Seksen 22
Revelesen i go long Profet Joseph Smith, long Manchester, New York, long 16 Epril 1830. Dispela revelesen Bikpela i bin givim long Sios long bekim bilong sampela lain husat i bin baptais pinis long ol narapela sios na laik long bung wantaim sios tasol i no laik baptais gen.
1, Baptisim em i nupela na kavanen bilong oltaim oltaim; 2–4, Baptisim aninit long atoriti em i impoten.
1 Lukim, mi tokim yupela olsem olgeta olpela kavanen mi bin mekim ol pinis olgeta; na dispela em i nupela na em i kavanen bilong oltaim oltaim, dispela tu olsem i bin stap olsem long stat.
2 Olsem na, maski wanpela man i bai baptais long wan handredpela taim, dispela i no givim em wanpela samting, long wanem yupela i no inap long go insait long stretpela geit aninit long lo bilong Moses, na tu aninit long ol wok nating bilong yu.
3 Na em long wok nating bilong yu na mi mekim kamap dispela laspela kavanen na kirapim dispela sios bilong mi long kamap bikpela moa, wankain olsem long ol taim bipo.
4 Olsem na, kam insait long geit, olsem mi bin tok strong long yupela, na noken traim long givim kaunsel long God bilong yupela.