1 Dispela de wanpela jenerol kaunsil inap olsem tupela ten fo long ol hai pris bin bung long haus bilong Joseph Smith, Jnr., bihainim revelesen, na go het long ogenaisim dispela hai kaunsil bilong dispela sios bilong Krais, dispela em i bin gat twelpela ol hai pris, na wanpela o tripela presiden olsem dispela samting bai nidim.

2 Dispela hai kaunsil bin kamap olsem revelesen long as bilong stretim ol impoten hat em inap long kirap insait long sios, dispela we sios o kaunsil bilong bisop yet i no inap long stretim long hamamas bilong olgeta grup.

3 Joseph Smith, Jnr., Sidney Rigdon na Frederick G. Williams bin kisim luksave olsem ol presiden wantaim nek bilong dispela kaunsil; na Joseph Smith, Snr., Joseph Coe, John Johnson, Martin Harris, John S. Carter, Jared Carter, Oliver Cowdery, Samuel H. Smith, Orson Hyde, Sylvester Smith, na Luke Johnson, ol hai pris, ol i bin makim long kamap wanpela kaunsil bilong stap oltaim bilong dispela sios, wantaim wanpela wankain nek bilong olgeta stret bilong dispela kaunsil.

4 Ol dispela kaunsila em nem bilong ol i stap long hia bihain ol i bin askim ol sapos ol i wanbel long makim bilong ol, na sapos ol bai inap long stap insait long dispela ol opis olsem long lo bilong heven, long dispela olgeta long ol bin bekim olsem ol i wanbel long makim bilong ol, na bai pulumapim ol opis bilong ol olsem long marimari bilong God i kam antap long ol.

5 Dispela namba insait long dispela kaunsil, husat i bin vot long nem na long dispela sios long makim ol dispela kaunsila nem bilong ol i stap long antap long hia em bin fopela ten na tripela, olsem long hia: nainpela hai pris, sevenpela ten na sevenpela elda, fopela pris, na tripela ten na tripela memba.

6 Ol bin vot: olsem dispela hai kaunsil i no inap long gat pawa long wokim samting sapos ol sevenpela long ol dispela kaunsila nem bilong ol i stap long hia, o ol lain ol i save long stretpela wei makim ol planti taim i no stap.

7 Ol dispela sevenpela bai gat pawa long makim ol narapela hai pris, husat ol inap long lukim olsem ol inap long pe bilong ol na inap long wokim samting long ples bilong ol kaunsila husat i no stap.

8 Ol bin vot: olsem taim i gat wanpela ples bilong pulumapim bai kamap bikos wanpela i dai, o wanpela i raus long opis bikos em i mekim pasin bilong brukim lo, o muv go aut long hap bilong dispela sios gavman, long wanpela bilong ol dispela kaunsila nem bilong ol stap long hia, dispela bai presiden o ol presiden bai makim wanpela long pulumapim dispela wok, na nek bilong jenerol kaunsil bilong ol hai pris bai konfimim, taim ol i bung long dispela as, long wokim wok long nem bilong dispela sios.

9 Presiden bilong dispela sios, husat i presiden bilong dispela kaunsil tu, i kamap olsem revelesen, na nek bilong dispela sios i wanbel long wok bilong em long ronim sios.

10 Na em i olsem long digniti bilong opis bilong em olsem em i mas bosim dispela kaunsil bilong sios; na em i privilis bilong em long gat tupela narapela presiden long halivim em, makim bihainim dispela wankain rot olsem ol i bin makim em yet.

11 Na long taim wanpela o tupela wantaim bilong ol husat ol i makim long halivim em, em i gat pawa long bosim dispela kaunsil wantaim nogat wanpela man bilong halivim em; na long taim em yet i no stap, dispela narapela tupela presiden i gat pawa long bos long ples bilong em, tupela wantaim o wanpela bilong tupela.

12 Olgeta taim wanpela hai kaunsil bilong dispela sios bilong Krais i save ogenaisim gut, olsem long dispela wei i stap pinis, em i bai wok bilong ol dispela twelpela kaunsila long tromoi satu long namba, na olsem painimaut husat long ol dispela twelpela bai toktok pastaim, statim long nambawan na olsem i go daun long namba twelp.

13 Olgeta taim dispela kaunsil i bung long wok long wanpela samting, dispela ol twelpela kaunsila bai lukluk sapos em i wanpela hatpela o nogat; sapos em i no hatpela, tupela tasol long ol dispela kaunsila bai toktok long en, olsem long wei ol i raitim antap long hia.

14 Tasol sapos ol i ting olsem em i hatpela, ol i bai makim fopela; na sapos dispela i hatpela moa yet, sikspela; tasol i no long wanpela taim bai ol i makim moa long sikspela long toktok.

15 Dispela man husat i mekim rong na sanap long ai bilong kot, long olgeta samting, i gat sapot bilong hap bilong namba bilong ol man insait long dispela kaunsil, long stopim birua o jastis em i no tru.

16 Na ol dispela kaunsila husat ol i makim bai toktok long ai bilong kaunsil bai givim i go dispela problem samting, bihain taim kaunsil lukluk gut long ol evidens, long trupela lait bilong en long ai bilong dispela kaunsil; na olgeta wanwan man bai toktok long stretpela wei na wantaim jastis.

