Chapit 44
Sovè a ale Jerizalèm
Kèk moun te di prèt yo ak Farizyen yo ke Jezi te resisite Laza. Farizyen yo te gen enpresyon ke tout moun t apral kwè nan Jezi. Yo te pè pou okenn moun pa t koute yo.
Farizyen yo te planifye yon fason pou touye Jezi. Yo te tann ni vini Jerizalèm pou fèt Pak la.
Jezi te ale Jerizalèm. Anpil moun te tande ke l t ap vini epi yo t al rankontre li. Jezi te monte sou yon ti bourik pou antre nan vil la. Te gen yon pwofèt ki te ekri ke Pitit Bondye a t ap fè sa. Anpil moun te kwè ke Jezi sete Pitit Bondye. Yo te mete fèy palmis ak kèk nan rad yo atè a pou li pase. Yo te rele ozana epi yo te di ke Jezi sete wa yo.
Moun nan Jerizalèm yo te vin wè sa k t ap pase. Yo te mande kiyès Jezi te ye. Moun yo nan foul la te di yo ke li sete yon pwofèt ki soti Nazarèt.
Farizyen yo te fache. Yo pa t vle moun yo kwè ke Jezi sete Sovè a. Jezi te konnen Farizyen yo te vle touye li.
Jezi te di disip li yo ke li ta pral mouri talè. Ke l ta pral soufri pou peche tout moun epi apresa mouri sou yon kwa. Ke l sete Sovè mond lan. Sete poutèt sa li te vin sou tè a.