Ɔfã 98
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Dzifuu 6, 1833. Osian atseetsee a nna wɔdze retseetsee Ahotseweefo a wɔwɔ Missouri no ntsi na wɔdze nyikyerɛ yi mae. Asɔrmba dodow a wɔbɔsoɛe wɔ Missouri no haaw tsimanmufo mu binom a Ahotseweefo no hɔn dodow na amanyɛsɛm, hɔn ahodze ho tum nye amandze na nyamesom ho nsonsonee no tseetsee hɔn. Ayɛwoho 1833 mu no etuatsewfo bi bɛsɛɛ Asɔr egyapadze, dze tar na ntɛkyerɛ yeyɛɛ Asɔrmba beenu ho na wɔkãa dɛ Ahotseweefo no ntu mfi Jackson County Ɔwɔ mu dɛ Nkɔnhyɛnyi no tsee dza nna ɔrokɔ do wɔ Missouri no wɔ Kirtland (kwansin ahaakron na otwa ntamu) dze, naaso nna mbrɛ gyinabew no mu esi ayɛ dzen no, gyedɛ yikyerɛ nko na ɔada no edzi akyerɛ no wɔ dɛm da no mu.
1–3, Ahotseweefo hɔn amandzehu no bɔboa hɔn yieyɛ; 4–8, Ahotseweefo no wɔdɛ wofua amambusɛm mbra a ɔwɔ asaase no do no do; 9–10, Ɔwɔ dɛ wɔboa nokwafo, enyansafo, na apapafo no ma wobu man no; 11–15, Hɔn a wɔdze hɔn nkwa to hɔ wɔ Ewuradze no dwumadzi mu no benya onnyiewiei nkwa; 16–18, Wonkyir ɔkõ na wɔmbɔ asomdwee ho dawur; 19–22, Wɔkã Ahotseweefo a wɔwɔ Kirtland no enyim na wɔhyɛ hɔn dɛ wonnu hɔnho; 23–32, Ewuradze da Ne mbra a ɔkora atseetsee na amandze a No nkorɔfo ruhu no edzi; 33–38, Sɛ Ewuradze hyɛ dɛ wɔnkõ a nna ɔtsen; 39–48, Ahotseweefo wɔ dɛ wɔdze hɔn atamfo hɔn mfom kyɛ hɔn, na sɛ dɛm nkorɔfo no nu hɔnho a, wobefi Ewuradze n’ebufuhyew no mu.
1 Nokwar, mese hom, m’anyɛnkofo dɛ, amma hom nnsuro, hom mma hom akoma ntɔ hom yamu; nyew, hom ndzi ehurusi mbordo, na hom bnda ase wɔ adze nyina mu.
2 Hom antweɔn Ewuradze abotar mu, osiandɛ hom mpaabɔ edu Sabaoth Ewuradze n’asomu, na wɔdze nsɔwano na ahyɛmu yi akyerɛw—Ewuradze akã ntam na ɔahyɛ ɔmom dɛ wɔbɛyɛ ama hom.
3 Dɛm ntsi, ɔbɔ hom anohoba yi na ɔnye hom dzi ahyɛmu a ɔnnsesã dɛ ne nyina bɛhyɛ ma; na ndzɛmba nyina a hom ahun amandze wɔ mu no bɔbɔ mu edzi dwuma ama hom yieyɛ, nye me dzin n’enyimnyam, Ewuradze na ɔse.
4 Na afei, nokwar, mese hom dɛ, ɔfa mbra a ɔwɔ asaase no do ho no, ɔyɛ me pɛ dɛ mo nkorɔfo bɔhwɛ na woedzi ndzɛmba biara a mahyɛ hɔn no do.
5 Na asaase no do ambra no a ɔyɛ bamambusɛm no fua fahodzi fapem na obiara ne kyɛfa na ndzinoa ekyir no yɛ adasamba nyina dze, na ɔyɛ adze a ɔtsen wɔ m’enyim.
6 Dɛm ntsi, Emi, Ewuradze, mema ɔwo nye wo nuanom a wɔwɔ m’asɔr mu no tse ase dɛ, ɔtsen dɛ wofua dɛm mbra no a ɔwɔ asaase no do no ekyir.
7 Na ɔfa no nyimpa ne mbra ho no, biribiara a ɔbor iyi do anaa ɔtɔ sin wɔ ho no fi bɔn.
8 Emi, Ewuradze Nyankopɔn, mama hom afahodzi, dɛm ntsi, hom enya fahodzi ampa; na mbra no so ama hom fahodzi.
9 Naaso, sɛ aomumuyɛnyi dzi tum a, ɔman no si nkrum.
10 Dɛm ntsi, hom mfa enyiber nhwehwɛ nkorɔfo a awodzi nokwar nye nkorɔfo a wɔyɛ enyansafo na nkorɔfo apapa na enyansafo na hom nhwɛ mpegya hɔn; annyɛ dɛm a, biribiara a ɔtɔ sin wɔ iyinom ho no fi bɔn.
