiníiłii bidiyingo hazʼą́ bi tʼáá aaníinii bibee aanídítį́hí éí nihokááʼ dineʼé kʼad bee baa náhojoosdliʼ.” Diyingo Naʼnitin dóó Bee Ahadaʼdeestʼáanii 71Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, Hiram, Ohiodi, Níłchʼitsoh 1, 1831 yihahgo. Diyin Yá Yáłtiʼí Diyin Bizaad Bible yá ataʼ halneʼgo tʼah yinaalnish Sidney Rigdon éí bá naʼadzogo éí díí diyingo bił ííshją́ą́ ályaajįʼ, ákweʼé hoolzhishgo tʼóó hóníshgháníjįʼ yinaalnishígíí niʼ kwíyiilaa áko díí kweʼé biyiʼ ádoohłííł biʼdooniidígíí ałtso áyiilaajįʼ índa. Ałkiʼs nidlínígíí éí naʼnitin dooleeł áko Sodizin bikʼijįʼ doo yáʼáshǫ́ǫ́góó ntsáhákeesígíí tʼóóyóó niʼ kódoolnííł biniyé éí Ezra Booth, Sodizin yitsʼá níyáhígíí díkwíígooshį́į́ atseezį́ binaaltsoos yiyiʼjįʼ ánáʼiidlaaígíí biniinaa. Diyingo Naʼnitin dóó Bee Ahadaʼdeestʼáanii 72Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Níłchʼitsoh 4, 1831 yihahgo. Díkwííshį́į́ elders dóó sodizin daʼatahígíí áłah silį́į́ʼ áko binaanish yídahodoołʼááł dóó Sodizinjí naʼnitinígíí hózhǫ́ biʼoodląʼ dabidziilgo ádeidoolííł. Díí kweʼé bikááʼígíí éí tʼááłʼáʼí jínítínígo tááʼ diyingo ííshją́ą́ ádaalyaaígíí ahiih yiʼnilgo ályaa. 1 dóó ńléí 8jįʼ saad dashijaaʼígíí éí Newel K. Whitney bishop bee bikʼihodiiniiʼgo yaa halneʼ. Ako bikʼihodiiniiʼ dóó yiilzį́į́ʼ, éí bikééʼdóó 9 dóó ńléí 23jįʼ saad dashijaaʼígíí eiyílyá, éí éí bishop binaanishígíí łahdóó bénááhoosdzin. Áádóó bikʼijįʼ, 24 dóó ńléí 26jįʼ saad dashijaaʼ baa náánályá, éí Ziondi ahíʼiidooldahgo naʼdinóotį́į́ł bídéítʼiʼígíí bééhoozin. Diyingo Naʼnitin dóó Bee Ahadaʼdeestʼáanii 73Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, Hiram, Ohiodi, Yas Niłtʼees 10, 1832 yihahgo. Níłchʼitsoh bichʼįʼ hoolzhizhgo, Diyin Yá Yałtiʼí dóó Sidney tʼáá áłah naʼnitin ńtʼę́ę́ʼ, áádóó díí ííłʼį́įgo ląʼí da doo ákótʼéego Sodizin yikʼijįʼ hadahadziiʼyę́ę niʼ kóyiilaa (wóltaʼii 71gi alą́ąjįʼ saad dashijaaʼígíí yídííłtah). Diyingo Naʼnitin dóó Bee Ahadaʼdeestʼáanii 74Diyin Yá Yáłtiʼí Joseph Smith díí diyingo bił ííshją́ą́ ályaa, Wayne County hahoodzohgi, New Yorkdi, 1830 yihahgo. Tʼahdoo sodizin áltso hadilnééhyę́ędą́ą́ʼ ndi, haitʼáo tó bee alzį́į́h álʼínígíí baa naʼádíkid ńtʼę́ę́ʼ, éí binahjįʼ Diyin Yá Yáłtiʼí díí baa yáʼátiʼígíí baa naʼídídóokił niizį́į́ʼ. Joseph Smith binákééʼ náháneʼ biyiʼ kóní éí díí diyingo ííshją́ą́ ályaaígíí éí 1 Corinthians 7:14 biyiʼ hazhóʼí yaa náhoolneʼ, éí Diyin bizaad awééʼ tó bee biʼdiilzį́hígíí tʼáá áko haʼníigo chooʼį́į́ ńtʼę́ę́ʼ. Diyingo Naʼnitin dóó Bee Ahadaʼdeestʼáanii 75Diyin Yá Yáłtiʼí Joseph Smith díí diyingo bił ííshją́ą́ ályaa, Amherst, Ohiodi, Yas Niłtʼees 25, 1832 yihahgo. Díí diyingo ííshją́ą́ ályaaígíí naakigo ííshją́ą́ ályaaígíí ałhiihyiyíínil (áłtséhígíí 1 dóó ńléí 22jįʼ saad dashijaaʼígíí dóó 23 dóó ńléí 36jįʼ saad dashijaaʼígíí átʼé) tʼáá éí bijį́ ííshją́ą́ ályaa. Éí hoolzhishgi ntsaago áłah náʼádleehdi Joseph Smith High Priesthood Yilą́ąjįʼ Sizį́į doogo bá yádazhdiilniiʼ dóó yiilzį́į́ʼ. Łaʼ elders kʼad naanish baa dahideestʼánígíí yéego bídahwidiilʼááł danízin. Éí bikééʼdóó díí diyingo ííshją́ą́ ádaalyaa. Diyingo Naʼnitin dóó Bee Ahadaʼdeestʼáanii 76Diyin Yá Yáłtiʼí Joseph Smith dóó Sidney Rigdon díí bił ííshją́ą́ ályaa, Hiram, Ohiodi, Atsá Biyáázh 16, 1832 yihahgo. Joseph Smith binákééʼ náháneʼ biyiʼgi, díí ííshją́ą́ ályaaígíí bilą́ąjįʼ yisdzoh: “Amherst ntsaago áłah azlį́į́ʼdę́ę́ʼ nánísdzáago, Diyin Bizaad bá ataʼ hashneʼgo bínáádíshnish. Ałʼąą ádaatʼéego Diyingo ííshją́ą́ ádaalyaaígíí, tʼáá bééhózinínígo nihokááʼ dineʼé yisdáʼhidookah daʼálį́įgo bídadéétiʼę́ę Diyin Bizaad Bible biyiʼdóó nahjįʼ kódaalyaa lá, éí doodago łaʼ tʼahdoo ahiih dahidzóóhgóó yóóʼ adahineezdeeʼ. Diyin God bizaad biyiʼ tʼáá aaníinii chʼéédzíʼígíí bitsʼą́ą́dóó bééhózin, éí Diyin God dineʼé tʼááłáʼí nízínígo tʼah nahasdzáán yikááʼ dahináago ádaʼiilaaígíí bikʼehgo ‘Yáʼąąshdi,’ baa daʼdoolyééł Jesus Yikééʼ Naazíinii éí hoolʼáágóó kéédahatʼį́į doogo, éí doo tʼááłáʼígo tʼéiyá Diyingo bá nahazʼą́ą da. Éí ákótʼéego, … éí St. John biyiʼ Jesus Binahatʼá Bee Yisdáʼiildéehii bá ataʼ hwiilneʼgo, shí dóó Elder Rigdon éí díí ííshją́ą́ ályaago yiiltsą́.” Ákweʼé hoolzhishyę́ędą́ą́ʼ díí ííshją́ą́ ályaa, Diyin Yá Yáłtiʼí éí John 5:29 biyiʼ ataʼ haneʼ íílééhgo. Diyingo Naʼnitin dóó Bee Ahadaʼdeestʼáanii 77Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Wóózhchʼį́į́d 1832 ákweʼé nahalzhiizhgo. Joseph Smith binákééʼ náháneʼ biyiʼgi kóní, “Revelation of St. John bahaneʼígíí sheiyílyá, éí Diyin God Bizaad nááná łaʼ saadjí áshłéhígíí bídéítʼiʼ.” Diyingo Naʼnitin dóó Bee Ahadaʼdeestʼáanii 78Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 1, 1832 yihahgo. Ákweʼé yoołkááłgo, Diyin Yá Yáłtiʼí dóó