Wólta’ii 114
Diyin Yá Yáłti’í Joseph Smith díí diyingo bił ííshją́ą́ ályaa, Far West, Missouridi, T’ą́ą́chil 11, 1838 yihahgo.
1–2, Sodizin da’atahígíí binaanish doo ádeił’į́į́góó éí nááná ła’ baa dahididoot’ááł.
1 Diyin Bóhólníihii t’áá aaníí kóniłní: Shá naal’a’í David W. Patten hóyą́ągo nitsékeesgo, t’áá tsxį́łígo binaanish ałtso hazhó’ó hasht’eidoolííł, áádóó binaadeełii ła’ da baa nahidoonih, áko dąągo naanish baa diní’ánígíí íídoolííł, nááná ła’ yił, éí hast’óí naakits’áadah dóó t’áá bí ałdó’, éí shízhi’ t’áá aaníigo dóó hane’ baa hózhóonii t’áá ałtso adahwiis’áágóó yaa dahalne’ doo.
2 Háálá Diyin Bóhólníihii t’áá aaníí kónihiłní, háálá ła’ nihitahgóó shízhi’ doo deiyoodlánígíí, éí nááná ła’ bitsásk’eh góne’ adahidoo’nił dóó bishop dóó yił ndaalnishígíí ádadoolnííł. Amen.