Wóltaʼii 13
Díí Joseph Smith binákééʼ náháneʼ biyiʼdóó haadzoh éí Diyin Yá Yáłtiʼii dóó Oliver Cowdery Diyin Bibeʼadziilii Aaronic Wolyéhígíí bee biʼdoolzį́į́ʼyę́ę yaa halneʼ éí Harmony, Pennsylvania bíighahgi, Tʼą́ą́tsoh 15, 1829 yihahgo áhóótʼįįd. Akʼihodiiniiʼ ályaaígíí éí Diyin yá naalʼaʼí John yinishyé níigo atsiitʼááh dah déesniiʼgo iisį́į́ʼ, tʼáá éí New Testament biyiʼ John Tó Yee Iisį́įhii bee wójí. Diyin yá nidaalʼaʼí Peter, James, dóó John, tʼáá ałkʼidą́ą́ʼ Hastóí Bikʼihodiiniiʼę́ę ádashiłníigo díí íishłaa ní, éí Diyin Bibeʼadziilii bibee ąą ńditį́hí hódahgooígíí dahdeiyílé, éí Diyin Bibeʼadziilii Melchizedek Wolyéhígíí. Joseph dóó Oliver náasdi baa hoolzhiizhgo díí Diyin bibeʼadziilii hódahgooígíí bee bikʼidahididoonih. (Wóltaʼii 27:7–8, 12 yídííłtah.)
Diyin Bibeʼadziilii Aaron Wolyéhígíí bibee ąą ńditį́hí dóó beʼadziil choideidoolʼįįłgo niilyá.
1 Nihił ndaashʼaʼí danohłíinii, Messiah bízhiʼ binahjįʼ Diyin Bibeʼadziilii Aaron Wolyéhígíí nihąąh ninishłé, éí Diyin yá nidaalʼaʼí ákáʼandaajahí bibee ąą ńditį́hí dahdeiyíjááh, dóó Diyin binaʼnitin bee yisdáʼiildéehii bibee ádaa náʼookąąh, dóó tó bee iilzį́į́h éí tó hakʼidiilkǫǫh binahjįʼ bąąhági ádaatʼéii nahjįʼ há kólʼįįh; dóó díí tsʼídá doo nahasdzáán bikááʼdóó nínáádidoolyééł da, éí Levi biyeʼké diyinkʼehgo iiná Diyin Bóhólniihii yichʼįʼ nínáádaʼiisniiʼgo índa.