Seksen 70
Revelesen i go long Profet Joseph Smith, long Hiram, Ohio, 12 Novemba 1831. Histori bilong Profet i tok olsem dispela olgeta fopela spesol konferens ol i bin holim long 1 i go long 12 Novemba. Long ol dispela laspela bung ol i bin tingim na skelim olsem dispela ol revelesen we bihain ol i bai putim aut olsem Book of Commandments (Buk bilong ol Komanmen) na bihain olsem dispela Doktrin na ol Kavanen, em i bikpela samting tru. Dispela revelesen Bikpela i bin givim bihain long taim konferens bin givim vot olsem dispela ol revelesen bin “gutpela moa long Sios antap long ol rits samting bilong dispela olgeta ples Graun.” Histori bilong Joseph Smith i lukluk long ol dispela revelesen olsem “as tingting bilong dispela Sios long ol dispela las de, na wanpela gutpela samting long dispela wol, na soim olsem ol ki bilong ol dispela trupela samting bilong God dispela i hait yet bilong kingdom bilong Sevia bilong yumi Bikpela i givim gen long man.”
1–5, Bikpela i makim ol man bilong lukautim ol samting long putim aut ol dispela revelesen; 6–13, Ol dispela lain husat i wok hat long ol samting bilong spirit ol inap long pe bilong ol; 14–18, Ol Seint i mas wankain long ol samting bilong graun.
1 Lukim, na harim gut, O yupela ol lain bilong Saion, na yupela olgeta manmeri bilong sios husat i stap longwe, na harim tok bilong Bikpela em mi givim i go long wokman bilong mi Joseph Smith Jnr., na tu i go long wokman bilong mi Martin Harris, na tu i go long wokman bilong mi Oliver Cowdery, na tu i go long wokman bilong mi John Whitmer, na tu i go long wokman bilong mi Sidney Rigdon, na tu i go long wokman bilong mi William W. Phelps, olsem komanmen i go long ol.
2 Olsem mi givim i go long ol wanpela komanmen; olsem na harim gut, long wanem Bikpela i tokim ol olsem—
3 Mi, Bikpela, i bin makim ol, na odenim ol olsem ol man bilong lukautim ol samting long ol dispela revelesen na komanmen mi givim i go long ol, na mi bai givim ol long bihain taim;
4 Na wanpela rekot bilong ol wok ol i lukautim mi bai laikim i kam long ol long de bilong jasmen.
5 Olsem na, mi bin givim i go long ol, na dispela em i wok bilong ol insait long sios bilong God, long lukautim ol wantaim wanem ol samting i kamap, na tu, ol gutpela samting long ol.
6 Olsem na, wanpela komanmen mi givim i go long ol, olsem ol bai no inap givim ol dispela samting i go long sios, na tu i no long dispela wol;
7 Tasol, inap olsem ol i kisim moa long ol i nidim bilong ol nid na laik bilong ol, ol bai givim i go long stoahaus bilong mi;
8 Na ol elda bai givim ol dispela gutpela samting i go long ol lain bilong Zion, na i go long ol tumbuna lain bilong ol, sapos ol i kamap olsem ol lain bilong kisim ol dispela gutpela samting olsem long lo bilong kingdom.
9 Lukim, dispela em i wanem samting Bikpela i askim long olgeta wanwan man long ol wok ol i lukautim, olsem mi yet, Bikpela i bin makim o long bihain taim bai mi makim long wanwan man.
10 Na lukim, i nogat wanpela long sios bilong God i stap, husat i stap ausait long dispela lo;
11 Na tu, i no bisop, i no mausman bilong lukautim stoahaus bilong Bikpela, i no em husat ol i makim em long lukautim ol samting bilong dispela ples.
12 Em husat Bikpela i makim long lukautim ol samting bilong spirit, em inap long pe bilong em, wankain olsem ol dispela lain husat Bikpela i makim long lukautim ol samting bilong ples graun;
13 Tru, na planti moa yet, na dispela planti i kamap moa moa yet na Spirit i mekim klia long ol.
14 Tasol, long ol samting bilong ples graun yupela bai wankain, na dispela i no wantaim planti toktok, nogut dispela planti moa moa yet mekim klia bilong Spirit, Bikpela bai holim bek.
15 Nau, dispela komanmen mi givim i go long ol wokman bilong mi long gutpela bilong ol taim ol i stap bek, long ol blesing bilong mi antap long ol het bilong ol long soim aut, na long pe bilong ol long strong bilong ol na long was bilong ol;
16 Long kaikai na long kolos; long ples bilong ol; long ol haus na ol graun, long wanem kain stap mi, Bikpela, bai putim ol long en, na long wanem hap mi, Bikpela, bai salim ol.
17 Long wanem ol i bin stap wantaim feit long planti samting, na i wokim gut tru inap olsem ol i no bin sin.
18 Lukim, mi, Bikpela, mi marimari na mi bai blesim ol, na ol bai go insait long hamamas tru bilong ol dispela samting. Em tasol. Amen.