łaʼ naatʼáanii danilínígíí Sodizin bá hooghan naanish bídadéétʼiʼígíí biniyé áłah silį́į́ʼ. Díí diyingo ííshją́ą́ ályaaígíí áłtsʼéedą́ą́ʼ éí Diyin Yá Yáłtiʼí, Sidney Rigdon, dóó Newel K. Whitney Missourigóó dohkah biʼdoonii dóó áadi Sodizin Bá Hooghan binaalyéhí báhooghan dóó naaltsoos álʼį́įgo bá hooghan ndootʼááł éí “naanish bikʼi ádééstʼįʼígíí” ályaa, éí Zion hadilnééhígíí béeso yá ííłʼį́į doo dóó baadahojoobáʼígíí bee bikáʼanáʼáwoʼ doo. Díí naanish bikʼiádééstʼiʼígíí, éí United Firm bee wóójiʼ, éí Tʼą́ą́chil 1832 yihahgo hadilyaa dóó éí 1834 yihahgo doo ahínéíkáhgóó ályaa (woltaʼii 82gi yídííłtah). Díí ałtsʼákaidóó, Joseph Smith hooʼááłgo kódííniid, “naalyéhí bá hooghan baa dahojoobaʼígíí bíkáʼaʼayeedgo naʼanish” éí kʼad díígiʼ átʼáo bee wójíi doo “naalyéhí bá hooghan dóó naaltsoos álʼį́įgo niitʼánígíí” éí diyingo ííshją́ą́ ályaaígíí biyiʼ baa hóóneʼ, áádóó saad “óʼoolʼįįł” éí saad “naanish bikʼi ádééstʼįʼígíí” bee wóójiʼ. Diyingo Naʼnitin dóó Bee Ahadaʼdeestʼáanii 79Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Wóózhchʼį́į́d 12, 1832 yihahgo. Diyingo Naʼnitin dóó Bee Ahadaʼdeestʼáanii 80Diyin Yá Yáłtiʼí Joseph Smith díí diyingo bił ííshją́ą́ ályaa éí Stephen Burnett yee yił hodoolnih biniyé, Hiram, Ohiodi, Wóózhchʼį́į́d 7, 1832 yihahgo. Diyingo Naʼnitin dóó Bee Ahadaʼdeestʼáanii 81Diyin Yá Yáłtiʼí Joseph Smith díí diyingo bił ííshją́ą́ ályaa, Hiram, Ohiodi, Wóózhchʼį́į́d 15, 1832 yihahgo. Frederick G. Williams éí high priest dooleełgo dóó Hódahgo Priesthood Álą́ąjįʼ Naazínígíí akééʼ dahsidáhí nilį́į doogo bee bikʼihodiiniiʼ. Díí diyingo ííshją́ą́ ályaaígíí éí Wóózhchʼį́į́d 1832 yihahgo éí ákééʼ nááháneʼ biyiʼ kóníigo náháásdzoh, éí Jesse Gause Joseph Smith yikééʼ dahsidáhí nilį́į doogo bee bikʼihodiiniiʼ áko Alą́ąjįʼ Naazíinii yitah silį́į́ʼ. Ákótʼée ndi, bikʼihodiiniiʼígíí doo hazhóʼí yikʼeh áhoolaaígíí biniinaa, éí naanish bee akʼihodiiniiʼígíí Frederick G. Williamsjígo baa deitʼą́. Díí diyingo ííshją́ą́ ályaaígíí (Wóózhchʼį́į́d 1832 yiiziłgo) Alą́ąjįʼ Sodizinjí Naatʼáanii danilínígíí hazhóʼí ílį́įgo bee hadiilyaa, éí hózhǫ́ akééʼ dahsidáhí atah bikʼihodidoonih nidzingo dóó akʼihodiiniiʼ ílį́į doogo baa hóoneʼ. Brother Gause tʼóó hónízahájįʼ ákáʼalwod ákondi Níłchʼitsoh 1832 yihahgo Sodizin Atah nilínéedóó nahjįʼ kóbiʼdiilyaa. Áko Brother Williams éí Wóózhchʼį́į́d 18, 1833 yihahgo éí naanishę́ę bee bikʼihodiiniiʼ. Diyingo Naʼnitin dóó Bee Ahadaʼdeestʼáanii 82Diyin Yá Yáłtiʼí Joseph Smith díí diyingo bił ííshją́ą́ ályaa, Independence, Jackson County hahoodzohgi, Missouridi, Tʼą́ą́chil 26, 1832 yihahgo. Sodizin bá hooghanjí bihigh priest dóó elders danilínígíí ahił ndahaʼáago. Áłah ílį́įgo ndahaʼáadi, Joseph Smith éí High Priesthood biʼAlą́ąjįʼ Naatʼaanii dooleełgo bá yadazhdiilniiʼ, éí naanish tʼáá íídą́ą́ bee bikʼihodiiniiʼ ńtʼę́ę́ʼ Yas Niłtʼees 25, 1832 yihahę́ędą́ą́ʼ (wóltaʼii 75gi alą́ąjįʼ saad dashijaaʼígíí yídííłtah) éí high priest, elder, dóó sodizin bá hooghan atah danilínígíí ntsaago áłah álį́įdi bee bikʼihodiiniiʼ. Díí diyingo ííshją́ą́ ályaaígíí éí tʼáá bítséedi diyingo ił ííshją́ą́ alyaayę́ę biyiʼ haitʼáo ádoolnííłgo baa hóóneʼ (wóltaʼii 78gi) éí naanish bikʼi ádééstʼįʼígíí haididoolííł—éí United Firm bee wóójiʼ (Joseph Smith yee nahazʼánígíí binahjįʼ, díí saad “óʼoolʼįįł” haʼnínée éí “naanish bikʼi ádééstʼįʼígíí” bee wóójiʼ)—Sodizin Bá Hooghan binaalyéhí báhooghan dóó naaltsoos álʼį́įgo bá hooghan yikʼideezʼį́į́ʼ dooleeł biniyé. Diyingo Naʼnitin dóó Bee Ahadaʼdeestʼáanii 83Diyin Yá Yáłtiʼí Joseph Smith díí diyingo bił ííshją́ą́ ályaa, Independence, Missouridi, Tʼą́ą́chil 30, 1832 yihahgo. Diyin Yá Yáłtiʼí sodizin bá hooghan binaatʼáanii danilínígíí yił ndahaʼáago díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 84Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Biniʼantʼą́ą́tsoh 22 dóó 23, 1832 yihahgo. Biniʼantʼą́ą́tsoh yiziłgo, elders haʼaʼaahjigo adabiʼdoolʼaʼę́ę ninádahakááhgo ndaʼneeztą́ʼą́ą yaa dahalneʼ. Bił dahózhǫ́ǫgo áłah nilį́įgo díí bee bił hóóneʼ. Diyin Yá Yáłtiʼí díí diyingo ííshją́ą́ ályaaígíí Diyin bibeʼadziilii yaa halneʼ dííniid. Diyingo Naʼnitin dóó Bee Ahadaʼdeestʼáanii 85Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Níłchʼitsʼósí 27, 1832 yihahgo. Díí kweʼé Diyin Yá Yáłtiʼí William W. Phelps naaltsoos yichʼįʼ áyiilaaígíí biyiʼdóó haadzoh, éí Independence, Missouridi kééhatʼį́. Éí Diyin Yikééʼ Naazíinii Zionjįʼ ndahazʼnánígií baa ndáʼádíkidígíí yaa náhálneʼ áko éí bee hazʼáanii tʼáadoo yikʼeh dahółʼį́įd da éí bikéyah dóó bindaadeełii tʼáadoo diyingo nideiyiizláa da éí biniinaa Sodizin Bá Hooghanjí bikʼehgo éʼélʼínígíí tʼáadoo bikʼehgo badaʼiisyáa da. Diyingo Naʼnitin dóó Bee