Kyerɛwsɛm
Nkyerɛkyerɛ na Ahyɛmudzi 35


Ɔfã 35

Nyikyerɛ a wɔdze maa Joseph Smith Nkɔnhyɛnyi no na Sidney Rigdon, wɔ Fayette anaa beebi a ɔbɛn Fayette, wɔ New York, Mumu 7, 1830. Dɛm aber no mu, nna Nkɔnhyɛnyi no n’edwuma a ɔyɛ no dabiara nye ɔkyerɛ Bible no ase. Wɔhyɛɛ nwoma no ase kyerɛ wɔ Ɔbiradzi, 1830, aber no, nna Oliver Cowdery na John Whitmer nyina asom dɛ akyerɛwfo. Ɔnam dɛ, afei wɔafrɛ hɔn ama hɔn edwuma fofor ntsi, wɔnam frɛ krɔnkrɔn do frɛɛ Sidney Rigdon dɛ ɔmbɛyɛ Nkɔnhyɛnyi no ne kyerɛwfo wɔ dwumadzi no mu (hwɛ nkyekyɛmu 20). Nsɛm a ɔyɛ nyikyerɛ yi ne nyienyim no, Joseph Smith n’abakɔsɛm kã dɛ: “Mumu mu na Sidney Rigdon [fii Ohio] baa dɛ oribebisa biribi efi Ewuradze hɔ, na Edward Partridge kã noho ma wɔbae. … Enuanom beenu no bodurii no, annkyɛr na Ewuradze kasaa dɛ.”

1–2, Mbrɛ ɔbɛyɛ ma nkorɔfo etum abɛyɛ Nyame ne mba; 3–7, Wɔfrɛ Sidney Rigdon dɛ onnuma na ɔmfa Sunsum Krɔnkrɔn no mma; 8–12, Wɔnam gyedzi do yɛ nsɛnkyerɛdze na anwanwadze; 13–16, Ewuradze no nkowaa nam Sunsum no tum do bɔpose aman; 17–19, Joseph Smith kura esumasɛm ne nsaafee; 20–21, Mpamufo no botum egyina Ewuradze ne mbaa da no ano; 22–27, Wɔbɛgye Israel nkwa.

1 Tsie aEwuradze wo Nyankopɔn ne ndze, nyia ɔyɛ bAlpha nye Omega, ahyɛse nye ewiei no, nyia cn’akwan yɛ kor na ɔkɔ aprɔw onnyiewiei, dnyia ɔtse dɛm ndɛ dɛ ndeda, na afebɔɔ.

2 Emi nye Jesus Christ, Nyankopɔn ne Ba no, nyia wɔbɔɔ no ambeamudua mu dze maa wiadze nyina no bɔn, na dodowara a bwɔbɛgye me dzin edzi no, ama wɔabɛyɛ cNyankopɔn ne mba, na wɔbɛyɛ dkor mpo wɔ mo mu dɛ mbrɛ meyɛ ekor wɔ Egya no mu no, dɛ mbrɛ Egya no yɛ kor wɔ mo mu no, ama yaayɛ kor.

3 Hwɛ, nokwar, nokwar, mese m’akowaa Sidney dɛ, mahwɛ ɔwo nye wo ndwuma. Matse wo mpaabɔ, na mesiesie wo ama edwuma kɛse bi.

4 Woehyira wo, na ebɛyɛ ndzɛmba akɛse. Hwɛ, wɔasoma wo tse dɛ mbrɛ wɔsomaa aJohn dɛ ombesiesie mo kwan mu no, nye bElijah so a ɔbɛba no n’enyim, na ɔwodze innyim.

5 Na ɔwo edze nsu numae dze kɔr nnuho mu, na mbom awoennya Sunsum Krɔnkrɔn no;

6 Na, hwɛ, merema wo mbrasɛm, dɛ fa ansu numa, na sɛ edze bnsa gu hɔn do a, wobenya cSunsum Krɔnkrɔn no, tse dɛ mbrɛ tsetseberdo Asomafo no yɛe no.

7 Na ɔbɛba dɛ edwuma kɛse bi bɛba asaase no do, wɔ aAmanamamfo no mu mpo, na hɔn nkwaseadze nye ebusudze bɛda edzi wɔ nkorɔfo nyinara enyim.

8 Na meyɛ Nyame, na m’abasa nnyɛ atsia; na mebɛda betumdze, cnsɛnkyerɛdze, nye anwanwadze edzi akyerɛ hɔn a dwɔgye me dzin dzi no.

