1 Ákweʼé yoołkáałgo Joseph Smith, Jun. bighandi naadiin-dį́į́ʼ alą́ąjįʼ ándahaʼáii high priest danilínígíí áłah silį́į́ʼ, éí diyingo bił ííshją́ą́ ályaago, áko éí alą́ąjįʼ ándahaʼáii Christ dayoodláanii áłah nádleehígíí hadeiidiilaa, éí naakitsʼáadah high priest danilínígíí yee hadítʼéego ádeiyiilaa, áádóó tʼááłáʼí éí doodago tááʼ alą́ąjįʼ ándahaʼáii nidzinígíí bikʼehgo náhooʼaah doo.

2 Alą́ąjįʼ ándahaʼáii éí sodizin bá hooghan biyiʼ agháago nidanitłʼaaígíí nídahadleehgo hashtʼeʼ nídeidleʼ doo biniyé diyingo bikʼidahodiiniiʼ, éí sodizinjí éí doodago bishop yił ndaalnishígíí chʼééh agháago nidanitłʼaaígíí yá hashtʼéʼ nídeiyiilʼįįh.

3 Joseph Smith, Jun., Sidney Rigdon dóó Frederick G. Williams éí alą́ąjįʼ ándahaʼáii dah nahááztą́ danilį́į doogo alą́ąjįʼ ándahaʼáii biinééʼ yee lą́ daʼasłį́į́ʼ; áádóó Joseph Smith, Sen., John Smith, Joseph Coe, John Johnson, Martin Harris, John S. Carter, Jared Carter, Oliver Cowdery, Samuel H. Smith, Orson Hyde, Sylvester Smith, dóó Luke Johnson, éí high priest danilį́, éí tʼáá náasdi sodizin bá hooghanjí alą́ąjįʼ ándahaʼáii danilį́į doogo bee bikʼidahodiiniiʼ, éí tʼáá átʼé alą́ąjįʼ ándahaʼáii yee lą́ daʼasłį́į́ʼ.

4 Alą́ąjįʼ ándahaʼáii wodahgi dabiʼdéíjiʼígíí éí bee bikʼidahodiiniiʼígíí bee nídabiʼdéíkid éí daatsʼí bił tʼáá daʼáko biniyé, áádóó éí bee bikʼidahodiiniiʼígíí daatsʼí yáʼąąshdi bee hazʼáanii bikʼehgo ádáátʼįįł doo, áko tʼáá átʼé bee bikʼidahodiiniiʼígíí nihił tʼáá áko dadííniid, áádóó naanish bee bikʼidahodiiniiʼígíí éí Diyin God bibee ajoobaʼ bee bikʼidahojisdliʼígíí yikʼehgo ádaʼdoolííł.

5 Alą́ąjįʼ ándahaʼáii dízdiin dóó biʼaan dį́į́ʼ ánéiilą́ągo, wódahgi alą́ąjįʼ ándahaʼáii bízhiʼ danítʼiʼígíí sodizinjí yá ndaalnish doogo yee nídiiʼjéego yee lą́ daʼasłį́į́ʼ, éí kónéílą́ąʼgo: high priest danilínígíí éí náhástʼéí yiltʼéego, áádóó elders éí tsostsʼidtsʼáadah ánéilą́ągo, áádóó priest danilínígíí éí dį́į́ʼ, áádóó sodizin atah danilínígíí éí tááʼtsʼáadah ánéílą́ągo.

6 Bee níʼdiijéeʼgo bee lą́ azlį́į́ʼ: wódahgi alą́ąjįʼ ándahaʼáii bízhiʼ daasdzooígíí éí tsostsʼid yiltʼéego, éí doodago bikékʼehjįʼ bikʼidahodiiniiʼígíí áłah aleehdi ahínéíkahgo tʼéiyá alą́ąjįʼ ándahaʼáii binaanish bee bikʼidahodiiniiʼígíí ádeiłʼį́į doo.

7 Díí tsostsʼid yiltʼéego éí high priest dadooleełígíí yikʼinídadiilnih doogo bee bídahólníih dooleeł, éí alą́ąjįʼ ándahaʼáii áłah aleehgo doo bá bíighahgóó éí díí naanish yídeiyíghahígíí dóó yídaneilʼánígíí ákóneʼí anídeiłltʼeeh doo.

