Chapit 14
Nikodèm
Nikodèm te fè pati yon gwoup Jwif yo te rele Farizyen. Li te youn nan dirijan Jwif yo tou. Anpil Farizyen pa t kwè ke Bondye te voye Jezikri. Men Nikodèm te kwè akoz mirak li wè Jezi te fè yo.
Nikodèm te vin pale avèk Sovè a yon jou swa. Jezi te di li ke pèsonn pa ka antre nan wayòm Bondye a si li pa fèt ankò.
Nikodèm pa t konprann. Kijan yon moun ka fèt ankò? Sovè a te eksplike ke li t ap pale sou bagay espirityèl. Pou yon moun fèt ankò, li dwe batize nan dlo epi resevwa Sentespri a.
Jezi te eksplike ke yo te voye l sou tè a pou ede nou tout retounen al jwenn Papa nou ki nan Syèl la. Li te di ke li t ap gen pou soufri pou peche nou yo epi mouri sou yon kwa pou nou te kapab gen lavi etènèl.
Li te di ke nou bezwen kwè nan li epi chwazi bon bagay. Si nou fè bon bagay, n apral viv pou tout tan nan wayòm Bondye a.