Seksen 111
Revelesen i go long Profet Joseph Smith, long Salem, Massachusetts, 6 Ogas, 1836. Long dispela taim ol lida bilong Sios i bin gat traipela dinau bikos long ol wok bilong ol insait long dispela ministri. Taim ol i harim olsem wanpela bikpela hap mani bai inap long kam long ol long Salem, Profet, Sidney Rigdon, Hyrum Smith, na Oliver Cowdery i bin lusim Kirtland, Ohio, na raun i go long mekim wok painim aut long dispela samting, wantaim tu autim toktok bilong gospel. Ol brata i bin wokim sampela bisnis wok bilong Sios na i bin wokim sampela autim toktok bilong gospel. Taim em i kamap klia olsem bai nogat mani i kam long ol, ol i bin go bek long Kirtland. Planti long ol samting em i kamap ples klia long dispela ples i stap insait long ol tok bilong dispela revelesen.
1–5, Bikpela i save lukluk long ol nid bilong samting bilong graun bilong ol wokman bilong Em; 6–11, Em bai soim marimari wantaim Zion na stretim olgeta samting long gutpela bilong ol wokman bilong Em.
1 Mi, Bikpela God bilong yupela, mi no, no hamamas long kam bilong yupela long dispela raun, maski long ol longlong pasin bilong yupela.
2 Mi gat planti gutpela samting bilong yupela insait long dispela siti, long gutpela bilong Zion, na planti pipol insait long dispela siti, husat mi bai bungim i go aut long taim em i stret long gutpela bilong Zion, thru long wok bilong yupela.
3 Olsem na, em i gutpela olsem yupela i mas kamap poroman wantaim ol man insait long dispela siti, olsem Bikpela bai soim yupela, na olsem Spirit bai givim yupela.
4 Na em bai kamap olsem long rait taim olsem mi bai givim dispela siti i go long ol han bilong yupela, olsem yupela bai gat pawa antap long en, inap olsem ol bai no inap long painim ol hait samting bilong yupela; na ol rits samting bilong en olsem ol gol na silva bai i bilong yupela.
5 Noken givim wari long yupela yet long ol dinau bilong yupela, long wanem mi bai givim yupela pawa long baim ol.
6 Noken givim wari long yupela yet long Zion, long wanem mi bai soim marimari wantaim em.
7 Stap liklik taim long dispela ples, na long ol ples raun nambaut;
8 Na dispela ples we em i laik bilong mi olsem yupela bai stap, long planti taim, bai mi tokaut long yupela wantaim bel isi na pawa bilong Spirit bilong mi, dispela bai kapsait i go long yupela.
9 Dispela ples yupela inap baim. Na askim wantaim pasin bilong wokim gut olgeta taim long ol lain husat i bin stap long taim bipo na kirapim dispela siti;
10 Long wanem i gat planti moa long ol gutpela samting bilong yupela insait long dispela siti na i no wanpela tasol.
11 Olsem na, yupela i mas gat save olsem ol snek tasol nogat sin; na mi bai odaim olgeta samting long gutpela bilong yupela, olsem yupela inap long kisim ol kwiktaim tru. Amen.