8 Bee níʼdiijéeʼgo bee lą́ azlį́į́ʼ: tʼáá háida wódahdi alą́ąjįʼ ándahaʼáii bízhiʼ daasdzooígíí, łaʼda dahnídiidzáago dóó bitsáskʼeh hazʼą́ hazlį́įgo, éí doodago beehazʼáanii kʼíínítįʼgo, éí doodago díí sodizin bá hooghan binanitʼaʼí bihoodzo yitsʼą́ą́dóó chʼínínáago, éí alą́ąjįʼ dah sidáhí éí doodago dah náháaztʼánígíí łaʼ yikʼináádidoolnih, éí alą́ąjįʼ ándahaʼáii high priest danilínígíí yee lą́ daʼdoohłeeł, éí sodizin bá hooghan yá ádaatʼį́įgo, yiniyé áłah dadooleeł.

9 Sodizin bá hooghan yilą́ąjįʼ dah sidáhí, éí ałdóʼ alą́ąjįʼ ndahaʼáii yilą́ąjįʼ dah sidáhí nilį́, éí Diyin God áníigo bikʼihodiiniiʼ, sodizin atah danilínígíí éí naanish bee bikʼihodiiniiʼígíí yee lą́ daʼasłį́į́ʼ.

10 Áádóó binaanish ílínígíí bikʼehgo alą́ąjįʼ ándahaʼáii Christ dayoodlánígíí yee yikʼi hooʼááł doo; áádóó naaki yiltʼéego alą́ąjįʼ dah sikéhé bíká anáhinilchééh doo, bí bikʼihodiiniiʼyę́ęgi átʼéego ałdóʼ tʼáá áłah bee bikʼihodidoonih.

11 Áádóó tʼááłáʼí éí doodago tʼáá áłah bíká anáhiʼniilchééh doo biniyé bikʼihodiiniiʼę́ę éí tʼáadoo níʼáázhgóó, éí bíká anáhiʼniilchééhii tʼáágééd alą́ąjįʼ ndahaʼáii tʼáá sáhí yikʼi hooʼááł doogo bá ahóótʼiʼ; áádóó ałdóʼ bí tʼáadoo níyáágóó, nááná álą́ąjįʼ bá dah sikéhé bá hooʼááł doo, tʼáá áłah éí doodago tʼááłáʼí ndi.

12 Alą́ąjįʼ ándahaʼáii Christ dayoodláanii hazhóʼí hashtʼeʼ ádabiʼdiilyaago, tʼáá íídą́ą́ʼ hadiilyaaígíí bikʼehgo, naakitsʼáadah alą́ąjįʼ ándahaʼáii yááʼiiltʼeʼ ádadoohłííł dabiʼdooniid, áádóó éí bikʼehgo bééhózin dooleeł naakitsʼáadah bitsʼą́ą́dóóígíí háí áłtsé hadoodzihgo, tʼááłáʼí nóomba bee hahodoolzhizh dóó ńléí naakitsʼáadahjįʼ ałkééʼ nítʼiʼ doo.

13 Baa náhódóotʼįįłígíí hólǫ́ǫgo díí alą́ąjįʼ ándahaʼáii biniyé áłah yileehgo, naakitsʼáadah alą́ąjįʼ ándahaʼáii yaa nídadóotʼįįłígíí daatsʼí nanitłʼah éí doodago doo nanitłʼah da; doo nanitłʼahgóó éí, alą́ąjįʼ ándahaʼáii tʼáá naakihígo tʼéiyá yaanídóotʼįįł, éí wódahgi naaltsoos bikááʼ náháasdzooígíí bikʼehgo.

14 Ákótʼée ndi baa náhwíídóotʼįįłígíí nanintłʼah dooleeł hwiindzingo, éí dį́į́ʼgo yaa nídadóotʼįįł; áádóó tsʼídá hózhǫ́ nanitłʼah dooleełgo éí, hastʼą́ą́ bee bikʼihodidoonih; ákótʼée ndi hastą́ą́ bilááh yaa nídadóotʼįįłgo éí doo bee hazʼą́ą da.

15 Bee bikʼihodiistʼánígíí, tʼáá ałtso baa nídahwíídóotʼįįłígíí, éí alą́ąjįʼ ándahaʼáii ałnííʼdóó yókeedgo bá ahóótʼiʼ doo, áko doo oodzííʼ éí doodago doo tʼáá ádzaagóó bá nahwiidootʼáał da.

