Chapit 52
Jijman Jezi a
Chèf Juif yo te voye mesye avèk zam ak baton nan Jaden Jetsemane a.
Jida Iskaryòt te ansanm avèk yo. Chèf prèt yo te peye Jida pou l t al montre mesye yo ki kote Jezi te ye.
Jida te bo Jezi pou montre mesye yo kiyès Jezi te ye. Mesye yo te arete Jezi. Yo te pase l nan betiz epi yo te frape li. Apresa yo te mennen Jezi bay Kayif, gran prèt la.
Dirijan Jwif yo te poze Jezi kesyon. Yo te di ke l te kraze lwa a dèske l te di ke li sete Pitit Bondye a. Jezi te di yo ke li sete Pitit Bondye. Yo te di Jezi te koupab epi li te dwe mouri.
Chèf Jwif yo pa t gen otorite pou yo te touye Jezi. Yo te mennen l devan Pons Pilat, ki te kondane Jezi pou l mouri. Dirijan Jwif yo te di Pilat ke Jezi te anseye moun yo pou yo dezobeyi lwa Women an.
Pilat pa t panse Jezi te fè anyen ki pa bon. Li te vle lage Jezi. Foul moun yo te vle yo krisifye Jezi.
Pilat te toujou anvi lage Jezi. Men prèt yo ak moun yo te kontinye ap rele ke yo te vle Jezi krisifye.
Pilat te lave men li. Li te di ke li pa t responsab lanmò Jezi. Moun yo te di pou responsablite lanmò li tonbe sou yo. Pilat te di sòlda yo pou yo krisifye Jezi.