Ahadaʼdeestʼáanii 86Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Níłchʼitsoh 6, 1832. Diyin Yá Yáłtiʼí Diyin God Bizaad nááná łaʼ saadjí ályaaígíí yiníłʼį́ dóó hashtʼéílééhgo díí diyingo bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 87Náásdi anaaʼ hodooleełgo, Diyin Yá Yáłtiʼí Joseph Smith díí diyingo bił ííshją́ą́ ályaa, éí Kirtland, Ohiodi doodaiiʼ bíighahgi, Níłchʼitsoh 25, 1832 yihahgo. Kweʼé hoolzhishgo United States dóó South Carolina ałchʼįʼ dadiikʼąąʼ háálá béeso nidahoołéeh dooleeł biʼdooniidgo doo bił yáʼádaatʼéeh da áko saad dóó anaaʼ hazlį́į́ʼ. Joseph Smith baa haneʼ biiʼ kóní “ałʼąą dineʼé dah deiyíkáhígíí bitahgóó tiʼhooʼníihgo baa dahodiistsʼą́ą́ʼ” éí Diyin Yá Yáłtiʼí “ákótʼéego yéego bił bééhoozin” “éí Sodizinjí Atah Danilínígíí índa béédahoozįįhgo dóó índa ahí dahiinééhgo doo ákóʼtʼéego anaaʼ yaa dahodiitsʼį́į́h da ńtʼę́ę́ʼ.” Diyingo Naʼnitin dóó Bee Ahadaʼdeestʼáanii 88Diyin Yá Yáłtiʼí Joseph Smith díí diyingo bił ííshją́ą́ ályaa Kirtland, Ohiodi, Níłchʼitsoh 27 dóó 28, 1832 yihahgo, dóó Yas Niłtʼees 3, 1833 yihahgo. Diyin Yá Yáłtiʼí díí “‘olive bit’ąąʼ … éí Tsin Paradise wolyéhígíí bitsʼą́ą́dóó haaʼnizh, kʼé náhodoodleełgo Diyin Bóhólníihii kóníigo yaa haadzííʼ.” Díí diyingo ííshją́ą́ ályaii high priests ntsaaʼgo áłah aleehdi “tʼáá sáhí dóó hodiitsʼaʼgo Diyin Bóhólníihii Zion niitʼaah bídadéétʼiʼígíí nihił ííshją́ą́ íídoolíłígíí yíká sodadoolzin.” Diyingo Naʼnitin dóó Bee Ahadaʼdeestʼáanii 89Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Atsá Biyáázh 27, 1833 yihahgo. Hastóí sodizin bá hooghan ániid niitʼą́ągo áłah daʼaleeh góneʼ nátʼoh yitʼaałí chodeiyoołʼínígíí biniinaa, Diyin Yá Yałtiʼí díí yéego yaa ntsézkééz; díí biniinaa, Diyin Bóhólníihii neiyídééłkid. Díí diyingo ííshją́ą́ ályaaígíí, éí Saad bee Hódzáanii, bee wóójiʼ. Diyingo Naʼnitin dóó Bee Ahadaʼdeestʼáanii 90Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 8, 1833 yihahgo. Díí diyingo ííshją́ą́ ályaaígíí éí Tsʼídá Alą́ąjįʼ Bídahólníhígíí tʼahdii hadilnéehgo bídéítiʼígíí baa haneʼ (wóltaʼii 81gi alą́ąjįʼ saad dashijaaʼígíí yídííłtah); éí binahjįʼ, yił ndaalnishígíí Wóózhchʼį́į́d 18, 1833 yihahgo bikʼihodiiniiʼ. Diyingo Naʼnitin dóó Bee Ahadaʼdeestʼáanii 91Diyin Yá Yáłtiʼí Joseph Smith binahjįʼ díí diyingo bił ííshją́ą́ ályaa, Kirtland, Ohiodi, Wóózhchʼį́į́d 9, 1833 yihahgo. Ákweʼé hoolzhishgo Diyin Yá Yáłtiʼí Old Testament yá ataʼ halneʼgo néíyizóóh. Ałkʼidą́ą́ʼ nidaʼasdzohyę́ę Apocrypha wolyéii baa hoolzhiizhgo, Diyin Bóhólníihii neiyídéíłkidgo díí bił ííshją́ą́ ályaa. Diyingo Naʼnitin dóó Bee Ahadaʼdeestʼáanii 92Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 15, 1833. Díí diyingo ííshjáá ályaaígíí eí Frederick G. Williams bá, éí tʼáá ániidígo Joseph Smith yíkáʼanálwoʼ doogo bikʼihodiiniiʼ, éí United Firmji haitʼáo naanish íídoolíłígíí bee bił hóóneʼ (wóltaʼii 78gi dóó 82gi alą́ąjįʼ saad dashijaaʼígíí yídííłtah). Diyingo Naʼnitin dóó Bee Ahadaʼdeestʼáanii 93Diyin Yá Yáłtiʼí Joseph Smith binahjįʼ díí diyingo bił ííshją́ą́ ályaa, Kirtland, Ohiodi, Tʼą́ą́tsoh 6, 1833 yihahgo. Diyingo Naʼnitin dóó Bee Ahadaʼdeestʼáanii 94Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Biniʼantʼą́ą́tsʼózí 2, 1833 yihahgo. Hyrum Smith, Reynolds Cahoon, dóó Jared Carter Sodizin Bá Hooghan ádaalneʼ yá dahnahaaztʼą́ągo bikʼidahodiiniiʼ. Diyingo Naʼnitin dóó Bee Ahadaʼdeestʼáanii 95Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Yaʼiishjááshchilí 1, 1833 yihahgo. Díí diyingo ííshją́ą́ ályaaígíí éí kin biyiʼ sohodizin dóó naʼnitin biniyé ndootʼááł hodooʼniidyę́ę átʼé, éí Diyin Bóhólníihii bighan ntsaaígíí (woltaʼii 88:119–136gi yídííłtah). Diyingo Naʼnitin dóó Bee Ahadaʼdeestʼáanii 96Diyin Yá Yáłtiʼí Joseph Smith díí diyingo bił ííshją́ą́ ályaa, kin dashijaaʼ bikʼehgo hadilyaaígíí éí doodago Zion bistake Kirtland, Ohiodi, Yaʼiishjááshchilí 4, 1833 yihahgo, éí Kirtlanddi Akééʼ Naazíinii náasdi yikʼehgo ádaʼałʼį́į doo biniyé. Biniyéhígíí éí high priests ałah silį́įgo, áádóó íiyisíí baa náhátʼínígíí éí kéyah nááná łaʼ baa náádahidootʼááłgo baa náhátʼį́, éí French farm wolyéego, éí Kirtland binaagóó Sodizin Bá Hooghan deiyiyéełyeedígíí yikʼi dadéezʼį́į́ ńtʼę́ę́ʼ. Áłah aleehdi háí dáʼákʼéh bee bóhólnííh dooleełgo chʼééh yaa yádááłtiʼ, Diyin Bóhólníihii éí díí tʼáá átʼé baa yáʼátiʼígíí bínabídídóolkił hoʼdooniid. Diyingo Naʼnitin dóó Bee Ahadaʼdeestʼáanii 97Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Biniʼantʼą́ą́tsʼózí 2, 1833 yihahgo. Díí diyingo ííshją́ą́ ályaaígíí Akééʼ Naazíinii Zion, Jackson County, Missouridi yiiʼ tádidookahígíí yaa halneʼ, éí Diyin Yá Yáłtiʼí Diyin Bóhólníihii neiyídééłkidgo bił náhóóneʼígíí átʼé. Missouridi Sodizin