16 Áádóó alą́ąjįʼ ándahaʼáii bikʼidahodiiniiʼígíí éí díí baa nídahwíídóotʼįįłígíí alą́ąjįʼ ándahaʼáii yidááhdóó yaa dahodoolnih, éí naaskááʼígíí bikéédóó béédahoozinígíí, éí tʼáá íiyisíí átʼéhígíí alą́ąjįʼ ándahaʼáii bidaahdóóʼ ííshjáá ádoolnííł; áádóó diné tʼááłáʼí nízínígo tʼáá aheełtʼéego dóó tʼáá ákogi átʼáo hadahidoodzih.

17 Alą́ąjįʼ ándahaʼáii éí nóomba, kódaatʼéego, 2, 4, 6, 8, 10, dóó 12 hadeiyiznilgo éí bikʼihodiistʼánígíí yichʼą́ą́h hadadoodzih, áko doo oodzííʼ éí doodago doo tʼáá ádzaagóó bá ndahodootʼááł da.

18 Akʼíháʼáhígíí dóó bikʼihodiistʼánígíí éí tʼáá bí ádah alą́ąjįʼ ándahaʼáii yidááhdóó hadoodzih, éí naaskááʼgo béédahózinígíí alą́ąjįʼ ándahaʼáii bikʼidahodiiniiʼígíí deidiiztsʼą́ą́ʼgo dóó tʼáá ałtso yaa hadaasdzííʼgo índa.

19 Naaskááʼígíí nánélʼį́įgo, alą́ąjįʼ ándahaʼáii, akʼíháʼáhígíí dóó bikʼihodiistʼánígíí hadaasdzíiʼgo, alą́ąjįʼ ndahaʼáii yilą́ąjįʼ dah sidáhígíí éí aanáhátʼį́ yikʼidiitʼánígíí bikʼehgo yá nahodooʼááł, áádóó naakitsʼáadah alą́ąjįʼ ándahaʼáii yeidooʼááł áko yee lą́ daʼdoołeeł.

20 Ákondi alą́ąjįʼ ándahaʼáii yiidziihígíí, tʼahdoo yaa hadaadziihígíí, éí doodago łaʼ da, naaskááʼgo béédahózinígíí yideidiiztsʼą́ągo dóó doo haadeitʼáago da doo yá nidahazʼą́ągo, alą́ąjįʼ ándahaʼáii yilą́ąjįʼ dah sidáhí łahgi asihgo, éí yaa dahodoolnih, áádóó baa náháástʼįįdyę́ę tʼáá éí baa nínááhódóotʼįįł.

21 Áádóó áko, hazhóʼí nánéélʼį́į́ʼ bikééʼdóó, tʼáá haʼátʼííshį́į́ baa náhástʼįįd ániidígíí bínáánálkáaʼgo, éí nááná łahgi átʼáo bá ninááhidootʼááł.

22 Ákondi ániidígíí tʼáadoo bínálkááʼgóó, éí ałtsé bee nahootʼánée bikʼehgo ádoolnííł, áádóó alą́ąjįʼ ándahaʼáii ałnííʼdóó bilááhgóó ádaaníigo ałdóʼ yee lą́ daʼdoohłeeł.

23 Diyin binaʼnitin dóó atłʼááh naazléí bił nidanitłʼah dóó doo hazhóʼí yikʼidaʼdiitįįhgóó, díí baa náhástʼįįdígíí tʼáadoo hazhóʼí baa náʼíísdzohgo éí alą́ąjįʼ ándahaʼáii doo hazhóʼí bił ííshją́ą́ ályaagóó, éí alą́ąjįʼ ándahaʼáii yilą́ąjįʼ dah sidáhígíí Diyin Bóhólníihii neidídoołkił áko Diyin yinízinígíí bił ííshją́ą́ íídoolííł.

24 High priest danilínígíí, nízaadi nidaakaigo, baa hóóneʼę́ęgi átʼéego alą́ąjįʼ ándahaʼáii yíkáʼádadidooniił dóó ałhąʼ ádeidoolíiłgo bee bá ahóótʼiʼ, áko nidanitłʼaaígíí baa nídahódóotʼįįł biniyé, éí akʼíháʼáhígíí éí doodago bikʼihodiistʼánígíí yiyííkeedgo tʼéiyá.

25 Áádóó díí high priest alą́ąjįʼ ándahaʼáii ałah ádeiyiilaaígíí tʼááłáʼí bitahdóó yikʼidadidoolnihgo bá ahóótʼiʼ éí éíí tʼóó hóníshgháníjįʼ akʼidéézʼį́į́ʼ doo.

