Wólta’ii 125
Diyin Yá Yáłti’í Joseph Smith díí diyingo bił ííshją́ą́ ályaa, Nauvoo, Illinoisdi, Wóózhch’į́į́d 1841 yihahgo, éí Akéé’ Naazíinii Iowa hahoodzohgi bił ndahaz’ánígíí bá.
1–4, Diyin Yikéé’ Naazíinii éí kin dah shijaa’ hadadidoohłííł dóó Zion bistake naaznilgi áłah ádadoohłííł dabi’dooniid.
1 Diyin Bóhólníihii shą’ ha’át’íí akéé naazíinii Iowa bił hahoodzohgi kéédahat’ínígíí yá yinízin?
2 T’áá aaníigo, Diyin Bóhólníihii kóní, Shí nihich’į’ haasdziih, shízhi’ yee ada’dójíhígíí dóó shikéé’ naaz’į́įgo ch’ééh ádaat’ínígíí, éí bá nisinígíí dóó shibee haz’áanii yik’eh dahół’į́įgo, bíni’dii bá nahoní’ánígii áłah dooleeł éí shá naal’a’í Joseph yee nihodoo’ááł, áádóó shízhi’ binahjį’ kin dah shijaa’ hadeididoolííł, áko baa dahodoolzhishígíí yíká hasht’e’ áda’dólzin doo.
3 Bíni’dii Nauvoo kin dah shijaa’ binaashii shízhi’ binahjį’ kin dah shijaa’góó hadeididoolííł, áádóó Zarahemla bízhi’ bee yíídóojiił.
4 Áádóó bíni’dii ha’a’aah, dóó e’e’aah, dóó náhookǫs, dóó shádi’ááhdę́ę́’ ndahidookahígíí, ákwe’é ndahidii’nééł danízinígíí, ákwe’é kéyah baa dahidoolyééł, Nashville kin dah shijaa’gi ałdó’, éí doodago Nauvoo kin dah shijaa’gi, áádóó t’áá ałtso stake bił hadahaasdzoh bee nihoní’ánígíí, ní Diyin Bohólníihii.