Seksen 126
Revelesen i go long Profet Joseph Smith, long haus bilong Brigham Young, long Nauvoo, Illinois, 9 Julai, 1841. Long dispela taim Brigham Young i bin Presiden bilong Kwarom bilong ol Twelpela Aposol.
1–3, Bikpela i tok tenk yu long Brigham Young long ol wok bilong em na Bikpela i rilisim em long ol raun bilong em i go long ol narapela ples bihain long dispela taim.
1 Turangu na brata mi lavim tumas, Brigham Young, tru olsem Bikpela i tokim yu: Wokman bilong mi Brigham, mi no nidim yu moa long lusim ol famili bilong yu olsem long ol taim i go pinis, long wanem mi wanbel long ofa bilong yu.
2 Mi bin lukim wok na hatwok bilong yu long ol raun bilong yu long nem bilong mi.
3 Olsem na mi tok strong long yu long salim tok i go long ol narapela hap, na lukautim gut ol famili bilong yu long dispela taim na i go bihain na long oltaim. Amen.