Chapit 51
Jezi soufri nan Jaden Jetsemane a
Sovè a te mande Pyè, Jak, ak Jan pou yo ale avèk li nan jaden an. Li te mande yo pou yo te tann pandan l t ap priye.
Jezi te konnen ke li te bezwen soufri pou peche tout moun. Li pa t anvi soufri, men li te chwazi pou l obeyi Papa nou ki nan Syèl la.
Dòmi te pran Pyè, Jak, ak Jan pandan Jezi t ap priye a. Jezi te tounen epi li te jwenn yo ap dòmi. Li te mande yo pou yo rete reveye.
Li t al priye ankò. Pyè, Jak, ak Jan te anvi rete reveye, men yo te fatige anpil. Dòmi te pran yo ankò. Jezi te jwenn yo ap dòmi ankò. Li te ale epi li te priye yon twazyèm fwa.
Pandan Jezi t ap priye, li te kòmanse tranble akoz doulè a. Yon zanj te vini pou ba l fòs. Li te sitèlman soufri ke swè te koule sou li tonbe atè tankou degout san Li t ap soufri pou tout peche nou yo pou nou kapab jwenn padon si nou repanti.
Jezi te reveye Pyè, Jak, ak Jan. Li te di yo ke yo ta pral trayi li epi touye li. Jezi te di ke moun mechan yo t ap vini pou vin pran li.