Wólta’ii 131
Diyin Yá Yáłti’í Joseph Smith díí yee na’neeztą́ą́’, Ramus, Illinoisdi bił ííshją́ą́ ályaa, T’ą́ą́tsoh 16 dóó 17, 1843 yihahgo.
1–4, Diyin bibe’adziilii bee iigeh binahjį’ t’éiyá aghánáhó’áadi Diyin bił haz’ą́ądi bił yah anáhidiikah; 5–6, Kwe’é éí nihokáá’ dine’é hait’áo hool’áágóó ahískéego bee bidi’doolzį́łígíí baa hodoonih; 7–8, T’áá ałtso nahasdzáán bikáá’ dóó biyi’ dahólónígíí ii’ sizíinii bee dahólǫ́.
1 Celestialdi ayóó áhonoolnin yá’ąąshdi éí táá’ áł’ąągo nahaz’ą́ éí doodago ałkéé’ dahoní’ą́;
2 Áádóó ts’ídá hódahdi haz’ą́ągi yah azhdoogáałgo éí, díí diyin bibe’adziilii bik’ehgo ázhdoolííł [éí éíí ániid dóó hool’áágóó diyink’ehgo aha’ít’aash bee aha’deet’aah ááhyiłní];
3 Áádóó doo yik’eh áhoolaagóó, éí doo áadi yah adoogááł da.
4 Éí nááná łah haz’ą́ągi yah adoogááł, ákondi t’áá ádíjį’ bá nahonít’i’ doo; náás oochíłígíí éí doo bee bá ahóót’i’ da doo.
5 (T’ą́ą́tsoh 17 góne’, 1843 yihahgo.) T’áá aaníí náasdi ádahodooníiłgo saadígíí éí nihokáá’ dine’é hool’áágóó ahé’áské bá alyaago óolyé, Diyin bik’ehgo áhodoonííł bee ha’oodzí’ígíí dóó diyingo ił ííshją́ą́ ályaaígíí bee, éí Diyin Bibe’adziilii Dílzinígíí biníkáá’ góne’í.
6 Diné t’áadoo yaa ákoníziní éí yisdá’doogáałgo doo bá bíighah da.
7 Ats’íísk’ehgo doo daat’ínígíí bee ádaalyaaígíí éí hólǫ́. T’áá ałtso nahasdzáán bikáá’ dóó biyi’ dahólónígíí ii’ sizíinii bee dahólǫ́, ákondi éí t’įįhdígo éí doodago hadaałt’é, háálá hanáá’ haałt’éego t’éiyá yit’į́į dooleel;
8 Nihí éí doo deit’į́į da; ákondi nihits’íís doo bąąh chingóó ádanihi’diilyaago t’áá ałtso deidiiltsééł.