Bá Hooghan yidahidiikaiígíí íídą́ą́ʼ łahda yéego atʼídabiʼdilʼį́į́ ńtʼę́ę́ʼ dóó, Yaʼiishjááshtsoh 23, 1833 yihahgo, Jackson County hahoodzohdóó chʼídoohnééł biʼdooniidgo saad bee ahaʼdeetʼaah doo ádeinízin da ndi bizhiʼ yikááʼ ádeiyiilaa. Diyingo Naʼnitin dóó Bee Ahadaʼdeestʼáanii 98Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Biniʼantʼą́ą́tsʼózí 6, 1833 yihahgo. Díí diyingo ííshją́ą́ ályaaígíí Missouridi Akéé Naazíinii diné bikʼijįʼ daazlį́įgo biniinaa díí bíł chʼétʼą́. Missouridi Sodizin Bá Hooghan atʼah danilínígíí ląʼí ndahaznáago éí nááná łaʼ ákweʼé ndahaznánígíí doo bił yáʼádaatʼéeh da, éí ákweʼé ląʼí Akéé Naazíinii ndahaznánígíí biniinaa yikʼee dadeesyiz, wááshindoon dóó béeso binahjįʼ daʼiiná ádaatʼéhígíí, dóó bibee ádaʼoolʼįįł áádóó beʼoodląʼ ałʼąą ádaatʼéhígíí biniinaa díí bił chʼétʼą́. Yaʼiishjááshtsoh 1833 yihahgo, diné hadahoniłchaadii éí Sodizin Bá Hooghan binaadeełii deiyííłchxǫʼ, áádóó naakigo Sodizin atah nilínígíí jeeh łizhiní dóó tsʼídii bitaʼ yee deezhdléézh, áádóó Akéé Naazíinii Jackson County hahoodzohdóó chʼínóóhnééh deidííniid. Áko díí Missouridi achʼįʼnahwiiʼná ádahooníłígíí Diyin Yá Yáłtiʼí Kirtlanddi yidiiztsʼą́ą́ʼ (náhástʼéídi neeznádiin tsin sitą́ądi áhóótʼįįd ndi), díí yéego atíʼdahoodzaago nahashzhiizhígíí éí diyingo bił ííshją́ą́ ályaago tʼéiyá bił bééhózin doo. Diyingo Naʼnitin dóó Bee Ahadaʼdeestʼáanii 99Diyin Yá Yáłtiʼí Joseph Smith díí diyingo bił ííshją́ą́ ályaa éí John Murdock yee yił hodoolnih biniyé, Biniʼantʼą́ą́tsʼózí 29, 1832 yihahgo, Hiram, Ohiodi. Nááhai dóó yíwohjįʼ, John Murdock éí Diyin binahatʼá bee yisdáʼiildéehii yee naʼnitin ńtʼę́ę́ʼ áádóó baʼáłchíní bimá—dóó bí bichʼooní, Julia Clapp wolyéego, Tʼą́ą́chil 1831 yihahgo bitsʼą́ą́ dahnídiidzá—áádóó baʼáłchíní éí Ohiodi nááná łaʼ hooghan hazʼą́ągi baa áháyą́ą́ ńtʼę́ę́ʼ. Diyingo Naʼnitin dóó Bee Ahadaʼdeestʼáanii 100Diyin Yá Yáłtiʼí Joseph Smith dóó Sidney Rigdon díí diyingo bił ííshją́ą́ ályaa, Perrysburg, New Yorkdi, Ghąąjįʼ 12, 1833 yihahgo. Díí ałkʼis, baʼáłchíní doo yił naaldeehgóó dikíí da yiską́, tʼóó yó bąąh bíneʼ silį́į́ʼ. Diyingo Naʼnitin dóó Bee Ahadaʼdeestʼáanii 101Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Níłchʼitsoh 16 dóó 17, 1833 yihahgo. Ákweʼé nahalzhiishgo Akééʼ Naazíinii Missouridi ahííkaiígíí tsʼídá yéego atídabiʼdilʼį́įgo tídahoozniiʼ. Diné daʼjoołahígíí éí akééʼ naazíinii Jackson County Hahoodzohgi dabighandééʼ chʼídeineeskaad; áádóó łaʼ Akééʼ Naazínígíí Van Buren, Lafayette, dóó Ray County Hahoodzohdi chʼééh ndajínééh, ákótʼée ndi tʼahdii atídabiʼdilʼį́į́ ńtʼę́ę́ʼ. Akééʼ Naazíinii íiyisíí dahyikahígíí éí Clay County Hahoodzoh, Missouridi kéédahatʼį́į́ ńtʼę́ę́ʼ. Ląʼída Sodizin Ba Hooghan Daʼatahígíí ndadooltsxił haʼníigo bee hadaʼiisdzííʼ. Áádóó Jackson County Hahoodzohdi Akééʼ Naazíinii bighan góneʼ bee hadadítʼéhę́ę, dabiʼééʼ, dóó dabilį́į́ʼ, áádóó bindaadeełii; dóó ląʼída kʼideidííláhą́ą ałtso deiyííłchxǫʼ. Diyingo Naʼnitin dóó Bee Ahadaʼdeestʼáanii 102Sodizin Bá Hooghan éí áłtsé alą́ąjįʼ ándahaʼáii hadilyaaígíí áłah silį́įgo díí binaʼiisdzoh átʼé, éí Kirtland, Ohiodi, Atsá Biyáázh 17, 1834 yihahgo. Oliver Cowdery dóó Orson Hyde elders nilį́įgo éí díí tʼáá áłtsé áłah azlį́įʼdi yaa náʼíízooígíí átʼé. Biiskání Diyin Yá Yáłtiʼí nídaháásdzohyę́ę yinééłʼį́į́ʼ, áádóó náábiiskání nídaháásdzohyę́ę hashtʼeʼnályaaígíí alą́ąjįʼ ándahaʼáii yadadiilniiʼgo yee lą́ daʼasłį́į́ʼ éí Sodizin Bá Hooghan “biʼalą́ąjįʼ ándahaʼáii yikʼehgo áłah nídaʼadleehígíí dóó yikʼehgo ndaalnishígíí” átʼé. 30 dóó ńléí 32jįʼ saad dashijaaʼígi, éí Hastʼóí Naakitsʼáadah Dah Nahaaztáníjí bidadéítʼiʼígíí, éí 1835 yihahgo Joseph Smith áníigo łaʼ saad bínáádeitʼą́ éí Diyingo Naʼnitin dóó Bee Ahadaʼdeestʼáanii naaltsoos bee nidootʼáałgo bá hashtʼeiilyaa. Diyingo Naʼnitin dóó Bee Ahadaʼdeestʼáanii 103Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Atsá Biyáázh 24, 1834 yihahgo. Parley P. Pratt dóó Lyman Wight, Kirtland, Ohiodi níʼáázhgo díí diyingo ííshją́ą́ ályaa, éí Missouridę́ę́ʼ níʼáázh áko Diyin Yá Yáłtiʼí yił nahodooʼááł biniyé éí Diyin Yikééʼ Naazíinii haʼátʼíí bee bíká adoowoł dóó haitʼáo Jackson County dabikéyahyę́ę baa nídadootʼááł. Diyingo Naʼnitin dóó Bee Ahadaʼdeestʼáanii 104Diyin Yá Yáłtiʼí Joseph Smith díí diyingo bił ííshją́ą́ ályaa, éí Kirtlanddi éí doodago binaagóó, Ohio, Tʼą́ą́chil 23, 1834 yihahgo, díí Sodizin Binaadeełii Bee Bídahólníihii bídéétiʼ (wóltaʼii 78gi dóó 82gi alą́ąjįʼ saad dashijaaʼígíí yídííłtah). Biniyéí hólǫ́ǫgo Sodizin Binaadeełii Bee Bídahólníihii daʼatahígíí alą́ąjįʼ ándahaʼáii áłah daaleeh góneʼ, éí Sodizin Daʼatahígíí íiyisíí diné bee bíká adoowołígíí baa yádaʼíítiʼ. Éí tʼah ániidgo Tʼą́ą́chil 10góó