Seksen 32
Revelesen i go long Profet Joseph Smith bilong Parley P. Pratt na Ziba Peterson, long Manchester, New York, long stat bilong Oktoba 1830. Ol elda bin pilim bikpela laik long kisim gospel i go long ol lain bilong Leiman, long ol husat blesing ol Sios bin painimautim long Buk bilong Momon. Long dispela ol elda bin askim olsem Bikpela bai tokaut long laik bilong Em long sapos bai ol inap salim ol elda i go long dispela taim long ol Indien traib long ples long Wes. Dispela revelesen i bin kam.
1–3, Bikpela i singautim Parley P. Pratt na Ziba Peterson long go autim toktok long lotu long ol lain bilong Leiman na long go wantaim Oliver Cowdery na Peter Whitmer Jnr.; 4–5, Ol i mas beten long save long ol skripsa.
1 Na nau long wokman bilong mi Parley P. Pratt, lukim, mi tok long em olsem, olsem tasol mi stap laip mi laik bai em i tokaut long gospel bilong mi na lainim ol samting long mi, na mas gat daunpasin na gat bel i stap daunbilo.
2 Na dispela mi makim i go long em long wokim, em long go wantaim ol wokman bilong mi, Oliver Cowdery na Peter Whitmer Jnr., long ples i nogat man bilong ol lain bilong Leiman.
3 Na Ziba Peterson tu bai go wantaim ol; na mi yet tu bai mi go wantaim ol na stap namel long ol na bai mi namelman bilong ol wantaim Papa, na nogat samting bai inap long winim ol.
4 Na ol bai lukim gut ol toktok em i stap pinis long skripsa, na ol mas noken kisim narapela revelesen; na ol mas beten olgeta taim olsem mi mekim kamap klia ol dispela samting.
5 Na ol mas harim gut ol toktok bilong dispela revelesen na noken pilai pilai nating long ol dispela toktok, na bai mi blesim ol. Amen.