Seksen 7
Revelesen i go long Profet Joseph Smith na Oliver Cowdery, long Harmony, Pennsylvania, long Epril 1829, taim tupela i askim long Yurim na Tumim long sapos Jon, bilaved disaipol, i bin stap wokabaut long bodi bilong em o em i bin dai. Dispela revelesen em tupela i bin tanim em toktok i kam long rekot Jon yet i bin mekim long skin bilong enimol na haitim em yet.
1–3, Jon Bilaved, bai i stap laip inap Bikpela i kam gen; 4–8, Pita, Jems, na Jon ol i holim ol ki bilong gospel.
1 Na Bikpela i tokim mi: Jon, bilaved bilong mi, wanem samting yu laikim wanem tru? Long wanem sapos yu askim wanem samting yu bai askim long en, dispela bai mi givim long yu.
2 Na mi tok long em: Bikpela, givim i kam long mi pawa antap long dai, olsem bai mi stap laip na bringim ol sol i kam long yu.
3 Na Bikpela i tok olsem long mi: Tru, tru, mi tok long yu, bikos yu laikim tru dispela bai yu stap inap mi kam long glori bilong mi, na yu bai tokaut long ol nesen, wanples, wantok, na pipol.
4 Na long dispela samting Bikpela i tok olsem long Pita: Sapos mi tok olsem em bai stap inap mi kam, dispela em i wanem samting long yu? Long wanem em i bin askim dispela laik dispela long mi oslem bai em i ken bringim ol soul i kam long mi, tasol yu laikim olsem yu bai kwiktaim kam long mi long kingdom bilong mi.
5 Mi tok olsem long yu, Pita, dispela em i gutpela yu laikim olsem; tasol bilaved bilong mi i laikim olsem em i ken mekim moa, o bikpela moa wok yet namel long ol man moa long em i bin mekim bipo.
6 Na tu, em i statim wanpela bikpela moa wok; olsem na mi bai mekim em olsem wanpela paia i lait tru na mekim em olsem wanpela ensel bilong minista; em bai minista long ol dispela lain husat i stap long dispela graun na husat bai kisim selvesen.
7 Na mi bai mekim olsem yu bai minista long em na brata bilong yu Jems; na mi bai givim pawa and ol ki bilong dispela wok bilong God long yupela tripela inap mi kam.
8 Tru Mi tokim yu, yutupela wantaim bai kisim wanem samting yutupela i laikim, long wanem yutupela wantaim hamamas tru long wanem samting yutupela i laikim.