17 Ol dispela kaunsila husat i pikim ol ivin namba, em, 2, 4, 6, 8, 10, na 12, em ol dispela wanwan man husat bai sanap makim dispela man husat i sanap long ai bilong kot, na stopim birua o jastis i no tru.

18 Long olgeta problem samting dispela man husat i kisim narapela i go long kot na dispela man husat i sanap long kot bai gat privilis long toktok long ol yet long ai bilong dispela kaunsil, bihain long ol i harim olgeta evidens na ol kaunsila husat ol i makim ol long toktok long dispela problem samting i pinisim ol toktok bilong ol.

19 Bihain long taim ol i harim olgeta evidens, ol kaunsila, dispela man husat i kisim narapela i go long kot na dispela man husat i sanap long kot i toktok pinis, presiden bai givim disisen olsem long save gut we em bai i gat long dispela problem samting, na singautim ol dispela twelpela kaunsila long wanbel long em wantaim vot bilong ol.

20 Tasol sapos ol dispela kaunsila husat i stap yet, husat i no bin toktok yet, o wanpela bilong ol, bihain long ol i harim stret tasol ol evidens na toktok bilong tupela, lukim wanpela rong long disisen bilong presiden, ol i ken soim aut dispela, na dispela problem samting bai i gat kot gen.

21 Na sapos, bihain long ol i harim gut kot gen, sampela moa lait i soim antap long dispela problem samting, disisen bai i senis i go olsem.

22 Tasol taim i nogat sampela moa lait i kam, dispela nambawan disisen bai stap, planti moa long dispela kaunsil bai gat pawa long mekim disisen olsem pastaim.

23 Long taim bilong hatpela taim long doktrin na lo, sapos i nogat inap ol i raitim long mekim dispela problem samting i klia long ol tingting bilong dispela kaunsil, presiden inap long askim and kisim tingting bilong Bikpela thru long revelesen.

24 Ol hai pris, taim ol i stap long narapela hap, i gat pawa long singautim na ogenaisim wanpela kaunsil bihainim dispela pasin yumi toktok pinis long en, long stretim ol hatpela samting, taim ol grup o wanpela bilong ol bai askim long en.

25 Na dispela kaunsil bilong ol hai pris yumi toktok long en pinis hai bai i gat pawa long makim wanpela bilong ol yet long dispela grup long bosim dispela kaunsil long dispela taim.

26 Em i bai wok bilong dispela kaunsil yumi toktok long en pinis long salim i go, bihain stret tasol, wanpela kopi bilong ol rekot bilong ol, wantaim olgeta toktok bilong ol testimoni long go wantaim disisen bilong ol, i go long hai kaunsil bilong sia bilong Nambawan Presidensi bilong Sios.

27 Sapos ol dispela grup o wanpela bilong ol i no wanbel wantaim dispela disisen bilong dispela kaunsil yumi toktok pinis long en, ol inap long askim na painim save long dispela hai kaunsil bilong dispela sia biong Nambawan Presidensi bilong Sios, na gat wanpela kot gen, dispela problem samting bai ol i wokim long hia, olsem long dispela wei ol i bin raitim pinis, bai olsem nogat wanpela dispela kain disisen i bin kamap pinis.

28 Dispela kaunsil bilong ol hai pris i stap long narapela hao ol i bai singautim tasol long ol dispela hatpela problem samting tasol bilong ol samting bilong sios; na i no long ol liklik na samting nating problem i inap long singatim dispela kain kaunsil.

29 Ol hai pris husat i wok long wokabaut long narapela hap o husat i save stap long narapela hap i gat pawa long tok sapos em i nid long ol i singautim dispela kain kaunsil o nogat.

30 I gat wanpela narakain samting long dispela hai kaunsil o ol hai pris husat i save wokabaut raun, na dispela hai kaunsil em ol twelpela aposol husat i save wokabaut raun, long ol disisen bilong ol.

31 Long disisen bilong ol nambawan grup i gat sans bilong askim na painim save; tasol long disisen bilong dispela nambatu grup bai no no inap.

32 Dispela nambatu, ol jenerol atoriti bilong sios tasol inap long singautim i kambek bilong askim long taim wanpela i mekim pasin bilong brukim lo.

33 Ol i bin wanbel: olsem presiden o ol presiden bilong dispela sia bilong Nambawan Presidensi bilong dispela Sios bai i gat pawa long mekim disisen sapos wanpela kain problem samting, olsem inap long askim na painim save long en, i stret olsem dispela i gat sans long bai ol i harim gen, bihain long ol i glasim dispela askim na painim save na dispela ol evidens na toktok i go wantaim dispela.

34 Ol dispela twelpela kaunsila bihain bin go het long tromoim satu o ballot, long painim aut husat bai toktok pastaim, na dispela long hia em bekim, long nem: 1, Oliver Cowdery; 2, Joseph Coe; 3, Samuel H. Smith; 4, Luke Johnson; 5, John S. Carter; 6, Sylvester Smith; 7, John Johnson; 8, Orson Hyde; 9, Jared Carter; 10, Joseph Smith Snr.; 11, John Smith; 12, Martin Harris.Bihain long beten dispela konferens bai pinis.