Ɔfã 46
Nyikyerɛ a wɔnam Joseph Smith Nkɔnhyɛnyi no do dze maa Asɔr no, wɔ Kirtland, Ohio, Ebɔw 8, 1831. Asɔr no n’ahyɛse no, nna wonnyi nhyehyɛɛ kor a wɔhwɛ do yɛ som wɔ Asɔr no mu. Naaso nna wɔayɛ nhyehyɛɛ bi ato hɔ a asɔrmba nye hɔn a woesi nketse dɛ wɔrohwehwɛ Asɔr no mu no nko na wɔma hɔn kwan ma wɔba sacrament som nye Asɔr no ne nhyiamu bi ase. Nyikyerɛ yi na ɔkyerɛ kwan a, Ewuradze pɛ dɛ wɔfa do hwɛ som no do nye ne nhyiamu dwumadzi do na No kwankyerɛ wɔ wɔrehwehwɛ na worinya nhumu wɔ Sunsum akyɛdze mu.
1–2, Elderfo wɔdɛ wɔhwɛ som dwumadzi do dɛ mbrɛ Sunsum Krɔnkrɔn no bɛkyerɛ; 3–6, Mma wɔmmpam hɔn a wɔreperhwehwɛ nokwar no mmfi sacrament som ase; 7–12, Wombisa Nyankopɔn na wɔmper nhwehwɛ Sunsum n’akyɛdze no; 13–26, Wɔbobɔ Sunsum n’akyɛdze binom edzin no dze ma; 27–33, Wɔma Asɔr no mu banodzifo no tum ama woeetum ehu Sunsum n’akyɛdze no.
1 Hom ntsie, O hom a hom yɛ m’asɔrmba; na nokwar, mese hom dɛ wɔakã ndzɛmba yinom akyerɛ hom ama hom eenya ho amfaso na hom eesũa.
2 Mbom wɔakyerɛw dɛm ndzɛmba yinom nyina, naaso ɔwɔ dɛ am’asɔr mu elderfo bhwɛ nhyiamu nyinara wɔ kwan a Sunsum Krɔnkrɔn no bɛkyerɛ no do, wɔakã dɛm akyerɛ hom fi ahyɛse no, na wɔbɔkɔ do akã akyerɛ hom daa.
3 Eso wɔhyɛ hom dɛ mma hom ammpam obiara mmfi hom bagua mu nhyiamu a wɔyɛ no wɔ wiadze enyim no mu.
4 Wɔhyɛ hom so dɛ mma hom mmpam obiara a ɔdɔm aasɔr no mmfi hom sacrament nhyiamu ase; naaso, sɛ obi afom a, bmma wɔmma onndzi bi kesi dɛ ɔbɛyɛ no bɔn ho mpatadze.
5 Na bio, mese hom dɛ, mma hom mmpam obiara a oesi nketse dɛ ɔrohwehwɛ ahenman no mmfi hom sacrament nhyiamu ase—Mekyerɛ hɔn a wɔnnkã asɔr no ho no.
6 Na bio, mese hom dɛ mma hom mmpam obiara a ɔnnkã asɔr no ho na oesi nketse dɛ ɔrohwehwɛ ahenman no mmfi hom aepisi nhyiamu ase.
7 Mbom wɔahyɛ hom dɛ adze nyina mu hom ambisa Nyame, nyia ɔdze ma kwa; na dza Sunsum no bɛgye ho dase akyerɛ hom no, mebɛpɛ dɛ hom dze bakoma a no mu yɛ krɔnkrɔn, hom nnantsew nokwar mu wɔ m’enyim, na hom cndwen hom nkwagye n’ewiei no ho, na hom mfa mpaabɔ nye dndaase nyɛ ndzɛmba nyinara, amma esunsum bɔn, anaadɛ embɔnsam nkyerɛkyerɛ, anaadɛ fnyimpa ne mbrasɛm gaanndaadaa hom; osiandɛ bi fi nyimpa, na bi so fi mbɔnsam.
8 Dɛm ntsi, hom nhwɛ yie amma wɔaanndaadaa hom; na hom nsi nketse anhwehwɛ akyɛdze papa no amma wɔaanndaadaa hom; na aber nyina hom nkaa dza ɔnam do ma wɔdze mae;
9 Na nokwar, mesɛ hom dɛ, osian hɔn a wɔdɔ me na wodzi me mbrasɛm nyina do, nye hɔn a wɔper dɛ wɔbɛyɛ dɛm ntsi na wɔdze ma; ama aayɛ mfaso ama hɔn a wɔhwehwɛ me anaa wobisa me, na wommbisa mmfa nnhwehwɛ ansɛnkyerɛdze a bwɔbɔhwer no wɔ hɔn akɔndɔdze ho.
