Wóltaʼii 92
Diyin Yá Yáłtiʼí Joseph Smith díí diyingo bił ííshją́ą́ ályaa, Kirtland, Ohiodi, Wóózhchʼį́į́d 15, 1833. Díí diyingo ííshją́ą́ ályaaígíí eí Frederick G. Williams bá, éí tʼáá ániidígo Joseph Smith yíkáʼanálwoʼ doogo bikʼihodiiniiʼ, éí Sodizin Binaadeełii Bee Bídahólníihii haitʼáo naanish íidoolíłígíí bee bił hóóneʼ (wóltaʼii 78gi dóó 82gi alą́ąjįʼ saad dashijaaʼígíí yídííłtah).
1–2, Diyin Bóhólníihii éí sodizin binaadeełii yikʼidadéezʼį́į́ʼii yididoogáłígíí yaa haadzííʼ.
1 Tʼáá aaníigo, Diyin Bóhólníihii kóní, sodizin binaadeełii yikʼidadéezʼį́į́ʼii, éí áłtséédą́ą́ʼ baa haasdzííʼgo bee ałhaʼdeetʼánée bikʼehgo, díí diyingo ííshją́ą́ ályaaígíí dóó ádoolníłígíí éí shá naalʼaʼí Frederick G. Williams bídéítiʼgo bichʼįʼ kóshłééh, áko nihí éí bíniʼdii akʼidadéezʼį́į́ʼii yididoogáałgo bá ádadoohłííł. Tʼááłʼáʼí bee bichʼįʼ haasdzíʼígíí éí tʼáá ałtsoní bee bichʼįʼ haasdzííʼ dooleeł.
2 Áádóó ałdóʼ, shá naalʼaʼí Frederick G. Williams ábidishní, díí orderjí atah nílį́įgo yéego ánítʼį́į doo; áádóó díí tʼáá ałtso bee hazʼáanii bikʼeh honíłʼį́į dooleeł niʼdooniidyę́ę tʼáá bikééʼ sínízį́įgo éí hoolʼáágóó nikʼihojídlíi doo. Amen.