11 Na mbrasɛm a medze ma hom nye dɛ, hom nkyir bɔn nyina na hom ntakyer dza oye nyina, ama hom dze aasɛm a ofi Nyankopɔn n’anomu ba biara aabɔ bra.
12 Na aɔbɛma agyedzifo no nsɛm ofi ber to ber nye ne nkyerɛkyerɛ so nkakrankakra; na medze iyinom bbɔsɔ hom ahwɛ.
13 Na obiara a aɔdze no nkwa bɔto hɔ wɔ me dwumadzi ntsi, nye me dzin ntsi no benya no bio, dza ɔyɛ onnyiewiei nkwa no mpo.
14 Dɛm ntsi, mma hom annsuro hom atamfo, osiandɛ mahyɛ ɔmom wɔ m’akoma mu, Ewuradze na ɔse, dɛ bmobɔsɔ hom ahwɛ wɔ ndzɛmba nyina mu, dɛ gyangyanbiara hom bɛtsena m’ahyɛmu mu dze akɔ cowu mu mpo, ama woeebu hom bem.
15 Na sɛ hom anntsena ahyɛmu no mu a, hom nnsɛ me.
16 Dɛm ntsi, hom ampow bɔkõ na hom mbɔ casomdwee ho dawur, na hom mper enyiberdo dɛ hom dbɛdan mba hɔn akoma dze akɔ hɔn egyanom do, na egyanom akoma dze akɔ mba do;
17 Na bio, aJewfo hɔn akoma akɔ nkɔnhyɛfo do, na nkɔnhyɛfo dze akɔ Jewfo do; annyɛ dɛm a, medze ndom bɛba abɔbɔ asaase nyina, na honam nyina bɛhyew wɔ m’enyim.
18 Mma hom akoma nntutu; na m’Egya fie wɔ atsenabew pii, na mesiesie bea ama hom; na bea a m’Egya na emi wɔ no, hɔ na hom bɛba.
19 Hwɛ, Emi, Ewuradze, m’enyi nngye dɔm pii a wɔwɔ Kirtland asɔr mu no ho;
20 Osiandɛ wɔmmpow hɔn bɔn nye hɔn emumuyɛ akwan no, nye hɔn akoma mu ahantanyɛ, nye hɔn enyikaber, nye hɔn ndzɛmba nyinara a omuo no, na wɔnnhwɛ nndzi enyansasɛm nye onnyiewiei nkwa no a medze ama hɔn no do.
21 Nokwar, mese hom dɛ, Emi, Ewuradze, sɛ woennu hɔnho na wɔannyɛ ndzɛmba nyina a mase hɔn no a, amebɛtsẽa hɔn na mayɛ biribiara a mepɛ no.
22 Na bio, mese hom dɛ, sɛ hom hwɛ ayɛ biribiara a mahyɛ hom no a, emi, Ewuradze, mibeyi ebufuw na ebufuhyew nyina efi hom do, na hɛl bmbobow runntum nndzi hom do nyim.
23 Afei, merekã dza ɔfa hom ebusua-ebusua ho akyerɛ hom—sɛ nkorɔfo abɔ hom, anaa hom ebusua-ebusua bɔ hom kor na hom dze abotar gye, na hom annkasa enntsia hɔn, na hom ammper so dɛ hom bɛyɛ hɔn bi etua kaw a, hom benya hom akatua;
24 Mbom sɛ hom annsɔw no abotar mu a, wɔbɛfa no dɛ hom aayɛ bi ahyɛ ananmu dze etua kaw.
25 Na bio, sɛ hom atamfo bɔ hom ne mpɛn a otsĩa ebien na sɛ hom annkasa enntsia hom atamfo no annhyɛ ananmu na hom sɔw no abotar mu a, hom akatua bɛyɛ ɔha mbɔho.
26 Na bio, sɛ ɔbɔ hom ne mpɛn a otsĩa ebiasa, na hom sɔw no aabotar mu a, wɔbɔbɔ hom akatua ho mpɛn anan;
27 Na sɛ hom atamfo no ennu hɔnho a, dɛm dasegye ebiasa yi begyina hɔ dze etsia hɔn na wɔremmpepa mmfi hɔ.
28 Na afei, nokwar, mese hom dɛ, sɛ dɛm ɔtamfo no fi m’awerdzi no ase fi a, ma wɔnye no ammba atsɛmbu mu wɔ m’enyim a, hom nhwɛ na hom ambɔ no kɔkɔ wɔ me dzin mu, amma ɔaammba hom do bio, anaa w’ebusua do, anaa wo mba hɔn mba do kesi ebusuasantsen ebiasa na anan no mpo do.
29 Na nkyii, sɛ ɔba hom do, anaa hom mba, anaa hom mba hɔn mba do dze kesi ebusuasantsen ebiasa anaa anan do a, medze hom atamfo no ahyɛ hom nsa;
30 Na nkyii, sɛ edze no ho kyɛ no a, ebenya w’akatua wɔ wo ndzeyɛtsenenee ho; nye wo mba na hɔn mba so dze kesi ebusuasantsen ebiasa na anan do.
