Wóltaʼii 15
Diyin Yá Yáłtiʼí Joseph Smith díí diyingo bił ííshją́ą́ ályaa éí John Whitmer yee yił hodoolnih biniyé, Fayette, New Yorkdi, Yaʼiishjááshchilí 1829 yihahgo (wóltaʼii 14gi alą́ąjįʼ saad dashijaaʼígíí yídííłtah). Díí haneʼ bee bił hóóneʼígíí tʼáá íiyisíí naʼiiłná háálá Diyin Bóhólníihii éí John Whitmer dóó Tʼáá Bí tʼéiyá bił bééhózinígíí yaa hoolneʼ. Áádóó John Whitmer éí Naaltsoos Mormon Wolyéhígíí Tseebíí Daʼiiłtsáanii Bizaad Tʼáá Aanínígíí yitah silį́į́ʼ.
1–2, Diyin Bóhólníihii tʼáá átʼé nahasdzáán bigaan yee yaa áhályą́; 3–6, Diyingo naʼnitin bee yisdáʼiildéehii bee naʼnitin dóó iiʼnaazíinii yisdáʼnáháʼnííł éí tsʼídá aláahdi ílį́.
1 Shá naalʼaʼí John, íísíníłtsʼą́ą́ʼ, dóó Jesus Christ bizaad yísíníłtsʼą́ą́ʼ, niBóhólníihii dóó ná Nináʼnídláí.
2 Háálá áko shooh, adziilii dóó tsʼídá bikʼeʼdiʼdíítį́į́łgo nichʼįʼ yáshtiʼ, háálá shigaan nahasdzáán tʼáá ałtsogóó bee baa áháshyą́.
3 Áádóó diné doo bił bééhózinii bee nił hodeeshnih tʼáá hazhóʼó ni dóó shí tʼéiyá—
4 Hááłá tʼóó ahayóidi haʼátʼíí éí tsʼídá ałáahdi ílíinii nił nilį́įgo níł bééhodoozį́į́łígíí bee shííníkeed.
5 Áko shooh, díí biniinaa nikʼihojishdlįʼ, dóó shizaad bee yáníłtiʼígíí ałdoʼ éí shibee ndahazʼáanii bikʼehgo naanílá.
6 Áádóó áko, shooh, Shí ándishní, áko tsʼídá ałáahdi ílíinii nił nilį́į doołeełígíí éí díí diné ádaa ńdaʼookąąh bee nanítin doo, áko iiʼnaazíinii shaa hidííʼish, áko shiTaaʼ bił hazʼą́ądi bił yah anáhidoohkah áko nihił hodéezyéél doo. Amen.