yiziłgo díí naadeełii bee bídahólníihii doo ahínínáánéidookahgo bee lą́ azlį́į́ʼ ńtʼę́ę́ʼ. Díí diyingo ííshją́ą́ ályaaígíí áníigo éí díí naadeełii bee bídahólníihii háádidoolnííł níigo baa haʼoodzííʼ; éí naadeełii bee bídahólníihii doogo bitaa dadooʼnih ní. Joseph Smith áníigo, “Sodizin Binaadeełii Bee Bídahólníihii” wolyéhígíí éí “Sodizin Binaadeełii Yikʼidadéezʼį́į́ʼii” wolyéego diyingo ííshją́ą́ ályaa. Diyingo Na’nitin dóó Bee Ahadaʼdeest’áanii 105Diyin Yá Yáłti’í Joseph Smith díí diyingo bił ííshją́ą́ ályaa, Fishing River, Missouridi, Ya’iishjááshchilí 22, 1834 yihahgo. Diyin Yá Yáłti’í binahat’á binahjį’, éí Ohio dóó nááná łah ndahaz’ą́ą́dę́ę́’ akéé’ naazíinii Missourigóó biniyéí hólǫ́ǫgo t’áá ni’ ałkéé’ yíkai éí Zion’s Camp bee bí’dóóji’. Éí Missouridóó Akéé’ Naazíinii ch’ídabidi’neeskaadyę́ę Jackson County Hahoodzoh dabikéyahjį’ yił yíkai. Missouridi kéédahat’íinii éí Akéé’ Naazíinii atídeił’į́į ńt’ę́ę́’ áko Zion’s Camp nihik’iidoojah danízingo yéédaasdzííd éí biniinaa Ákéé’ Naazíinii Clay County Hahoodzoh, Missouridi dabighanée yik’iijéé’. Éí Missouri binaat’áanii Akéé’ Naazíinii bíká’adeeshwoł níigo yee ádééhaadzíí’yę́ę nát’ą́ą́’ kónéíyiidlaa, Joseph Smith éí díí diyingo bił ííshją́ą́ ályaa. Diyingo Na’nitin dóó Bee Ahadaʼdeest’áanii 106Diyin Yá Yáłti’í Joseph Smith díí diyingo bił ííshją́ą́ ályaa, Kirtland, Ohiodi, Niłch’its’ósí 25, 1834 yihahgo. Díí diyingo ííshją́ą́ ályaaígíí éí Warren A. Cowdery, Oliver Cowdery bínaaí bich’į’ ályaa. Diyingo Na’nitin dóó Bee Ahadaʼdeest’áanii 107Diyin bibe’adziilii diyingo ííshją́ą́ ályaa, éí Diyin Yá Yáłti’í Joseph Smith bee bił hóóne’, Kirtland, Ohiodi, T’ą́ą́chil 1835gi nahalzhiishgo. Azhą́ 1835yę́ędą́ą́’ náháasdzoh ndi, akéé náháne’ biyi’ áníigo éí 60 dóó ńléí 100jį’ saad dashijaa’ígíí éí Joseph Smith Níłch’its’ósí 11, 1831 yihahgo díí diyingo bił ííshją́ą́ ályaaígíí yił ahiihyiyízoh. Díí diyingo ííshją́ą́ ályaaígíí éí Hastóí Naakits’áadah Bik’idahodiinii’ígíí Atsá Biyáázh dóó Wóózhch’į́į́d 1835 yihahgo bił ahiihyidzoh. Diyin Yá Yáłti’í éí áłtsé dah yikahígíí binaanishgóó t’ahdoo dahdiikááyę́ędą́ą́’, éí T’ą́ą́tsoh 3, 1835 yihahgo díí ákwe’é álah nilį́įgo yił ch’ííní’ą́. Diyingo Na’nitin dóó Bee Ahadaʼdeest’áanii 108Diyin Yá Yáłti’í Joseph Smith díí diyingo bił ííshją́ą́ ályaa, Kirtland, Ohiodi, Níłch’itsoh 26, 1835 yihahgo. Díí saad dashijaa’ígíí Lyman Sherman yókeedgo íishją́ą́ ályaa, éí t’áá ániidgo tsosts’idiin dahyikahjigo yiilzį́į́’ dóó Diyin Yá Yáłti’í yaa níyá dóó binaanish íidoolíłígíí shił béé hódoozįįł níigo yiyííkeed. Diyingo Na’nitin dóó Bee Ahadaʼdeest’áanii 109Wóózhch’į́į́d 27, 1836 yihahgo, Kirtland, Ohiodi, Diyin bighangi daʼiidlishgo díí sodizin áadi ályaa. Diyin Yá Yáłtiʼí néíyíízoohígíí áníigo, díí sodizin diyingo ííshją́ą́ álnééhgo beiyílyá. Diyingo Na’nitin dóó Bee Ahadaʼdeest’áanii 110T’ą́ą́chil 3, 1836góó yihahgo, Diyin Yá Yáłtiʼíʼ Joseph Smith dóó Oliver Cowdery Kirtlanddi, Ohiogi Diyin Bighan siʼą́ągi díí Diyingo bił ííshją́ą́ ályaa. Damóogo sodizin báhooghangi áłah ílį́įgo áhóótʼįįd. Joseph Smith binákéé’ náhaneʼ biyi’ ání: “Hííłchʼįʼgo, nááná łaʼ Táltʼéego Alą́ąjįʼ Naazíinii bił Diyin Bóhólníinii bibááh dóó tó Sodizin Daʼatahígíí atah bitaaséką́, éí Hastóí Naakitsʼáadah yits’ą́ą́dóó bee bikʼidahodiiniiʼ, éí dííjį́ bikááʼ adanídílzingo yikáa´ ádaʼiilyaaígíí yikʼi bí dahólníihgo Bá adahaaztiʼgo ádaʼiilaa. Díí bikéé’dóó shikʼisoo yá adayilaa, shí dahojilneʼ bá hazʼą́ąjįʼ níyá, daa’diníbaal nahjįʼ kólyaa, áadi Oliver Cowdery bił, yaaʼíísdzaa, hodílzingo dóó tʼáadoo íítsʼaʼí sodiilzin. Sodizin íílyaadóó yiidzįʼgo, díí nihił ííshją́ą́ ąą ályaa.” Diyingo Na’nitin dóó Bee Ahadaʼdeest’áanii 111Diyin Yá Yáłti’í Joseph Smith díí diyingo bił ííshją́ą́ ályaa, Salem, Massachusettsdi, Bini’ant’ą́ą́ts’ózí 6, 1836 yihahgo. Áwe’é hoolzhishgo Sodizin yilą́ąjį’ naazínígíí nda’nitingo bindaanishígíí biniinaa t’áá íiyisíí béeso bąąh hadaaz’á. Salemdi béeso ląʼí sinil haʼníi´go Diyin Yá Yáłti’í, Sidney Rigdon, Hyrum Smith, dóó Oliver Cowdery, yaa ndeidínóotaał biniyé Kirtland, Ohiogóó, dahdiikai, ákǫ́ǫ́ yikahgo naʼnitin bee yisdáʼiildéehii ałdó’ yee ndaʼneeztą́ą́’. Díí ałkʼisoo danilíinii Sodizin binaʼanish bídéít’i’ígíí ádeiyiilaa dóó ndaʼneeztą́ą́’. Áko áadi béeso adinígíí biniinaa, Kirtlandgóó nákai. Díí diyingo ííshją́ą́ ályaaígíí biyi’ t’áá ííshjání ádahoodzaaígíí baa hane’. Diyingo Na’nitin dóó Bee Ahadaʼdeest’áanii 112Diyin Yá Yáłti’í Joseph Smith díí diyingo bił ííshją́ą́ ályaa éí Thomas B. Marsh yee yił hodoolnih biniyé, éí Kirtland, Ohiodi, Ya’iishjáástsoh 23, 1837, díí éí Diyin God biDibé Yázhí hastóí naakitsʼáadah bikʼihodiiniiʼígíí bídadéétʼiʼ. Díí diyingo ííshją́ą́ ályaaígíi