Seksen 92
Revelesen i go long Profet Joseph Smith, long Kirtland, Ohio, 15 Mas, 1833. Dispela revelesen i tok save long Frederick G. Williams, husat Bikpela i bin makim nau tasol olsem wanpela kaunsela long Joseph Smith, long ol duti bilong em long United Firm (lukim ol het tok long seksen 78 na 82).
1–2, Bikpela i givim wanpela komanmen long hau long kamap memba long dispela united order.
1 Tru, olsem Bikpela i tok, mi givim i go long dispela united order, stretim na wanbel wantaim dispela komanmen mi bin givim pastaim, wanpela revelesen na komanmen long wokman bilong mi Frederick G. Williams, olsem bai yu kisim em i kam insait long dispela oda. Wanem mi tokim yu mi tokim olgeta.
2 Na gen, mi tokim yu wokman bilong mi Frederick G. Williams, yu bai kamap wanpela memba husat bai wokim wok insait long dispela oda; na inap olsem yu stap wantaim feit long holim pas ol komanmen mi bin givim yu pastaim yu bai kisim blesing oltaim. Amen.