26 Alą́ąjįʼ ándahaʼáii éí, tʼáá tsxį́łígo, yaanídáástʼįįdígíí baa nídaʼiisdzohgo, tʼáá átʼé yaa dahodoolnih, éí alą́ąjįʼ ándahaʼáii Tááʼgo Sodizin Bá Hooghanjí Alą́ąjįʼ Naatʼáanii danilínígíí yaa deidoołtsos.

27 Akʼíháʼáhígíí éí doodago bikʼihodiistʼánígíí éí alą́ąjįʼ ándahaʼáii yee dahodeezʼánígíí doo bił yáʼádaatʼééhgóó, éí nihá nídínóolʼįįł nízingo alą́ąjįʼ ándahaʼáii Tááʼgo Sodizin Bá Hooghanjí Alą́ąjįʼ Naatʼáanii danilínígíí yidááhdóó ninéidoołtsos, dóó bá nádínóolʼįįł, éí baa náhódóotʼįįłígíí éí áłtsé baa náhástʼįįdyę́ęgi nádínóolʼįįł, éí áłtséédą́ą́ʼ naasdzohyę́ę bikʼehgo, tʼahdoo bá nahootʼaahyę́ędą́ą́ʼ nahalingo.

28 Díí high priest alą́ąjįʼ ándahaʼáii nízaadi nidaakaigo sodizin bá hooghanjí íiyisíí nidanitłʼahígíí baa nídahódóotʼįįłgo tʼéiyá hágo dabidiʼdooniił; dóó doo hózhǫ́ ndanitłʼahígíí éí doodago tʼáá tsxíłígo ádoolníłígíí éí doo biniyé hágo bidiʼdooniił.

29 High priest nízaadgóó ndaakaiígíí éí doodago nízaaddi kéédahatʼínígíí éí áłah aleeh nidzingo tʼáá bí bídahólníihgo ahínéíkah doo.

30 Alą́ąjįʼ ándahaʼáii éí high priest nízaadgóó ndaakaiígíí doo yił aheełtʼée da, alą́ąjįʼ ándahaʼáii nízaadgóó ndaakaiígíí éí hastóí naakitsʼáadah bikʼidahodiiniiʼígíí yitah danilį́, éí yił tʼáadoo leʼé yee lą́ ndaʼiiłeeh.

31 Éí high priest nízaadgóó ndaakaiígíí yee lą́ daʼasłį́ʼę́ę da nádínóolʼįįłgo bee bá ahóótʼiʼ; ákondi alą́ąjįʼ ándahaʼáii éí yee lą́ daʼasłį́ʼę́ę éí doo nádínóołʼįįł da.

32 Alą́ąjįʼ ándahaʼáii éí yee lą́ daʼasłį́ʼígíí éí sodizin yilą́ąjįʼ naatʼáanii danilínígíí bąąhági áhóótʼįįdgo tʼéiyá yíndaʼdídóołkił.

33 Łaʼ yilyaago: alą́ąjįʼ dah sidáhígíí éí doodago alą́ąjįʼ Tááʼgo Sodizin Bá Hooghanjí Alą́ąjįʼ Naatʼáanii dah nahááztánígíí éí nídeidínóołʼįįłígíí dóó tʼáá aaníigo nídáháasdzoohígíí bił sinilgo ndaaskááʼgo, éí binahjįʼ náádínóolʼįįłgo bá ahóótʼiʼgo ádoolnííł, éí ákódoolníiłgo tʼáá áko, éí binahjįʼ tʼáá ákótʼéego ahíʼiidooldah.

34 Naakitsʼáadah alą́ąjįʼ ándahaʼáii yááʼiiltʼeʼ ádeiyiilaa éí doodago adaʼazʼah, éí bikʼehgo bééhózin dooleeł háí áłtsé hadoodzihígíí, áádóó díí bikʼehgo áhodoonííł hoʼdooniid, daʼázhiʼígíí éiyá: 1, Oliver Cowdery; 2, Joseph Coe; 3, Samuel H. Smith; 4, Luke Johnson; 5, John S. Carter; 6, Sylvester Smith; 7, John Johnson; 8, Orson Hyde; 9, Jared Carter; 10, Joseph Smith, Sen.; 11, John Smith; dóó 12, Martin Harris ałdóʼ.Sodizin ályaa bikééʼdóó ałah azlį́į́ʼdę́ę́ʼ chʼíníjééʼ.