éí Elder Heber C. Kimball dóó Orson Hyde tsʼídá áłtsé Englanddi diyingo nahatʼá bee yisdáʼiildéehii yee naʼneeztą́ʼą́ądą́ą́ʼ díí bee haʼoodzííʼ. Thomas B. Marsh éí íídą́ą́ʼ Hastóí Naakitsʼáádah bik’idahodiinii’ígíí yilą́ąjįʼ dah sidáá ńt’ę́ę́’. Diyingo Na’nitin dóó Bee Ahadaʼdeest’áanii 113Isaiah ná’íízohę́ę baa na’ádíkidgo baa náháne’, éí Diyin Yá Yáłti’í Joseph Smith yee nihił hoolne’, éí Far West, Missouridi éí doodago t’áá áhánígi, Wóózhch’į́į́d 1838 yihahgo. Diyingo Na’nitin dóó Bee Ahadaʼdeest’áanii 114Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, T’ą́ą́chil 11, 1838 yihahgo. Diyingo Na’nitin dóó Bee Ahadaʼdeest’áanii 115Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, T’ą́ą́chil 26, 1838 yihahgo, díí Diyin Bóhólníihii bighan ntsaago ndoot’áłígíí éí Diyin God yínízinígíí bik’ehgo bił ííshją́ą́ ádoolnííł éí yik’ehgo ndeidoo’ááł. Díí diyingo ííshą́ą́ ályaaígíí éí Sodizinjí da’atahígíí dóó áájí bídahólníhígíí bee bił hodoonih. Diyingo Na’nitin dóó Bee Ahadaʼdeest’áanii 116Diyin Yá Yáłti’í Joseph Smith díí diyingo bił ííshją́ą́ ályaa, Wight’s Ferry t’áá áhánígi, Spring Hill, Daviess County, Missouri hoolyéedi, T’ą́ą́tsoh 19, 1838 yihahgo. Diyingo Na’nitin dóó Bee Ahadaʼdeest’áanii 117Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, Ya’iishjáástsoh 8, 1838 yihahgo, éí William Marks, dóó Newel K. Whitney, dóó Oliver Granger naanish t’ah kodą́ą́’ ádeidoolíłígíí bá. Diyingo Na’nitin dóó Bee Ahadaʼdeest’áanii 118Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, Ya’iishjáástsoh 8, 1838 yihahgo, éí sohodizin biyi’, “O Bóhólníihii, nínízinígíí nihich’į’ ííshją́ą́ ánílééh, éí díí Hastóí Naakits’áadah bídéét’í’ígíí,” bee bił hóone’. Diyingo Na’nitin dóó Bee Ahadaʼdeest’áanii 119Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, Ya’iishjáástsoh 8, 1838 yihahgo, díí sodizin biyi’ na’ádéíkidgo baa náháne’ígíí: “O Diyin Bóhólníihii! Nándaal’a’í bił ííshją́ą́ ánílééh nidine’é éí díkwíí binaadeełii Diyin yich’į’ nideiyiilée doo.” Diyin bibéeso nahalyéhígíí bibee haz’áanii, dííshjį́įdi bééhózinígíí, díí diyingo ííshją́ą́’ ályaaígíí éí Sodizin da’atahígíí t’ahdoo bił ííshją́ą́ álnééh da ńt’ę́ę́’ k’ad índa. Diyin bibéeso nahalyé wolyéhígíí éí sodizin biyi’ baa na’ádéíkidígíí dóó áłtséédą́ą́’ ííshją́ą́ ádaalyaayę́ę (64:23; 85:3; 97:11) éí neeznáá níjaa’go t’ááłá’ígo bits’ájíniłgo doo t’áá éí t’éiyá ááha’níi da, ákondi t’áá át’é há bíighahígíí bik’ehgo náá’iiniih, éí doodago Sodizin Bá Hooghanjí, béeso ła’ bá ajiiníiłgo. Diyin Bóhólníihii éí áłtséédą́ą́’ t’áá át’é bee aná’ázhdeit’aah bibee haz’áanii dóó diyingo naadeełii bik’i’ádéest’į́į́’, éí sodizin da’atahígíí (éí íiyisíí alą́ąjį’ elders danilínígíí) éí hool’áágóó yee ahada’deest’ą́. Háálá díí bee ałhada’deest’áanii lą’ída t’áadoo yik’eh dahół’įįdígií biniinaa, Diyin Bóhólníihii t’óó hónízáhíjį’ nahjį’ kóyiilaa áádóó bitsásk’eh góne’ Diyin bibéeso ndeiyiiléí bibee haz’áanii Sodizin da’atahígíí t’áá ałtso yich’į’ kóyiilaa. Diyin Yá Yáłti’í Diyin Bóhólníhii neiyídééłkid haanéílą́ą́’ binaadeełii diyingo na’anish biniyéhígíí Yinízin doo. Díí diyingo ííshją́ą́ ályaaígíí biyi’ bee bił hóóne’. Diyingo Na’nitin dóó Bee Ahadaʼdeest’áanii 120Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, Ya’iishjáástsoh 8, 1838 yihahgo, éí naadeełii diyin bich’į’ ndoolyéłígíí hait’áo choidoo’įįłígíí éí áłtséédą́ą́’ diyingo ííshją́ą́ ályaayę́ę biyi’ baa hóóne’, wólta’ii 119 biyi’gi. Diyingo Na’nitin dóó Bee Ahadaʼdeest’áanii 121Diyin Yá Yáłtiʼí Joseph díí sodizin dóó diyingo ííshją́ą́ ádaalyaaígíí awáalyah Liberty wolyéédóó’ Sodizin Daʼatahígíí yichʼįʼ íʼiilaa, Missouridi, Wóózhch’į́į́d 20, 1839 yihahgo. Diyin Yá Yáłtiʼí dóó yił ndaalnishígíí awáalyahdi nahááztą́ągo díwíí shį́į́ nídeezid. Awáályah yá dahnaháaztánígíí dóó ándahwiiʼaahii yichʼįʼ nídaʼookąąh dóó biniyé yah abi’doo’nilígíí nánélʼį́ éí bee bikáʼadoowołgo chʼééh dajííkeed. Diyingo Na’nitin dóó Bee Ahadaʼdeest’áanii 122Diyin Bóhólníihii bizaad díí Diyin Yá Yáłtiʼí Joseph Smith yee yich’į’ haadzíí’, éí Liberty, Missouridi awáalyah góne’ sidáago. Díí kwe’é baa hane’ígíí éí Sodizn Bá Hooghan Wóózhch’į́į́d 20, 1839 yihahgo naaltsoos bich’į’ ályaaígíí bits’ą́ą́dóó haadzoh (wólta’ii 121gi alą́ąjį’ saad dashijaa’ígíí yídííłtah). Diyingo Na’nitin dóó Bee Ahadaʼdeest’áanii 123Díí kwe’é éí Akéé’ Naazíinii hait’áo bich’į’ ndahwiiłnáanii yił ndaalnish doogo ályaa, éí Diyin Yá Yáłti’í Joseph Smith Liberty, Missouridi awáalyah góne’ sidáago yaa ná’íízoh. Díí kwe’é baa hane’ígíí éí Sodizn Bá Hooghan Wóózhch’į́į́d 20, 1839 yihahgo naaltsoos bich’į’ ályaaígíí biyi’dóó haadzoh (wólta’ii 121gi alą́ąjį’ saad dashijaa’ígíí yídííłtah). Diyingo Na’nitin dóó Bee Ahadaʼdeest’áanii 124Diyin Yá Yáłti’í Joseph Smith díí diyingo bił ííshją́ą́ ályaa, Nauvoo, Illinoisdi, Yas Niłt’ees 19, 1841 yihahgo. Háálá kin dah shijaa’di bee haz’áanii bee bídahólníhígíí éí Jesus Yikééʼ Naazíinii hózhǫ́ atídeił’į́įgo hodeeshzhiizh dóó beehaz’áanii doo ákót’éégóó yee atídaháł’į́įgo biniinaa, Missouridóó tsxį́įłgo dahdadoohnééh dabi’dooniid. Lilburn W. Boggs, Missouri hahoodzohjí alą́ąjį’ dah sidáhígíí, éí ádabidi’dooldįįłgo naaltsoos hak’ijį’ haidiilaa, Ghąąjį’ 27, 1838 yihahgo, doo bi’ąą hahaazt’i’góó há hooł’a’. 