Chapit 29
Jezi mache sou dlo a
Imaj
Jesus walks over the water to get to the boat - ch.29-2
Byen ta nan nuit la, Jezi te vin jwenn disip li yo. Li t ap mache sou dlo a pou l te vin nan kannòt la.
Imaj
The disciples are afraid when they see Jesus walking on the water - ch.29-3
Disip yo te wè li ap mache sou dlo a. Yo te pè. Yo te panse li sete yon espri. Jezi te di yo: “Se mwen menm, nou pa bezwen pè.”
Imaj
Peter walks on the water toward the Savior - ch.29-4
Pyè te anvi mache sou dlo a tou. Jezi te di Pyè pou vin jwenn ni. Pyè te desann kannòt la. Li te kòmanse mache sou dlo a pou al jwenn Sovè a.
Imaj
Because of the strong wind Peter is afraid and begins to sink - ch.29-5
Paske van an t ap vante byen fò, Pyè te vin pè. Li te kòmanse koule nan dlo a epi li te pran rele pou Jezi vin sove li.
Imaj
The Savior takes Peter by the hand and asks why he is afraid - ch.29-6
Sovè a te pran men Pyè. Li te mande Pyè poukisa li pa t gen plis lafwa.
Imaj
Jesus and Peter walked to the boat and the storm ceased - ch.29-7
Lè Jezi ak Pyè te retounen nan kannòt la, van an te rete. Tout disip yo te adore Senyè a. Yo te konnen ke li sete Pitit Bondye vre.