Seksen 80
Revelesen i go long Profet Joesph Smith bilong Stephen Burnett, long Hiram, Ohio, 7 March, 1832.
1–5, Bikpela i singautim Stephen Burnett na Eden Smith long autim toktok long wanem hap ples ol i makim long laik bilong ol yet.
1 Tru, olsem Bikpela i tok i go long yu wokman bilong mi Stephen Burnett: Yu go, yu go long dispela wol na autim toktok bilong gospel long olgeta enimol husat i kam aninit long krai bilong nek bilong yu.
2 Na inap olsem yu laikim wanpela poroman, mi bai givim yu wokman bilong mi Eden Smith.
3 Olsem na, yu go na autim toktok bilong gospel, sapos long not o long saut, long is o long wes, em i no impoten, long wanem yu i no inap long popaia.
4 Olsem na, tokaut long ol dispela samting we yu bin harim, na bilip olsem i tru, na save olsem i tru.
5 Lukim, dispela em i laik bilong em husat i bin singautim yu, Ridima bilong yu, em Jisas Krais. Amen.