1841 yihahgo, díí diyingo hoł ííshją́ą́ ályaa, éí ákwe’é Commerce, Illinois hoolyée ńt’ę́ę́, Nauvoo kin dah shijaa’gi, éí Jesus Yikéé’ Naazíinii hadeidiilaa, áádóó éí Sodizin Bá Hooghan ákwe’é íiyisíí bił haz’ą́ągo ályaa. Diyingo Na’nitin dóó Bee Ahadaʼdeest’áanii 125Diyin Yá Yáłti’í Joseph Smith díí diyingo bił ííshją́ą́ ályaa, Nauvoo, Illinoisdi, Wóózhch’į́į́d 1841 yihahgo, éí Akéé’ Naazíinii Iowa hahoodzohgi bił ndahaz’ánígíí bá. Diyingo Na’nitin dóó Bee Ahadaʼdeest’áanii 126Diyin Yá Yáłti’í Joseph Smith díí diyingo bił ííshją́ą́ ályaa, éí Brigham Young bighan góne’, Nauvoo, Illinoisdi, Ya’iishjáástsoh 9, 1841 yihahgo. Ákwe’é nahalzhiishgo Brigham Young éí íídą́ą́ʼ Hastóí Naakitsʼáadah Bik’idahodiinii’ígíí Yilą́ąjįʼ Dah Sidáá ńt’ę́ę́’. Diyingo Na’nitin dóó Bee Ahadaʼdeest’áanii 127Diyin Yá Yáłti’í Joseph Smith éí Diyin Dííshjį́įdi Yá Naazínígíí Nauvoo, Illinoisdiígíí díí naaltsoos yich’į’ áyiilaa, éí kwá’ásiní ańdahaaskaiígíí bá tó bee danihi’diilzį́į́h hait’áó ál’ínígíí yaa halne’, éí Nauvoodi, Bini’ant’ą́ą́tsoh 1 yoołkaałgo, 1842 yihahę́ędą́ą́’ ályaa. Diyingo Na’nitin dóó Bee Ahadaʼdeest’áanii 128Diyin Yá Yáłti’í Joseph Smith éí Jesus Christ Bisodizin Bá Hooghan Dííjį́įdi Yá Naazínígíí díí naaltsoos yich’į’ áyiilaa, éí dahnídahidiikaiígíí bá tó bee alzį́į́h ánál’įįhígíí hazhó’í yaa nááhálne’, Nauvoo, Illinoisdi, Bini’ant’ą́ą́tsoh 6, 1842 nahalzhiishgo bikáá’ ályaa. Diyingo Na’nitin dóó Bee Ahadaʼdeest’áanii 129Diyin Yá Yáłti’í Joseph Smith díí yee na’neeztą́ą́’, Nauvoo, Illinoisdi, Atsá Biyáázh 9, 1843 yihahgo, táá’go agháadi bee ąą ńdítį́hí hait’áo Diyin yá ndaalʼaʼí dóó ii’sizį́į diyink’ehgo aká’anádaalwo’ígíí bééhózin doogo yił ííshją́ą́ áyiilaa. Diyingo Na’nitin dóó Bee Ahadaʼdeest’áanii 130Diyin Yá Yáłti’í Joseph Smith díí yee na’neeztą́ą́’, Ramus, Illinoisdi, T’ą́ą́chil 2, 1843 yihahgo. Diyingo Na’nitin dóó Bee Ahadaʼdeest’áanii 131Diyin Yá Yáłti’í Joseph Smith díí yee na’neeztą́ą́’, Ramus, Illinoisdi bił ííshją́ą́ ályaa, T’ą́ą́tsoh 16 dóó 17, 1843 yihahgo. Diyingo Na’nitin dóó Bee Ahadaʼdeest’áanii 132Diyin Yá Yáłti’í Joseph Smith díí diyingo bił ííshją́ą́ ályaa, Nauvoo, Illinoisdi, Ya’iishjáástsoh 12, 1843 yihahgo díí náháasdzoh, éí ániid dóó hool’áágóó diyingo bee aha’deet’aah bídéét’i’, áádóó hool’áágóó iigeh bee aha’deet’ááh dóó bitł’ááh naazléí bee díkwíigo da asdzání daageh éí ałdó’ biłgo. Díí diyingo ííshjáá ályaaígíí éí 1843 yę́ędáá’ naháasdzo, ákondi bééhózingo díí bitł’ááh naazléí díí diyingo ííshją́ą́ ályaaígíí biyi’ Diyin Yá Yáłti’í 1831 yę́ędą́ą́’ bił bééhózin ńt’ę́ę́’. Ílį́įgo Bee Hadaʼiisdzíʼígíí 1ígíí yídííłtah. Diyingo Na’nitin dóó Bee Ahadaʼdeest’áanii 133Diyin Yá Yáłti’í Joseph Smith díí diyingo bił ííshją́ą́ ályaa, Hiram, Ohiodi, Níłch’its’ósí 3, 1831 yihahgo. Díí diyingo ííshją́ą́ ályaaígíí saad alą́ąjį’ bee ąą álnééhígíí át’é, Joseph Smith binákéé’ náháne’ biyi’ ání, “Ákwe’é nahalzhiishgo Elders danilínígíí éí hailéet’áó nahasdzáán yikáá’ kéédahat’íinii Diyin binahat’á bee yisdá’iildéehii bee ndadíníit’įįł, áádóó áłah aleehgo bídadéét’i’ígíí ałdó’ lą’ígo baa nihił béédahodoozįįł danízin; áádóó t’áá aaníinii bibee adinídíín biyiʼ deinííkááh doogo, áádóó yá’ąąshdéé’ nanihidi’dínóotįįł, éí Níłch’its’ósí 3góó yoołkaałgo, 1831 yihahgo, Diyin Bóhólníihii bínabídéíłkid, dóó díí ílį́įgo shił ííshją́ą́ áyiilaa.” Díí diyingo ííshją́ą́ ályaaígíí éí naaltsoos Diyingo Na’nitin dóó Bee Ahadaʼdeest’áanii ałtsé biyi’ yísdzoh ńt’ę́ę́’ éí akéedi yisdzogo ályaa ńt’ę́ę́’ áádóó éí bikéé’dóó wolta’ii nóomba ła’ bá ályaa. Diyingo Na’nitin dóó Bee Ahadaʼdeest’áanii 134Wáashindoon dóó bee haz’áanii t’áá át’é woodlánígíí ch’ét’ą́, éí Kirtland, Ohiodi, Bini’ant’ą́ą́ts’ózí 17, 1835 yihahgo ntsaago Sodizin Bá Hooghan áłah aleehdi bá yadazhdiilnii’go bee lą́ da’azlį́į́’. Lą’í Akéé’ Naazíinii áłah silį́į́’ éí Diyingo Na’nitin dóó Bee Ahadaʼdeest’áanii áłtsé naasdzo bii’ siléii baa náhást’įįd. ÍÍdą́ą́’, díí ch’ét’ánígíí saad áłtsé dashijaa’ ályaaígíí éí: “Áko nahasdzáán biwáashindoon dóó bee nahaz’áanii nihe’oodlą’ bídadéét’i’ígíí doo hait’áo da doo ákót’éégóó baa hodoonih dóó doo t’áá ádzaagi’ át’éego bik’e’didootį́į́ł da, hazhó’ó baa ntsá’ázkéezgo ch’ét’ą́, díí naaltsoos ałch’į’ ánályaadi, baa ntsídasiikézígíí t’áá ákót’é.” Diyingo Na’nitin dóó Bee Ahadaʼdeest’áanii 135Diyin Yá Yáłti’í Joseph Smith dóó bínaaí, Á Sodilzinii nilíinii Hyrum Smith bidiis’xį́įgo baa hóóne’, éí Carthage, Illinoisdi, Yá’iishjááshchilí 27, 1844 yihahgo. Díí naaltsoos éí Diyingo Na’nitin dóó Bee Ahadaʼdeest’áanii éí 1844 naaltsoos haalts’idígíí bikée’di yisdzoh, jó éí k’adę́ę́ naaltsoos bik’inii’nííłgo Joseph dóó Hyrum Smith bi’diisxį́. Diyingo Na’nitin dóó Bee Ahadaʼdeest’áanii 136Diyin Bóhólníihii bizaad dóó yinízinígíí, Diyin Yá Yáłti’í President Brigham Young Winter Quartersdi díí bił ííshją́ą́ ályaa, Israel dahyinééłii, Omaha Nationdi, Missouri Tooh Nílį́ e’e’aahjigo, Council Bluffs, Iowa t’áá áhání bííghahgi. Diyingo Na’nitin dóó Bee Ahadaʼdeest’áanii 137Diyin Yá Yáłti’í Joseph Smith díí bił ííshją́ą́ ályaa, Diyin bighan ntsaaígíí biyi’ Kirtland, Ohiodi, Yas Niłt’ees 21, 1836 yihahgo. Diyin bibee ó’ool’įįł aa dahidoolyééł biniyé ahí’iildee’ éí Diyin bighan ntsaaígíí yiidlish bich’į’ hasht’e’ ádínéehgo. Diyingo Na’nitin dóó Bee Ahadaʼdeest’áanii 138Joseph F. Smith díí diyingo bił ííshją́ą́ ályaa Salt Lake City, Utahdi, Ghąąjį’ 3, 1918 yihahgo. Éí hastą́ą́’ nínádizi’go Sodizin Bá Hooghan ntsaago áłah ná’ádleeh 89diígíí, Ghąąjį’ 4, 1918 yihahgo díí saad yee ąą áyiilaa, Alą́ąjį’ Sizíinii Smith díkwíidi shį́į́ diyingo shił náhóóne’go nídadeizid ní. Ła’ éí, Yisdá’iiníiłii dahnídahidiikaiígíí bii’ naazíinii yaa níyáago bił ch’ét’ą́ éí tsé’áán góne’ Bits’íís niit’i’yę́ędi ákóhoodzaa, éí Alą́ąjį’ Sizíinii Smith adą́ą́dą́ą́’ bee bił hóóne’go. Éí éiyá ntsaago áłah azlį́’ígíí ałch’į’ ánályaago náháasdzoh. Ghąąjį’ 31, 1918 yihahgo, éí Ts’ídá Alą́ąjį’ Bídahólníhígíí biká’anáhinilchéhígíí, dóó Hast’óí Naakits’áadah Alą́ąjį’ Á Ndaha’áii, dóó Á Sodilziní bich’į’ ályaa, áádóó t’áá át’é yee nídiijéé’go yee lą́ da’asłį́į́’. Ílį́įgo Bee Hada’iisdzí’ígííÍlį́įgo Bee Hada’iisdzí’ígíí Biyiʼ Siláhígíí Ílį́įgo Bee Hada’iisdzí’ígíí 1Diyin God Bizaad Bible dóó Naaltsoos Mormon Wolyéhígíí biyi’ nanihidi’nitin éí Diyin God t’ááła’í hach’ooní ájósingo t’éiyá yee has’ą́ éí náána łahgo át’áo yee haadzíí’go índa (2 Samuel 12:7–8 dóó Jacob 2:27, dóó 30gi yídííłtah). Joseph Smith diyingo ííshją́ą́ bił ályaa bikéé’dóó, 1840yę́ędą́ą́’ Sodizin atah danilínígíí díkwíigo da asdzání daageh bá hólǫ́ǫgo ályaa (wólta’ii 132gi yídííłtah). 1860 dóó ńléí 1880 yihah biyi’, Wáashindoon bikéyah ałhidadiidzooígíí díí oodlą’ binahjį’ é’él’ínígíí doo ál’į́į da doo biniyé bee haz’áanii yik’ijį’ yee lą́ da’asłį́į́’. Díí bee ndahaz’áanii éí Wáashindoon Bikéyah Ałhidadiidzooígíí Hodahgi Bi’aadahwiinít’į́ yee lą́ da’asłį́į́’. Diyin bił ííshją́ą́ ályaa bikéé’dóó, Sodizin Bá Hooghan Yilą́ąjį’ Sizíinii Wilford Woodruff díí Manifesto naaltsoosígíí haidiilaa bik’eh hodool’įįłgo, éí Ghąąjį’ 6 yoołkááł, 1890 yihahgo bik’eh hół’į́į doogo dóó tʼáá bee ádá nihozhdiníʼánígíí éí Sodizin Bá Hooghanjí dahyikahígyíí yee lą́ da’asłį́į́’. Díí binahjį’ Sodizin biyi’ díkwíigo da asdzání daagehę́ę ninít’i’ silį́į́’. Ílį́įgo Bee Hada’iisdzí’ígíí 2Naaltsoos Mormon Wolyéhígíí biyi’ “Diyin God díí tʼáá ałtsoní tʼáá aheełtʼéego yaa ntsékees,” níigo biyi’dóó na’nitin “bitsį’ łizhin dóó bitsį’ łigai, dabi’dótą’ dóó tʼáá bíneʼ naakaii, hastóí dóó sáanii” (2 Nephi 26:33). Nákéé’ náháne’dę́ę́’ Sodizin Bá Hooghan, bíla’ ashdla’ii bitsį’ ał’ąą ádaat’éii dóó be’iina’ ał’ąą ádaat’éii lą’í da ał’ąą dah da’íldéehgo tó bee dabi’diilzį́į́’ dóó yéego ádaat’į́įgo sodizin bá hoghan deiyoodlą́. Joseph Smith hiinánéedą́ą́’, t’áá díkwíhígo hastóí bitsį’ daalzhin sodizin da’atahgo Diyin Bibe’adziilii ó’ool’įįł baa dahalyée ńt’ę́ę́’. T’áá ániid sodizin bá hooghan bił hoolzhishyę́ędą́ą́’, Sodizin Bá Hooghan binaat’áanii zhinii hast’óí African danilínígíí Diyin Bibe’adziilii doo baa dahalyée da silį́į́’. Sodizin Bá Hooghan binaaltsoos díí é’él’ínígíí háádę́ę́’ bee hahoolzhiizhígíí doo hazhó’ó yaa dahalne’ da. Sodizin Bá Hooghan yilą́ąjį’ naazínígíí Diyin God bits’ą́ą́déé’ diyingo ííshją́ą́ ádoolníłígíí ła’ nidzin daaníigo deiyoodlą́, áko łahgo át’áo ál’į́į dooígíí biniinaa sodizin éí yada’oozlíí’. Diyingo ííshją́ą́ ályaa Sodizin Bá Hooghan Yilą́ąjį’ Sizíinii Spencer W. Kimball beiílyá dóó łahjį’ Sodizin Bá Hooghan yilą́ąjį’ naazíinii Salt Lake Diyin Bighan Ntsaaígíí Ya’iishjááshchilí 1góó yoołkááłgo, 1978 yihahgo bił hóóne’ dóó yee lą́ da’asłį́į́’. Díí diyingo ííshą́ą́ ályaaígíí t’áá ałtso Diyin bibe’adziilii bee haz’áanii bidadéét’i’yę́ę nahjį’ kódaalyaa dóó biyi’ ání t’áá ałtso áł’ąąh dine’é hastóí danilínígíí díí Diyin bibe’adziilii bąąh ndahalyée doo.