Seksen 85
Revelesen i go Profet Joseph Smith, long Kirtland, Ohio, 27 Novemba, 1832. Dispela seksen i wanpela hap i kam long wanpela leta bilong Profet i go long William W. Phelps, husat i bin wok long stap long Independence, Missouri. Em i bekim ol askim long ol dispela Seint husat bin muv go long Zion tasol husat i no bin bihainim dispela komanmen long givim ol samting bilong ol na olsem i no bin kisim ol graun samting bilong ol bihainim plen Bikpela i bin kamapim insait long Sios.
1–5, Long Zion ol Seint bai kisim ol graun samting i kam long ol samting ol narapela seint i givim wantaim bel; 6–12, Wanpela i bikpela na strongpela bai givim ol Seint long graun samting long Zion.
1 Em i wok bilong kuskus bilong Bikpela, husat em i bin makim, long raitim na lukautim wanpela histori, na jenerol sios rekot long olgeta samting em i kamap long Zion, na long olgeta lain husat i givim ol samting, na kisim ol graun samting long pasin bilong lo i kam long bisop;
2 Na tu long pasin long laip bilong ol, feit bilong ol, na wok; na tu long ol lain husat i lusim sios bihain long kisim ol graun samting bilong ol.
3 Em i agensim plen na komanmen bilong God olsem ol dispela lain husat i no kisim long hap graun bilong ol long ol samting ol narapela seint i givim wantaim bel, olsem lo bilong em i tok, dispela em i bin givim, olsem bai em i ken kisim taiting long ol pipol bilong em, long redim ol agensim dispela de bilong bekim pe nogut na paia, i mas gat nem bilong ol stap wantaim ol pipol bilong God.
4 Na sios mas noken holim ol rekot bilong ol tumbuna lain na tumbuna pikinini bilong ol insait long sios, o long wanpela ples long ol rekot na histori bilong sios we wanpela i ken painim.
5 Ol nem bilong ol i mas noken stap, na tu ol nem bilong ol papa bilong ol, na tu ol nem bilong ol pikinini bilong ol mas noken stap insait long buk bilong lo bilong God, Bikpela bilong ol Ami i tok.
6 Na tu, olsem dispela liklik isi isi nek, em i save toktok isi i go na i go insait long olgeta samting, na planti taim i save mekim ol bun bilong mi guria taim em i soim aut, na tok:
7 Na em i bai kamap olsem, mi, dispela Bikpela God, bai salim wanpela husat i bikpela na strongpela, i holim dispela skepta bilong pawa long han bilong em, karamapim em yet wantaim lait olsem klos, maus bilong em bai autim ol toktok, oltaim oltaim toktok; tasol ol rop bilong bel bilong em bai olsem wanpela rot bilong toktru, long stretim ol samting long ples bilong ol long dispela haus bilong God, na long putim ol long oda ol hap hap bilong ol graun samting bilong ol seint husat ol nem bilong ol i stap, na ol nem bilong ol papa bilong ol, na bilong ol pikinini bilong ol, i stap insait long buk bilong lo bilong God;
8 Tasol dispela man, husat God i singautim na makim em, husat i putim han bilong em i go aut long strongim bokis kavanen bilong God, bai pundaun long spia bilong dai, olsem wanpela diwai em i kisim pen long pawa bilong laitning em olsem paia.
9 Na olgeta lain husat nogat nem i stap long buk bilong holim tingting bai no inap long painim graun samting bilong ol long dispela de, tasol em bai katim ol long tupela hap, na ol bai i go stap wantaim ol lain i no bilip, we i gat bikmaus long krai na sapim bilong tit.
10 Ol dispela samting mi no tok long mi yet; olsem na, olsem na, olsem Bikpela i tok, em bai wokim.
11 Na ol husat i holim dispela Hai Prishud, husat nem bilong ol i no stap insait long buk bilong lo, o ol i lusim lotu, o ol lida i rausim ol long sios, olsem tu ol dispela liklik prishud, o ol dispela memba, long dispela de i no inap long painim wanpela graun samting namel long ol seint bilong Man i Antap Tru;
12 Olsem na, dispela samting bai kamap long ol olsem ol pikinini bilong pris, olsem bai stap long nambatu sapta na siksti-wan na nambatu ves bilong Esra.