Wólta’ii 108
Diyin Yá Yáłti’í Joseph Smith díí diyingo bił ííshją́ą́ ályaa, Kirtland, Ohiodi, Níłch’itsoh 26, 1835 yihahgo. Díí saad dashijaa’ígíí Lyman Sherman yókeedgo íishją́ą́ ályaa, éí t’áá ániidgo tsosts’idiin dahyikahjigo yiilzį́į́’ dóó Diyin Yá Yáłti’í yaa níyá dóó binaanish íidoolíłígíí shił béé hódoozįįł níigo yiyííkeed.
1–3, Lyman Sherman bibąąhági át’éii ádzaayę́ę bee bandeet’ą́; 4–5, Éí Sodizinjí naazínígíí yił naaldeeh doo; 6–8, Éí bik’isoo nahat’á bee yisdá’iildéehii yee neidínóot’įįł dóó dabidziilgo íidoolíiłgo bee bik’ihodidoonih.
1 Shá naal’a’í Lyman, Diyin Bóhólníihii t’áá aaníí kóníłní: Nibąąhági ádaat’éii bee naanídeet’ą́, háálá shizaad bik’eh hwííníł’įįd díí abíní biyi’ bik’idiishnii’ii bits’ą́ą́dóó nahat’á nídinilá.
2 Éí bąą, bíni’dii nii’sizíinii áhodiilzééh diyingo ándiilyaaígíí biniinaa, dóó shizaad t’áadoo bits’ą́ąjį’ nílíní.
3 Áádóó yiizįįh dóó kodóó bee ádee háínídzí’ígíí bik’eh honíł’į́, éí bee ádéíháínídzíí’ígíí be’díílííł, áádóó hózhǫ́ yéego nik’ihojidoodliił.
4 Shá ndaal’a’í danilíinii da’áłtséhígíí, hágo bidííniidjį’ ha’íínílní áadi shi elder danilíinii da’ áłtséhígíí bił atah nééhodoonih, áádóó éí shielders nídaháláa’go bik’idadeeshnii’ígíí bił ó’ool’įįł bee niki’dodidoonih.
5 Áko shooh, Nihizhé’é Nilíinii díí yee nich’į’ ádee haasdzí’ígíí yinídlą́ągo ni dooleeł.
6 Áádóó áájį’ ayííłką́ągo ná bohodoolnííł éí nahat’á bee yisdá’iildéehii t’áá nanísh’a’góó bee na’nítingo bee ná ahóót’i’ doo, éí bee hahoolzhiizhdóó t’áá ákót’ée doo.
7 Éí bąą, nihik’isoo bił nahólne’, áádóó bá sodadílzin, dóó nidanítin, áádóó t’áá ałtsoní baa nanináágóó dabidziilgo ádanile’.
8 Áádóó áko shooh, dóó díní’į́į́’, dóó nił honishłǫ́ǫgo nik’ihojideeshdliił dóó hool’áágóó hinínáago yisdá’nideeshtééł. Amen.