Chapit 48
Talan yo
Mesye a te bay youn nan sèvitè yo senk talan. Li te bay yon lòt sèvitè de talan. Li te bay yon twazyèm sèvitè yon talan. Apresa mesye a te pati pou yon vwayaj.
Sèvitè ki te gen senk talan an te travay di. Li te fè benefis senk talan. Kounyeya li te gen dis talan.
Sèvitè ki te gen de talan an te travay di tou. Li te fè benefis de lòt talan. Kounyeya li te gen kat talan.
Sèvitè ki te gen yon sèl talan an te antere l anba tè. Li te pè pou l pa t pèdi li. Li pa t travay pou l te fè okenn talan anplis.
Lè mesye a te retounen, li te mande sèvitè l yo kisa yo te fè avèk talan yo a.
Premye sèvitè a te pote dis talan ba li. Mesye a te kontan. Li te mete sèvitè responsab anpil bagay epi li te di l pou l fete avèk li.
Dezyèm sèvitè a te pote kat talan bay mèt la. Sa te fè mesye a kontan tou. Li te nonmen dezyèm sèvitè a responsab anpil bagay epi li te di l pou l fete avèk li.
Twazyèm sèvitè a te remèt mesye a talan an li te antere a. Mesye a pa t kontan. Li te di sèvite a ke l sete yon parese. Li ta dwe travay di pou fè plis talan.
Mesye a te pran talan an nan men twazyèm sèvitè a epi li te bay premye sèvitè a li. Apresa li te jete sèvitè parese a deyò. Mesye a nan istwa a se tankou Jezi. Nou se sèvitè yo. Jezi ap gen pou jije fason nou chak itilize talan yo ba nou yo.