Seksen 77
Revelesen i go long Profet Joseph Smith, long Hiram, Ohio, klostu long Mas 1832. Histori bilong Joseph Smith i tok, “I go wantaim tanim tok bilong ol Skripsa, mi kisim dispela tok klia hia long Revelesen bilong St. Jon.”
1–4, Ol animal i gat spirit na bai stap long oltaim hamamas; 5–7, Dispela graun i gat dispela kain stap bilong en long 7,000 yia; 8–10, Sampela ensel bringim kambek gospel na minista long ples graun; 11, Siling bilong ol 144,000; 12–14, Krais bai kam long stat bilong dispela seven tausen yia; 15, Tupela profet bai sanap i kam long nesen bilong ol Ju.
1 Askim. Wanem em dispela glas solwara Jon i toktok long en, Sapta 4 na ves 6 bilong Revelesen?Bekim. Em i dispela ples graun, stap bilong en we em i kamap holi, nogat pinis bilong en na em bai stap oltaim oltaim.
2 Askim. Wanem bai yumi mas save gut long ol dispela fopela animal, ol i toktok long em long dispela sem ves?Bekim. Ol dispela em ol tok piksa, we Reveleita, Jon, i yusim long givim piksa long heven, dispela paradais bilong God, dispela hamamas bilong man, na bilong ol animal, na ol samting save wokabaut long bel, na bilong ol pisin bilong skai; dispela em ol bilong spirit na i wankain long ol dispela em i bilong dispela graun i wankain long dispela em i bilong spirit; dispela spirit bilong man i wankain long bodi bilong em, olsem tu dispela spirit bilong animal, na olgeta narapela samting we God i bin mekim.
3 Askim. Ol dispela fopela animal, ol i wanwan animal tasol, o ol i makim ol wankain lain o grup?Bekim. Ol i wanwan tasol long ol fopela animal, we God i bin soim long Jon, long makim dispela glori bilong ol grup bilong ol animal samting long hap we God i mekim ol, long hamamasim ol long oltaim oltaim hamamas.
4 Askim. Wanem bai yumi mas save gut long ai na ol win, ol dispela animal i gat?Bekim. Ol ai bilong ol i mak bilong lait na save, em olsem, ol i pulap long save; na ol win bilong ol i mak bilong pawa, long muv, long wokim samting, na moa.
5 Askim. Wanem bai yumi mas save gut long dispela fopela na tupela ten elda, Jon i toktok long en?Bekim. Yumi bai mas save gut olsem ol dispela elda husat Jon i bin lukim, em ol elda husat i bin stap wantaim feit long dispela wok bilong ministry na bin dai; husat i bilong ol sevenpela sios, na bihain bin stap long dispela paradais bilong God.
6 Askim. Wanem bai yumi mas save gut long dispela buk we Jon i bin lukim, we i bin pas long baksait wantaim sevenpela karamap?Bekim. Yumi bai mas save gut olsem dispela i gat insait kamapim klia laik bilong God, ol trupela samting bilong God dispela i hait yet, na ol wok bilong God; ol hait samting bilong lukaut bilong dispela ples graun long dispela seven tausen yia long go het bilong en, o long stap bilong dispela graun.
7 Askim. Wanem bai yumi mas save gut long ol dispela sevenpela karamap we ol i pasim dispela wantaim?Bekim. Yumi bai mas save gut olsem dispela nambawan karamap i gat insait long en ol dispela samting bilong nambawan tausen yia, na dispela nambatu tu i bilong nambatu tausen yia, na i go olsem inap long namba seven.
8 Askim. Wanem bai yumi mas save gut long ol fopela ensel, i stap insait long namba 7 sapta na namba 1 ves bilong Revelesen?Bekim. Yumi bai mas save gut olsem ol dispela fopela ensel God i salim i kam, long ol God i givim pawa long olgeta fopela hap bilong dispela ples graun, long seivim laip na long bagarapim; dispela em ol husat i gat dispela oltaim oltaim gospel long givim long olgeta nesen, wanples, wantok, na pipol; i gat pawa long pasim ol heven, long pasim i go long laip, o long troim go daun long ples bilong tudak.
