፩ አግልጋዬ ላይመን ጌታ ለአንተ እንዲህ ይሏል፥ በዚህ ማለዳ ከመደብኩት ምክር ትቀበል ዘንድ ወደዚህ በመምጣትህ ምክንያት ኃጢአትህ ተሰርዮልሀል።

፪ ስለዚህ፣ ስለመንፈሳዊ አቋምህ በሚመለከት ነፍስህ ትረፍ እና ድምጼን መቋቋምህንም አቁም።

፫ እና ተነሳ እና የገባሀውንና የምትገባውን ቃል ኪዳንህን ታከብር ዘንድ ከዚህ ጊዜ ጀምሮ በተጨማሪ ተጠንቀቅ፣ እና በጣም ታላቅ በሆኑ በረከቶችም ትባረካለህ።

፬ አገልጋዮቼ በክብር ስብሰባ እንዲሰበሰቡ እስኪጠሩ ድረስ በትእግስት ጠብቅ፣ ከዚያም ከመጀመሪያ ሽማግሌዎቼ ጋር ትታወሳለህ፣ እና ከመረጥኳቸው ከሚቀሩት ሽማግሌዎቼ ጋር መብትን በሹመት ትቀበላለህ።

፭ እነሆ፣ በታማኝነት ከቀጠልክ ይህም ለአንተ የአብ ቃል ኪዳን ነው።

፮ እና ከዚያም ጊዜ በኋላ በምልክህ በማንኛውም ስፍራ ወንጌሌን ለመስበክ መብት ይኖርህ ዘንድ በዚያም ቀን ይህ ይሟላልሀል።

፯ ስለዚህ፣ በንግግርህ ሁሉ፣ በጸሎቶችህ ሁሉ፣ በምታበረታታው ሁሉ፣ እና በምታደርገው ሁሉ ወንድሞችህን አጠናክር።

፰ እነሆም እና አስተውል፣ ልባርክህ እና ላድንህ ለዘለአለም ከአንተ ጋር ነኝ። አሜን።