31 Naaso, wo tamfo hyɛ wo nsamu; na sɛ etua no kaw dɛ mbrɛ no ndwuma tse a, ɔtsen ma wo; sɛ ɔrohwehwɛ wo nkwa, na wo nkwa wɔ mbusu mu a, nna wo tamfo hyɛ wo nsamu, na ɔtsen ma wo.
32 Hwɛ, iyi nye mbra a medze maa m’akowaa Nephi, na hom aegyanom Joseph, na Jacob, na Isaac, na Abraham, na me tsetseberdo nkɔnhyɛfo na asomafo no.
33 Na bio, iyi nye ambra a medze maa me tsetseberdofo, dɛ mma wɔnnkɔ nye ɔman, anaa ebusua, anaa kasa horow, anaa nyimpa biara nnkɔkõ, gyedɛ emi, Ewuradze, mahyɛ hɔn.
34 Na sɛ ɔman, kasa horow, anaa nyimpa biara se wɔnye hom robɔkõ a, hom ndzi kan mfa aasomdwee frankaa nkɔ nkorɔfo, ɔman, anaa kasa horow no nkyɛn;
35 Na sɛ dɛm nkorɔfo no anngye asomdwee a hom dze ama hɔn no, ne mpɛn a otsĩa ebien, anaa ebiasa a, wɔmfa dasegye yinom mbra Ewuradze n’enyim.
36 Nkyii Emi, Ewuradze, medze mbrasɛm bɛma hɔn na mase hɔn dɛ ɔtsen, na wɔnkɔ dɛm ɔman, kasa horow anaa dɔm no do nye hɔn nkɔkõ.
37 Na Emi, Ewuradze, amobɔkõ hɔn kõ, nye hɔn mba, nye hɔn mba hɔn mba nyina hɔn kõ ama hɔn, kesi dɛ wobedzi hɔn wer wɔ atamfo nyina do dze ekesi ebusuasantsen ebiasa na anan do.
38 Hwɛ, na iyi bɛyɛ fasusu ama nyimpa nyinara, Ewuradze hom Nyankopɔn na ɔse, dze akyerɛ pɛrpɛrdzi wɔ m’enyim.
39 Na bio, nokwar mese hom dɛ, sɛ hom tamfo ba hom do ber a odzi kan no ara, na onu noho na ɔba wo nkyɛn na ɔserɛ wo bɔnfakyɛ a, fa no bɔn kyɛ no na mma nndwen ho bio mmfa nngye dase nntsia wo tamfo no—
40 Yɛ no dɛmara otsĩa mpɛn ebien na ebiasa; nye mpɛn dodow biara a wo tamfo bonu noho wɔ bɔn a ɔyɛe dze tsiaa wo no ho, fa akyɛ no, kɛpem mpɛn eduosuon mbɔho esuon.
41 Na sɛ ɔfom wo kor na oennu noho a, ɔmmfa ho, fa kyɛ no.
42 Na sɛ ɔfom wo mpɛn ebien, na oennu noho a, ɔmmfa ho, hom mfa nkyɛ no.
43 Na sɛ ɔfom wo mpɛn ebiasa, na oennu noho a, hom mfa nkyɛ no bio.
44 Mbom sɛ ɔfom wo mpɛn anan a, mma mmfa nnkyɛ no, na mbom fa dasegye yinom bra Ewuradze n’enyim; na wɔremmpepa kesi dɛ obonu noho wɔ ndzɛmba a ɔyɛe dze tsiaa wo no ho na otua wo kaw mbɔ ho mpɛn anan wɔ ndzɛmba nyina a ɔfoom wo wɔ ho no.
45 Na sɛ ɔyɛ dɛm a, pra w’akoma mu fa kyɛ no; na sɛ ɔannyɛ no dɛm a, Emi, Ewuradze, mibedzi wo tamfo awer ɔha mbɔho;
46 Na mebɛma ɔaba ne mba do, na ɔaba ne mba so hɔn mba do, hɔn a wɔtan me nyina, dze kesi aebusuasantsen ebiasa na anan do.
47 Mbom sɛ mba no nu hɔnho, anaadɛ mba no hɔn mba no nu hɔnho, na wɔdze hɔn akoma na hɔn ahom, hɔn adwen, na hɔn ahoɔdzen nyina adan ba Ewuradze hɔn Nyankopɔn hɔ, na mfom a wɔdze foom wo no, anaa mfom a hɔn egyanom anaa hɔn egyanom hɔn egyanom dze foom wo no na wotua ho kaw mbɔho anan a, ebɛdan w’ebufuw efi hɔ;
48 Na aawerdzi remmba hɔn do bio, Ewuradze hɔn Nyankopɔn na ɔse, na wɔremmfa hɔn mfom mmba Ewuradze enyim mmfa nngye dase nntsia hɔn bio. Amen.