9 Askim. Wanem bai yumi mas save gut long dispela ensel i kam antap olsem long is, Revelesen namba 7 sapta na namba 2 ves?Bekim. Yumi bai mas save gut olsem dispela ensel kam antap olsem long is em husat God i givim dispela karamap bilong God i stap laip long ol twelpela traib bilong Isrel; olsem na, em i singaut long ol fopela ensel husat i holim dispela oltaim oltaim gospel, na tok; noken bagarapim dispela ples graun, na tu dispela solwara, na tu ol dispela diwai, inap mipela i pasim ol dispela wokman bilong God bilong yumi long poret bilong ol. Na sapos yu bai kisim dispela, dispela em Elias husat bin mas kam long bungim wantaim ol traib bilong Isrel na bringim kambek olgeta samting.
10 Askim. Wanem taim bai ol dispela samting ol i toktok long en long dispela sapta bai i pinis?Bekim. Ol i bai pinis long dispela siks tausen yia, o stat bilong dispela namba siks karamap.
11 Askim. Wanem bai yumi mas save gut long karamapim dispela wan handred na fopela ten fo tausen, long ol lain bilong Isrel—twelpela tausen long olgeta lain?Bekim. Yumi bai mas save gut olsem ol dispela lain husat Bikpela i makim olsem ol hai pris, odenim ol long dispela holi oda bilong God, long autim dispela oltaim oltaim gospel; long wanem ol em ol husat Bikpela i odenim ol long olgeta nesen, wanples, wantok, na pipol, i kam long ol ensel long husat God i givim pawa antap long nesen bilong dispela ples graun, long bringim planti olsem bai kam long dispela sios bilong Nambawanbon.
12 Askim. Wanem bai yumi mas save gut long pairap bilong ol biugel, i stap insait long sapta 8 bilong Revelesen?Bekim. Yumi bai mas save gut olsem taim God bin mekim dispela wol long sikspela de, na long namba seven de em i bin pinisim wok bilong em, na bin mekim en kamap holi, na tu kamapim man long das bilong dispela ples graun, olsem tu, long stat bilong dispela seven tausen yia bai Bikpela God i mekim dispela graun kamap holi na pinisim salvesen bilong man, na jasim olgeta samting, na bai kisim bek olgeta samting, inap tasol ol dispela em i no bin putim i go insait long pawa bilong em, taim em bin mas pasim olgeta samting, i go long pinis bilong olgeta samting; na pairap bilong ol biugel bilong ol sevenpela ensel em i bilong redim na bilong pinisim bilong wok bilong em, long stat bilong ol dispela seven tausen yia—bilong redim long wei pastaim long taim bilong kam bilong em.
13 Askim. Wanem taim bai ol dispela samting bai i pinis, we i stap insait long namba nain sapta bilong Revelesen?Bekim. Ol bai pinis bihain long opim bilong dispela namba seven mak, pastaim long kamap bilong Krais.
14 Askim. Wanem bai yumi mas save gut long dispela liklik buk Jon i bin kaikaim, olsem i stap insait long sapta 10 bilong Revelesen?Bekim. Yumi bai mas save gut olsem em i bin wanpela misin, na wanpela odinens, bilong em long bungim ol traib bilong Isrel; lukim, dispela em Elias, husat, olsem ol i bin raitim, i mas kam na bringim kambek olgeta samting.
15 Askim. Wanem bai tupela witness, long namba eleven sapta bilong Revelesen bai mas save gut?Bekim. Em ol tupela profet we bai sanap i kam long ol nesen bilong ol Ju long dispela las de, long dispela taim bilong ristoresen, na long autim tok profet long ol Ju bihain long ol i bungim ol na bin sanapim dispela siti bilong Jerusalem long graun bilong ol papa bilong ol.