Seksen 44
Revelesen i go long Profet Joseph Smith na Sidney Rigdon, long Kirtland, Ohio, long pinis bilong Februari 1831. Long bihainim dispela wantaim ol samting yupela bai nidim i stap insait long ol dispela mi givim yutupela, Sios i makim wanpela konferens bai kamap long stat bilong mun Jun neks yia.
1–3, Ol Elda bai bung long konferens; 4–6, Ol i mas ogenaisim ol samting long ol lo bilong dispela graun na long lukaut bilong ol turangu lain.
1 Lukim, olsem Bikpela i tokim yutupela wokman bilong mi, em i gutpela long mi olsem yutupela i mas singautim ol elda bilong sios bilong mi long kam bung wantaim, i kam long is na i kam long wes, na i kam long not na i kam long saut. Dispela em long wanpela pas o long narapela wei.
2 Na em bai kamap olsem sapos ol i stap wantaim feit, na i gat feit long mi, mi bai kapsaitim Spirit bilong mi i kam antap long ol long dispela de taim ol i bai bung.
3 Na em bai kamap olsem ol bai go aut long ol hap ples nambaut na autim toktok long ol manmeri long tanim bel.
4 Na tu planti bai kam insait long sios, olsem yupela bai kisim pawa long ogenaisim yupela yet long ol lo bilong man.
5 Olsem ol birua bilong yupela bai no inap gat pawa moa long yupela; olsem bai Bikpela i lukautim yupela long olgeta samting; olsem yupela bai inap long holim pas ol lo bilong mi; olsem bai ol birua bai no inap long painim wei long bagarapim ol pipol bilong mi.
6 Lukim, mi tokim yupela, olsem yupela i mas lukautim ol turangu lain na ol lain i gat nid, na givim ol samting ol dispela lain i nidim, olsem bai ol inap stap inap yupela i stretim olgeta samting long lo bilong mi em mi givim yupela. Amen.