Chapit 9
Jezi, ti gason
Lè Jezi te gen 12 an, li te ale avèk Jozèf ak Mari avèk yon gwoup moun pou yon selebrasyon nan Jerizalèm. Yo te rete la pandan plizyè jou.
Lè Jozèf ak Mari te pati pou retounen lakay yo, yo te panse ke Jezi t ap retounen Nazarèt avèk kèk zanmi. Men Jezi te rete Jerizalèm.
Lè Jozèf ak Mari t al chèche Jezi, yo pa t kapab jwenn ni. Okenn moun nan gwoup yo a pa t wè li. Konsa Jozèf ak Mari te retounen al Jerizalèm. Yo te chèche Jezi pandan twa jou. Yo te tris anpil.
Finalman yo te jwenn Jezi nan tanp lan, ap pale avèk kèk enstriktè. Li t ap reponn kesyon yo. Enstriktè yo te etone wè tout sa Jezi te konnen.
Lik 2: 46–47 (gade referabs 46c)
Mari te di Jezi ke li menm ak Jozèf te gen kè kase akoz li menm. Jezi te reponn ke li t ap fè travay Papa li —travay Bondye Jozèf ak Mari pa t konprann.
Jezi te retounen Nazarèt avèk Jozèf ak Mari epi li te obeyi yo.
Jezi te aprann plis an plis sou travay Papa li ki nan Syèl la.
Li t ap devlope, li te vin gen plis lespri toujou.
Moun yo te renmen li. Li te fè sa Bondye te vle l fè.
Bondye te renmen li.