Ílį́įgo Bee Hadaʼiisdzíʼígíí Ílį́įgo Bee Hadaʼiisdzíʼígíí 1Diyin God Bizaad Bible dóó Naaltsoos Mormon Wolyéhígíí biyiʼ nanihidiʼnitin éí Diyin God tʼááłáʼí hachʼooní ájósingo tʼéiyá yee hasʼą́ éí náána łahgo átʼáo yee haadzíiʼgo índa (2 Samuel 12:7–8 dóó Jacob 2:27, dóó 30gi yídííłtah). Joseph Smith diyingo ííshją́ą́ bił ályaa bikééʼdóó, 1840yę́ędą́ą́ʼ Sodizin atah danilínígíí díkwíigo da asdzání daageh bá hólǫ́ǫgo ályaa (wóltaʼii 132gi yídííłtah). 1860 dóó ńléí 1880 yihah biyiʼ, Wáashindoon bikéyah ałhidadiidzooígíí díí oodląʼ binahjįʼ éʼélʼínígíí doo álʼį́į da doo biniyé bee hazʼáanii yikʼijįʼ yee lą́ daʼasłį́į́ʼ. Díí bee ndahazʼáanii éí Wáashindoon Bikéyah Ałhidadiidzooígíí Hodahgi Biʼaadahwiinítʼį́ yee lą́ daʼasłį́į́ʼ. Diyin bił ííshją́ą́ ályaa bikééʼdóó, Sodizin Bá Hooghan Yilą́ąjįʼ Sizíinii Wilford Woodruff díí Manifesto naaltsoosígíí haidiilaa bikʼeh hodoolʼįįłgo, éí Ghąąjįʼ 6 yoołkááł, 1890 yihahgo bikʼeh hółʼį́į doogo dóó tʼáá bee ádá nihozhdiníʼánígíí éí Sodizin Bá Hooghanjí dah yikahígíí yee lą́ daʼasłį́į́ʼ. Díí binahjįʼ Sodizin biyiʼ díkwíigo da asdzání daagehę́ę ninítʼiʼ silį́į́ʼ. Ílį́įgo Bee Hadaʼiisdzíʼígíí 2Naaltsoos Mormon Wolyéhígíí biyiʼ “Diyin God díí tʼáá ałtsoní tʼáá aheełtʼéego yaa ntsékees,” níigo biyiʼdóó naʼnitin “bitsįʼ łizhin dóó bitsįʼ łigai, dabiʼdótąʼ dóó tʼáá bíneʼ naakaii, hastóí dóó sáanii” (2 Nephi 26:33). Nákééʼ náháneʼdę́ę́ʼ Sodizin Bá Hooghan, bílaʼ ashdlaʼii bitsįʼ ałʼąą ádaatʼéii dóó beʼiinaʼ ałʼąą ádaatʼéii ląʼída ałʼąą dah daʼíldéehgo tó bee dabiʼdiilzį́į́ʼ dóó yéego ádaatʼį́įgo sodizin bá hooghan deiyoodlą́. Joseph Smith hinánéedą́ą́ʼ, tʼáá díkwíhígo hastóí bitsįʼ daalzhin sodizin daʼatahgo Diyin Bibeʼadziilii óʼoolʼįįł baa dahalyée ńtʼę́ę́ʼ. Tʼáá ániid sodizin bá hooghan bił hoolzhishyę́ędą́ą́ʼ, Sodizin Bá Hooghan binaatʼáanii zhinii hastʼóí African danilínígíí Diyin Bibeʼadziilii doo baa dahalyée da silį́į́ʼ. Sodizin Bá Hooghan binaaltsoos díí éʼélʼínígíí háádę́ę́ʼ bee hahoolzhiizhígíí doo hazhóʼó yaa dahalneʼ da. Sodizin Bá Hooghan yilą́ąjįʼ naazínígíí Diyin God bitsʼą́ą́dę́ę́ʼ diyingo ííshją́ą́ ádoolníłígíí łaʼ nidzin daaníigo deiyoodlą́, áko łahgo átʼáo álʼį́į dooígíí biniinaa sodizin éí yadaʼoozlííʼ. Diyingo ííshją́ą́ ályaa Sodizin Bá Hooghan Yilą́ąjįʼ Sizíinii Spencer W. Kimball beiílyá dóó łahjįʼ Sodizin Bá Hooghan yilą́ąjįʼ naazíinii Salt Lake Diyin Bighan Ntsaaígíí Yaʼiishjááshchilí 1góó yoołkááłgo, 1978 yihahgo bił hóóneʼ dóó yee lą́ daʼasłį́į́ʼ. Díí diyingo ííshją́ą́ ályaaígíí tʼáá ałtso Diyin bibeʼadziilii bee hazʼáanii bídadéétʼiʼyę́ę nahjįʼ kódaalyaa dóó biyiʼ ání tʼáá ałtso áłʼąąh dineʼé hastóí danilínígíí díí Diyin bibeʼadziilii bąąh ndahalyée doo.