Seksen 125
Revelesen i go long Profet Joseph Smith, long Nauvoo, Illinois, long Mas 1841, long ol Seint long teritori bilong Iowa.
1–4, Ol Seint i mas mekim ol siti na bung i go long ol stek bilong Zion.
1 Wanem i laik bilong Bikpela long ol seint long teritori bilong Iowa?
2 Tru, olsem Bikpela i tok, mi tokim yupela, sapos ol dispela husat i kolim ol yet long nem bilong mi na wok long traim long kamap ol seint bilong mi, sapos ol bai wokim laik bilong mi na holimpas ol komanmen bilong mi long ol, larim ol bungim ol yet wantaim long ol dispela ples we mi bai makim long ol thru long wokman bilong mi Joseph, na mekim ol siti long nem bilong mi, olsem bai ol inap long redi long dispela we i stap long wanpela taim bai i kam.
3 Larim ol mekim wanpela siti long nem bilong mi antap long dispela graun arasait long dispela siti bilong Nauvoo, na larim dispela nem bilong Zarahemla bai i nem bilong en.
4 Na larim olgeta dispela lain husat i kam long is, na long wes, na long not, na long saut, husat i gat laik long stap long hia, kisim graun samting bilong ol long dispela hap, na tu long siti bilong Nashville, o long siti bilong Nauvoo, na long olgeta stek em mi bin makim, Bikpela i tok.