Wóltaʼii 126
Diyin Yá Yáłtiʼí Joseph Smith díí diyingo bił ííshją́ą́ ályaa, éí Brigham Young bighan góneʼ, Nauvoo, Illinoisdi, Yaʼiishjáástsoh 9, 1841 yihahgo. Ákweʼé nahalzhiishgo Brigham Young éí íídą́ą́ʼ Hastóí Naakitsʼáadah Bikʼi Dahodiiniiʼígíí Yilą́ąjįʼ Dah Sidáá ńtʼę́ę́ʼ.
1–3, Brigham Young naanish áyiilaayę́ę bee baa hashniih dóó náásgóó adhwiisʼáágóó náábidiʼdoolʼaałígíí bá niʼ kólyaa.
1 Yáʼátʼééh dóó shikʼis ayóóʼánííníshníinii, Brigham Young, Diyin Bóhólníihii tʼáá aaníí kóníłní: Shá naalʼaʼí Brigham, kʼad éí naʼáłchíní doo bitsʼą́ąjigo náánidiʼdoolʼaał da, háálá bee ákáʼíínílwodígíí bee lą́ aséłį́į́ʼ.
2 Ninaanish íinilaaígíí dóó tádínáhígo shízhiʼ binahjįʼ nichʼįʼ nahwiisnáʼígíí nééłʼį́į́ʼ.
3 Éí bąą kʼad ándishní shizaad adhwiisʼáágóó baa hálneʼ doo, dóó tsʼídá yéego naʼáłchíní baa áhályą́ą doo, kodóó hoolzhish dóó ahoolʼáágóó. Amen.