Seksen 99
Revelesen i go long Profet Joseph Smith bilong John Murdock, 29 Ogas, 1832, long Hiram, Ohio. Long lusim wanpela yia, John Murdock i bin wok long autim toktok bilong gospel taim ol pikinini bilong em—nogat mama bilong ol bihain long dai bilong meri bilong em, Julia Clapp, long Epril 1831—bin wok long stap wantaim ol narapela famili long Ohio.
1–8, Bikpela i singautim John Murdock long tokaut long gospel, na ol dispela lain husat i kisim em i kisim Bikpela na bai i kisim marimari.
1 Lukim, olsem Bikpela i tok long wokman bilong mi John Murdock—Bikpela i singautim yu long go long dispela ol is kantri long haus i go long haus, long ples kanaka i go long ples kanaka, na long siti i go siti, long tokaut long oltaim oltaim gospel long ol lain husat i stap long hap, insait long namel bilong hevi na pasin nogut.
2 Na husat i kisim yu kisim mi; na yu bai gat pawa long tokaut long tok bilong mi insait long soim klia bilong Holi Spirit bilong mi.
3 Na husat i kisim yu olsem wanpela liklik pikinini, kisim kingdom bilong mi; na blesim ol, long wanem ol bai kisim marimari.
4 Na husat dispela i no laik long kisim yu bai Papa bilong mi na haus bilong em bai no laik long kisim em; na yu bai klinim lek bilong yu wantaim wara long dispela ol hait ples long dispela wei bilong wanpela testimoni agensim ol.
5 Na lukim, na lukim gen, mi kam kwiktaim long jasmen, long mekim olgeta bilip long ol nogut pasin bilong ol dispela ol i bin mekim agensim mi, olsem ol i bin raitim long mi long hap bilong dispela buk.
6 Na nau, tru mi tokim yu, olsem em i no gutpela long mi olsem yu bai i mas go inap ol pikinini bilong yu i stap long was bilong yu na lukaut bilong yu i stap wantaim ol taim yu salim ol i go long bisop bilong Zion.
7 Na bihain long sampela yia, sapos yu laikim long mi, yu inap tu long go antap long dispela gutpela graun, na kisim hap graun bilong yu;
8 Sapos nogat yu bai go het yet long tokaut long gospel bilong mi inap yu bai dai. Amen.