Seksen 26
Revelesen i go long Profet Joseph Smith, Oliver Cowdery, na John Whitmer, long Harmony, Pennsylvania, long Julai 1830 (lukim ol het tok long seksen 24).
1, Ol i kisim toksave long stadim skripsa na long autim toktok bilong God; 2, Bikpela i sapotim dispela lo wantaim tok orait bilong ol memba long ol samting i tru.
1 Lukim, mi tokim yutupela olsem yutupela bai givim taim bilong yutupela long stadim ol skripsa, na long autim tok bilong God, na long konfemim ol memba long sios long Colesville, na long mekim wok long graun, olsem yutupela nid long mekim, inap bihain yutupela bai go long hap long wes long holim narapela konferens bihain; na bihain long dispela Bikpela bai tokim yutupela wanem samting bai yutupela mekim.
2 Na olgeta samting yutupela bai mekim wantaim tok orait bilong sios, wantaim planti beten na feit, long wanem olgeta samting yupela bai kisim bikos long feit bilong yupela. Amen.