Wólta’ii 113
Isaiah ná’íízohę́ę baa na’ádíkidgo baa náháne’, éí Diyin Yá Yáłti’í Joseph Smith yee nihił hoolne’, éí Far West, Missouridi éí doodago t’áá áhánígi, Wóózhch’į́į́d 1838 yihahgo.
1–6, Jesse biTsiin yits’ą́ą́dóó yigááł, dóó éí yits’ą́ą́dóó haníísą́, áádóó Jesse bikétł’óól át’éego bééhoozin; 7–10, Zion ałtsábidi’noolkaadígíí bits’ą́ą́dóó ch’éékaiígíí Diyin bibe’adziilii baa dahidoolyéełgo bá ahoot’i’ áádóó Diyin Bóhólníihii hágo bił níigo yaa náhidookah.
1 Isaiah 11th wólta’gi 1st, 2d, 3d, 4th, dóó 5th saad dashijaa’gi éí Jesse biTsiin baa yá’áti’ígíí éíísh éí háí ááłdeiłní?
2 Diyin Bóhólníihii t’áá aaníí kónihiłní: Éí Christ át’į́.
3 Isaiah 11th wólta’gi t’ááłá’í saad dashijaa’gi Jesse biTsiin bits’ą́ą́dóó ha’níísą́ baa yá’áti’ígíí, éí ha’át’íísh ááłdeiłní?
4 Áko shooh, Diyin Bóhólníihii ání: Éí Christ yá naal’a’í nilį́, éí Jesse dóó Ephraim łahdóó yits’ą́ą́dóó bi’dizhchį́, éí doodago Joseph bighandóó ch’íbíkéé’, éí lą’ígo adziilii bąąh niilyá.
5 Isaiah 11th wólta’gi neeznáá saad dashijaa’gi Jesse bikétł’óól baa yá’ííti’ígíí shą’ ha’át’íí aałdeiłní?
6 Áko shooh, Diyin Bóhólníihii ání, éí Jesse yits’ą́ą́dóó yigááł, Joseph ałdó’, éí Diyin Bibe’adziilii bąąh siláago ályaaígíí ts’ídá t’áá ákót’é, Diyingo haz’ą́ądi bibee ąą ńdítį́hí ałdó’, háálá éí bibee dahnaatʼaʼí át’é, áádóó akéedi yoołkáałdi shidine’é ałhą’ánálnéehdi bá dooleeł.
7 Elias Higbee díí yaa na’ídééłkid: Isaiah, 52d wólta’ii, 1st saad dashijaa’gi, ákwe’é bee ha’oodzí’ígíí éí ha’át’íísh ááhyiłní: O Zion, Nidziilgo í’dílnééh—áádóó dine’é dahyikahígíí éí Isaiah háíísh ááhyiłní?
8 Éí akéedi dayoołkáałdi Diyin God yíká ádidooniiłígíí, éí Zion nínádeidoot’ishgo Diyin bibe’adziilii bąąh ndahaasyá, dóó Israel bá niná’ályá; áádóó adziilii bąąh niilyá ha’nínígíí éí Diyin bibe’adziilii bee óhólníihii bąąh niilyáago óolyé, éí, Zion, bi’dizhchínígíí binahjį’ t’áá ákót’éego bee hólǫ́; áádóó ałdó’ éí adziilii bits’ą́ą́’ nahjį’ kólyaa’ą́ą baa nídoolyééł.
9 2d góne’ saad dashijaa’ígíí; Zion bik’os gónaaí bąąh niilyáhígíí nahjį’ kwíídoolííłígíí éí ha’át’íísh ááłdeełní?
10 Díí bik’eda’didiit’į́į́ł dine’é ałtsádabidi’noolkaad bit’są́ą́dóó ch’éédzí’ígíí éí Diyin Bóhólníihii ałk’idą́ą́’ yits’ákaiyę́ę éí baa nídahidoohkah bi’doo’niid; áko ákódaadzaago éí, Diyin Bóhólníihii yee ádeehaadzí’ę́ę éí yee yich’į’ hadoodzih, éí doodago diyingo yił ííshją́ą́ íídoolííł. 6th, 7th, dóó 8th saad dashijaa’ígíí dayídóołtah. Bik’os binázt’i’ígíí éí Diyin God hóyéé’go bá haadzíi’go bąąh niilyáhą́ą át’é, éí doodago Israel bidine’é ch’éékaiígíí éí Gentile dine’é bitahgóó yóó’adabidi’neeskaadę́ę ádaat’į́.