Kapitulo 49
Si Mormon ug ang Iyang mga Pagtulon-an
Sa katapusan hapit ang tanan nga mga katawhan nahimong dautan, ang duha mga Nephite ug mga Lamanite.
Usa ka matarong nga tawo, si Ammaron, naghupot sa sagrado nga mga talaan. Ang Espiritu Santo misulti kaniya sa pagtago kanila aron sila maluwas.
Si Ammaron misulti kang Mormon, usa ka 10 ka tuig nga batang lalaki, diin ang talaan gitago. Si Ammaron nakahibalo nga siya makasalig ni Mormon.
Sa dihang siya 24, si Mormon maoy mokuha sa mga palid ni Nephi ug mosulat diha kanila mahitungod sa iyang mga tawo.
Sa diha nga si Mormon 11, usa ka gubat misugod tali sa mga Nephite ug mga Lamanite. Ang mga Nephite midaug, ug dihay kalinaw pag-usab.
Apan ang mga Nephite hilabihan ka dautan mao nga ang Ginoo mikuha sa tulo ka mga tinun-an, mao nga natapos ang mga milagro ug mga pagpang-ayo. Ang Espiritu Santo wala na mogiya sa mga katawhan.
Sa diha nga si Mormon 15, si Jesukristo miduaw kaniya. Si Mormon nakat-on og dugang mahitungod sa Manluluwas ug sa iyang kaayo.
Si Mormon buot nga mosangyaw ngadto sa mga katawhan, apan si Jesus misulti kaniya nga dili usa tungod kay ang mga katawhan hilabihan kadautan. Ang ilang mga kasingkasing napahiluna batok sa Dios.
Sa wala madugay lain nga gubat ang misugod. Si Mormon dako ug kusgan, ug ang mga Nephite mipili kaniya nga mangulo sa ilang mga sundalo.
Ang mga Nephite nakig-away sa mga Lamanite sulod sa daghang mga tuig. Si Mormon misulay sa pag-awhag sa iyang mga katawhan sa pagpakig-away alang sa ilang mga banay ug mga panimalay.
Ang mga Nephite nahimong hilabihan kadautan, bisan pa mao nga ang Ginoo dili motabang kanila.
Si Mormon misulti sa mga Nephite nga sila ipabilin lamang kon sila maghinulsol ug mabunyagan. Apan ang mga katawhan midumili.
Sila nanghambog mahitungod sa ilang kusog, nag-ingon nga sila mopatay sa tanang mga Lamanite. Tungod sa kadautan sa mga Nephite, si Mormon midumili sa pagpangulo kanila.
Ang mga Lamanite misugod pagbuntog sa mga Nephite sa matag bugat. Si Mormon mihukom sa pagpangulo pag-usab sa mga Nephite nga mga sundalo.
Siya nasayud nga ang dautan nga mga Nephite dili makadaug sa gubat. Sila wala naghinulsol o nag-ampo alang sa tabang nga ilang gikinahanglan.
Si Mormon mikuha sa tanang mga talaan gikan sa bungtod diin si Ammaron mitago kanila ug misulat ngadto sa mga katawhan kinsa sa umaabot nga adlaw makabasa sa talaan.
Siya buot nga nga matag usa, lakip ang mga Judeo, masayud mahitungod ni Jesukristo, sa paghinulsol ug pagpabunyag, ug sa pagpuyo sa ebanghelyo ug mapanalanginan.
Ang Espiritu midasig ni Mormon sa pagbutang sa gamay nga mga palid ni Nephi, nga naglakip sa mga panagna sa pag-abot ni kristo, uban sa mga palid ni Mormon.
Si Mormon nangulo sa mga Nephite ngadto sa yuta sa Cumorah, diin sila nangandam sa pagpakig-away pag-usab sa mga Lamanite.
Si Mormon nagkatigulang. Siya nasayud nga kini maoy katapusan nga panag-away. Siya dili buot nga ang mga Lamanite makakita sa sagrado nga mga talaan ug molaglag niini.
Busa siya nihatag sa mga palid ni Mormon ngadto sa iyang anak nga lalaki, si Moroni, ug gitagoan ang uban nga mga palid sa Bungtod Cumorah.
Ang mga Lamanite misulong ug mipatay sa tanan gawas sa 24 ka mga Nephite. Si Mormon nasamdan.
Si Mormon naguol nga daghan kaayo nga mga Nephite ang nangamatay, apan siya nasayud nga sila nangamatay tungod kay ilang gisalikway si Jesus.
Si Mormon misulay sa pagtudlo sa mga Nephite sa kamatuoran. Siya nagsulti kanila kon unsa ka mahinungdanon ang pag-angkon sa hugot nga pagtuo diha ni Jesukristo.
Siya misulay sa pagtudlo kanila sa paghupot og paglaum pinaagi sa pag-ula ni Jesukristo sa pag-angkon og gugmang putli, nga mao ang putli nga gugma ni Kristo.
Ug si Mormon mihimo og mga sulat ngadto sa iyang anak nga lalaki, si Moroni, kinsa usab mitudlo sa ebanghelyo ngadto sa mga Nephite.
Si Mormon misulat mahitungod sa makahahadlok nga kadautan sa mga Nephite. Siya misulti kang Moroni sa pagpabilin nga matinud-anon ni Jesukristo.
Ang mga Lamanite mipatay ni Mormon ug sa tanang mga Nephite gawas lang ni Moroni, kinsa mihuman sa pagsulat sa mga talaan.