9 Na hɔn a wobebisa wɔ me dzin mu wɔ agyedzi mu no, bwobotu cmbɔnsam; dwɔbɛsa ayarfo yar, wɔbɛma efurafo ehu adze, na etsitsifo atse asɛm, na mmum akasa, na ebubuafo anantsew.

10 Na mber no reba ntsɛm ama woeeyi ndzɛmba akɛse akyerɛ adasamba;

11 Na mbom sɛ awoennya gyedzi a wonnkeyi biribiara akyerɛ hɔn, gyedɛ bamamfoyɛ nko na ɔbɛba cBabylon do, ɔno a ɔmaa Amanamamfo nyina noom ne dndwamanyɛ ebufuw wenyin no.

12 Na aobiara nnyi hɔ a ɔyɛ papa, gyedɛ hɔn a wɔayɛ krado dɛ wɔbɛgye m’asɛmpa ne mãhyɛ no, dza medze ama ebusuasantsen yi no.

13 Dɛm ntsi, mefrɛ wiadze ndzɛmba a ɔyɛ amberɛw, hɔn a bwonnyi nyimdzee na wɔnnsɛ hwee no, ma wɔdze mo Sunsum no tum no apose aman.

14 Na hɔn abasa bɛyɛ m’abasa, na mebɛyɛ hɔn aakokyɛm na nkataenyim; na mobɔbɔ hɔn asen do, na wɔbɔkõ mbarimba mu ama me; na wɔdze hɔn batamfo bɛba hɔn ananadze; na cmobɔtwe nkrantsee wɔ hɔn afã, na medze dm’ebufuhyew gyatanaa bɔkora hɔn do.

15 Na wɔbɛkã asɛmpa no akyerɛ aehiafo na bhɔn a wɔdwe, na cwɔbɔhwɛ me mbae no kwan, osiandɛ dabɛn

16 Na wobosũa aadɔmbadua no ho abɛbusɛm no, osiandɛ seseiara mpo ɔhyewber no abɛn.

17 Na masoma m’akowaa aJoseph, na medze bm’asɛmpa ne mãhyɛ no ahyɛ ne nsa; na ne mberɛwyɛ mu na meehyira no;

18 Na medze dɛm ndzɛmba no a ɔyɛ esumasɛm a awɔasɔw ano no ne bnsaafee ama no, nye ndzɛmba a ɔwɔ hɔ fi cwiadze ne fapem no mpo, nye ndzɛmba a sɛ ɔtsena mo mu a ɔbɛba, ofi ber yi dze kesi ber a mebɛba, na sɛ nnyɛ dɛm a, obi fofor na medze no besi n’ananmu.

19 Dɛm ntsi, hwɛ no do amma ne gyedzi ammpa, na aƆwerɛkyekyefo a ɔyɛ bSunsum Krɔnkrɔn no a onyim adze nyinara no dze bɛma no.

20 Na mbrasɛm yi na medze ma wo—dɛ akyerɛw ma no; na wɔdze kyerɛwsɛm no a ɔwɔ mankasa mo bo mu no bɛma, dze ama mankasa me bmpamufo no eenya nkwagye.

21 Na wɔbɛtse me andze, na woehu me, na wɔnnkɛda, na bwobegyina wɔ da a cmebɛba no mu; na wɔbɛtsew hɔnho, dɛ mbrɛ mo ho dtsew no.

22 Na afei mese awo dɛ, tsena ne nkyɛn, na ɔnye wo botu kwan, mma mmpow no, na ndzɛmba yinom bɛba mu ampa.

23 Na amber dodowara a erennkyerɛw no, hwɛ, wɔbɛma ɔahyɛ nkɔm; na ɔwo so bɛkã m’asɛmpa no na abɔ bnkɔnhyɛfo krɔnkrɔn no hɔn edzin dze ada ne nsɛm no nokwar no edzi, dɛ mbrɛ wɔdze bɛma no no.

24 aDzi mbrasɛm nye ahyɛmu a wɔdze ama wo no nyinara do; na mebɛma sor bawosow ama wo yieyɛ, na cSatan no ho bɔpopo na Zion bedzi dehurusi wɔ mbepɔw no do na ɔayɛ prɔmprɔm;

25 Na awɔbɛgye bIsrael nkwa wɔ mankasa me mber pa mu; na cnsaafee a medze ama no bɛkyerɛ hɔn kwan, na hɔn enyim runngu ase bio da.

26 Hom mma hom akoma do na hom enyi ngye, osiandɛ hom aɔpon abɛn.

27 Mma hom nnsuro, nguankuw ketseaba, aahenman no yɛ hom dze kesi dɛ mebɛba. Hwɛ, bmereba ntsɛm. Ɔnyɛ hɔ dɛm. Amen.