Wólta’ii 118
Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, Ya’iishjáástsoh 8, 1838 yihahgo, éí sohodizin biyi’, “O Bóhólníihii, nínízinígíí nihich’į’ ííshją́ą́ ánílééh, éí díí Hastóí Naakits’áadah bídéét’í’ígíí,” bee bił hóone’.
1–3, Diyin Bóhólníihii éí Hastóí Naakits’áadah ba’áłchíní yaa áhályą́ą doo; 4–6, Hastóí Naakits’áadah Dah Naháaztánígíí ałtso hadilyaa.
1 T’áá aaníigo, Diyin Bóhólníihii kóní: Bíni’dii t’áá tsxį́łígo ahiidookah dóó ałah dooleeł; Bíni’dii Hastóí Naakits’áadah Dah Naháaztánígíí hadidoolnííł; áádóó bíni’ diné t’áá aaníinii yits’áhaaskaiígíí bisásk’eh góne’ ła’ bik’idahodidoonih.
2 Bíni’dii shá naal’a’í Thomas Zion kéyahgi t’áá nízaadjį’ kééhat’į́į doo, shizaadígíí naaltsoos yee neidoo’ááł.
3 Chéédzí’ígíí bíni’dii kódóó t’áá nda’nitin doo, áádóó díí bijéí biyi’ hojooba’ ádeinízingo áda’iilaago, há’át’e’ ádingo dóó a’ohgo ádazhdólzingo, dóó nízaadgóó hada’ólníigo, Shí, Diyin Bóhólníihii, ba’áłchíní baa áháshyą́ągo bee ádééhadeesdzih; kodóó’ dóó náásgóó, dáádíilkał bee ła’ áhodooníłígíí hózhǫ́ bá ąą’ ádoolnííł.
4 Áádóó daango bíni’dii tónteel yáhátxis bił da’doo’oł, áádóó shina’nitin bee yisdá’iildéehii yee nda’nitin doo, t’áá át’é yee nda’nitin doo, áádóó shízhi’ígíí t’áá aaníigo yaa dahalne’ doo.
5 Bíni’dii Far West kin dashijaa’dóó shikéé’ naazíinii yits’ą́ą́dóó dahdidookah, éí T’ą́ą́chil hánáánáázidgo naadiin-hastą́ą́góó yoołkáałgo áhodoonííł, éí shighan hadidoolnííł bá haz’ą́ągi, ní Diyin Bóhólníihii.
6 Bíni’dii shá naal’a’í John Taylor, áádóó ałdó’ shá naal’a’í John E. Page, áádóó ałdó’ shá naal’a’í Wilford Woodruff, áádóó ałdó’ shá naal’a’í Willard Richards, éí diné t’áá aaníinii yits’áhaaskaiígíí bitsásk’eh góne’ dah dadínóobįįł, áádóó díí naanishígíí Diyin bibe’adziilii bee bik’idahodidoonih.