Seksen 73
Revelesen i go long Profet Joseph Smith na Sidney Rigdon, long Hiram, Ohio, 10 Jenueri 1832. Long stat bilong Disemba i go pinis, Profet na Sidney bin wok long autim toktok, na long dispela wei planti wok long kamap long daunim ol nogut filing em bin kamap agensim Sios (lukim het tok long seksen 71).
1–2, Ol elda i mas go het yet long autim toktok; 3–6, Joseph Smith na Sidney Rigdon mas go het long tanim tok long Baibel inap em i pinis.
1 Long wanem tru, olsem Bikpela i tok, em i gutpela long mi olsem ol i mas go het yet long autim toktok bilong gospel, na long strongim ol sios long ol ples nambaut, inap taim bilong konferens;
2 Na bihain, lukim, em bai kamaut long ol, long vot bilong dispela konferens, ol kainkain misin bilong ol.
3 Nau, tru mi tokim yutupela wokman bilong mi, Joseph Smith Jnr., na Sidney Rigdon, Bikpela i tok, em i gutpela long tanim tok gen;
4 Na, inap olsem yutupela inap long wokim, long autim toktok bilong gospel long ol hap ples nambaut inap long taim bilong konferens; na bihain long dispela em i gutpela long go het yet long tanim tok inap em i pinis.
5 Na larim dispela bai stap olsem wanpela eksampol i go long ol elda inap sampela moa save i kam, olsem i stap long ol skripsa.
6 Nau mi no inap givim moa long yu long dispela taim. Yupela mas redi na kirap i go na kliaim tingting bilong yupela. Em tasol. Amen.