Seksen 74
Revelsen i go long Profet Joseph Smith, long Wayne County, New York, long 1830. Olsem pastaim long Sios i bin ogenais, ol i bin askim long stretpela wei bilong baptisim, dispela i wokim Profet long painim bekim long dispela samting. Histori bilong Joseph Smith i tok olsem dispela revelesen i tok klia bilong 1 Corinthians 7:14, wanpela skripsa em planti taim ol man i save yusim long sapotim baptisim bilong ol nupela bebi.
1–5, Pol i tokim Sios long taim bilong em long noken holim pas lo bilong Moses; 6–7, Ol liklik pikinini ol i holi na kamap holi thru long Atonmen.
1 Long wanem maritman i nogat bilip i kamap holi long meri bilong em, na maritmeri i nogat bilip i kamap holi long man bilong em; sapos nogat ol pikinini bilong yupela i no klin, tasol nau ol i stap holi.
2 Lukim, long taim bilong ol aposol lo bilong rausim skin bin stap namel long ol Ju husat i no bilip long gospel bilong Jisas Krais.
3 Na em i bin kamap olsem bin i gat wanpela kros pait namel long ol pipol long lo bilong rausim skin, long wanem ol maritman husat i no bilip bi laik olsem ol pikinini bilong em mas rausim skin na go stap aninit long lo bilong Moses, dispela lo we i bin kamap.
4 Na em i bin kamap olsem ol dispela pikinini, husat ol stap aninit long lo bilong Moses, bin bihainim ol kastom bilong ol papa bilong ol na i no bilip long gospel bilong Krais, we ol i no kamap holi.
5 Olsem na, long dispela as aposol i bin rait i go long sios, na givim ol wanpela komanmen, i no kam long Bikpela, tasol i kam long em yet, olsem ol bilip lain i mas noken marit long ol lain husat i nogat bilip; inap olsem lo bilong Moses bai pinis namel long ol,
6 Olsem ol pikinini bilong ol bai no inap rausim skin; na ol bai pinisim dispela kastom, we i tok olsem ol liklik pikinini ol i no holi; bin stap namel long ol Ju;
7 Tasol ol liklik pikinini ol i holi, long wanem ol i holi thru long atonmen bilong Jisas Krais; na dispela em wanem samting ol skripsa i tok long en.