10 Na bio, nokwar mese hom dɛ, mepɛ dɛ aber biara hom kaa dza aakyɛdze yinom a wɔdze ma asɔr yi yɛ, na hom dze sie hom badwen mu aber nyina.
11 Na hɔn nyinara nnyi akyɛdze no nyina; osiandɛ akyɛdze no dɔɔ sõ, na Nyame no Sunsum no ma anyimpa biara akyɛdze.
12 Binom ɔma hɔn kor, binom so ɔma hɔn kor bi so ama no ho aaba mfaso ama hɔn nyinara.
13 Binom Sunsum Krɔnkrɔn no ma awohu dɛ Jesus Christ nye Nyame ne Ba no, na wɔbɔɔ no mbeamudua mu dze maa wiadze bɔn.
14 Binom so ɔma awɔgye hɔn nsɛm no dzi, dɛ sɛ wɔkɔ do dzi nokwar a, hɔn so wobenya onnyiewiei nkwa.
15 Na bio, binom so Sunsum Krɔnkrɔn no ma wohu mbrɛ wosi hwɛ adwumadzi horow do, dɛ mbrɛ ɔbɔsɔ Ewuradze kor noara n’enyi, dɛ mbrɛ Ewuradze ne pɛ tse, dɛ mbrɛ n’ehumbɔbɔr a ɔwɔ dze ma adasamba wɔ hɔn asetsena mu tse.
16 Na bio, Sunsum Krɔnkrɔn no ma binom so tum ma wohu sunsum mu dwumadzi dɛ ofi Nyame, ama dza Sunsum no bɛda no edzi no ho aaba mfaso aama obiara.
17 Na bio, nokwar mese hom dɛ, binom so Nyame no Sunsum no ma hɔn aenyansasɛm.
18 Obi so ɔma no anyimdzeesɛm, ama wɔaakyerɛkyerɛ hɔn nyinara ma wɔaayɛ enyansafo na woeenya nyimdzee.
19 Na bio, binom so ɔma hɔn agyedzi ma wonya ayarsa;
20 Na binom so ɔma hɔn gyedzi ma wɔdze asa yarba.
21 Na bio, binom so ɔma hɔn aetumdzeyɛ;
22 Na binom so ɔma awɔhyɛ nkɔm.
23 Na binom so aesunsum mu nhumu.
24 Na bio, ɔma binom so kasa akasa horow;
25 Na binom so ɔma hɔn kasa horow nkyerɛase.
26 Na aakyɛdze yinom nyina fi Nyame hɔ ba, ama Nyame ne bmba eenya ho mfaso.
27 Na abishop a ɔwɔ asɔr no mu, nye hɔn a Nyame eyi hɔn ahyɛ hɔn asɔfo dɛ wɔnhwɛ asɔr no do na wɔnyɛ asɔr no mu elderfo no, wɔdze bɛma hɔn dɛ wobenya akyɛdze yinom nyina mu bnhunii, amma obiara emmfi hom mu annkã biribi a ommfi Nyame.
28 Na ɔbɛba dɛ obiara a obebisa wɔ aSunsum mu no benya no wɔ Sunsum mu;
29 Na binom benya dɛm akyɛdze no nyinara ama woeenya banodzi dzibew, ama asɔrba biara eenya ho mfaso.
30 Nyia aobisa wɔ bSunsum mu no, obisa wɔ kwan a Nyame cpɛ do; dɛm ntsi ɔyɛ dza oebisa no ma no.
31 Na bio, mese hom dɛ, ɔwɔ dɛ wɔyɛ adze nyina wɔ Christ ne dzin mu, biribiara a wɔbɛyɛ no, wɔnyɛ no wɔ Sunsum mu.
32 Na ɔwɔ dɛ hom ada Nyame ase wɔ Sunsum mu wɔ nhyira biara a ɔdze behyira hom ho.
33 Na hom mbɔ abra pa na hom nyɛ bkrɔnkrɔn wɔ m’enyim aber nyina. Ɔnyɛ hɔ dɛm. Amen.