Mga Kasulatan
Mormon 4


Kapitulo 4

Gubat ug kamatay nagpadayon—Ang mga dautan mosilot sa mga dautan—Labaw nga pagkadautan midagsang kay sa kaniadto sa tibuok Israel—Mga babaye ug mga bata gisakripisyo ngadto sa mga dios-dios—Ang mga Lamanita misugod pagsilhig sa mga Nephita sa atubangan kanila. Mga A.D. 363–375.

1 Ug karon nahinabo nga diha sa ikatulo ka gatus ug kan-uman ug tulo nga tuig ang mga Nephita miasdang uban sa ilang mga kasundalohan aron sa pakiggubat batok sa mga Lamanita, gikan sa yuta sa Desolation.

2 Ug nahinabo nga ang mga kasundalohan sa mga Nephita giabug pag-usab balik sa yuta sa Desolation. Ug samtang sila luya pa, usa ka malagsik nga kasundalohan sa mga Lamanita miasdang kanila; ug dihay mapintas nga away, hangtud nga ang mga Lamanita miilog sa dakbayan sa Desolation, ug mipatay sa daghan nga mga Nephita, ug daghan ang nabilanggo.

3 Ug ang nahibilin milayas ug miipon sa mga lumulupyo sa dakbayan sa Teancum. Karon ang dakbayan sa Teancum nahimutang diha sa mga utlanan dapit sa baybayon; ug kini usab duol sa dakbayan sa Desolation.

4 Ug kini atungod kay ang mga kasundalohan sa mga Nephita misulong sa mga Lamanita nga sila gihampak uban sa kadaot; kay kon dili pa tungod niini, ang mga Lamanita unta walay gahum batok kanila.

5 Apan, tan-awa, ang mga paghukom sa Dios mobuntog sa mga dautan; ug pinaagi sa mga dautan ang mga dautan asilutan; kay ang mga dautan mao ang mikutaw sa mga kasingkasing sa mga katawhan ngadto sa pagpaagas sa dugo.

6 Ug nahinabo nga ang mga Lamanita miandam sa pagsulong batok sa dakbayan sa Teancum.

7 Ug nahinabo nga sa ikatulo ka gatus ug kan-uman ug upat nga tuig ang mga Lamanita misulong batok sa dakbayan sa Teancum, nga sila unta makailog sa dakbayan sa Teancum usab.

8 Ug nahinabo nga sila gipasibug ug giabug pagbalik sa mga Nephita. Ug sa diha nga nakita sa mga Nephita nga sila miabug sa mga Lamanita sila pag-usab nanghambog sa ilang kaugalingon nga kusog; ug sila misulong diha sa ilang kaugalingon nga gahum, ug miilog pag-usab sa dakbayan sa Desolation.

9 Ug karon ang tanan niini nga mga butang natuman, ug dihay kaliboan nga namatay sa duha ka pundok, sa mga Nephita ug sa mga Lamanita.

10 Ug nahinabo nga ang ikatulo ka gatus ug kan-uman ug unom nga tuig milabay, ang mga Lamanita misulong pag-usab diha sa mga Nephita aron sa pagpakig-away; ug sa gihapon ang mga Nephita wala gayud maghinulsol sa dautan nga sila mihimo, apan mipadayon gihapon sa ilang pagkadautan sa kanunay.

11 Ug kini malisud alang sa dila ang paghulagway, o alang sa tawo sa pagsulat sa usa ka hingpit nga paghulagway sa mangilngig nga talan-awon sa dugo ug kamatay nga diha taliwala sa mga katawhan, sa mga Nephita ug sa mga Lamanita; ug ang matag kasingkasing gipatig-a, nga sa ingon sila nahimuot diha sa pagpaagas sa dugo kanunay.

12 Ug dihay walay sama ka hilabihan nga apagkadautan taliwala sa tanan nga mga anak ni Lehi, ni bisan sa tibuok balay ni Israel, sumala sa mga pulong sa Ginoo, sama niini nga mga katawhan.

13 Ug nahinabo nga ang mga Lamanita mipanag-iya sa dakbayan sa Desolation, ug kini tungod sa ilang agidaghanon nga milabaw sa mga Nephita.

14 Ug sila usab misulong batok sa dakbayan sa Teancum, ug miabug sa mga lumulupyo gikan kaniya, ug mikuha sa daghan nga binilanggo nga mga babaye ug mga bata, ug mihalad kanila ingon nga mga halad ngadto sa ilang adios-dios.

15 Ug nahinabo nga sa ikatulo ka gatus ug kan-uman ug pito nga tuig, ang mga Nephita nasuko tungod kay ang mga Lamanita mihalad sa ilang mga babaye ug sa ilang mga bata, nga sila misulong batok sa mga Lamanita uban sa naghingapin nga kasuko, nga tungod niini sila mibuntog pag-usab sa mga Lamanita, ug miabug kanila gikan sa ilang mga yuta.

16 Ug ang mga Lamanita wala na gayud makig-away batok sa mga Nephita hangtud sa ikatulo ka gatus ug kapitoan ug lima nga tuig.

17 Ug niini nga tuig sila misulong batok sa mga Nephita uban sa tanan nila nga gahum; ug sila dili maihap tungod sa ka daghan sa ilang gidaghanon.

18 Ug agikan niini nga panahon ang mga Nephita wala na makaangkon og gahum ibabaw sa mga Lamanita, apan gisugdan sa pagsilhig pinaagi kanila gani sama sa yamog sa atubangan sa adlaw.

19 Ug nahinabo nga ang mga Lamanita misulong sa dakbayan sa Desolation; ug dihay mapintas nga away sa yuta sa Desolation, diin sila mibuntog sa mga Nephita.

20 Ug sila milayas na usab gikan kanila, ug sila miabut sa dakbayan sa Booz; ug didto mibarug sila batok sa mga Lamanita sa hilabihan nga kaisug, hangtud nga ang mga Lamanita wala makabuntog kanila hangtud nga sila misulong pag-usab sa ikaduha nga higayon.

21 Ug sa diha nga sila misulong sa ikaduha nga higayon, ang mga Nephita giabug ug gipamatay sa hilabihan ka daghan nga pagpatay; ang ilang mga babaye ug ang ilang mga anak gihalad pag-usab ngadto sa mga dios-dios.

22 Ug nahinabo nga ang mga Nephita milayas na usab gikan kanila, gidala ang tanan nga mga lumulupyo uban kanila, diha sa mga lungsod ug diha sa mga balangay.

23 Ug karon ako, si Mormon, nga nasayud nga hapit na mailog sa mga Lamanita ang yuta, busa ako mitungas ngadto sa bungtod sa aShim, ug gikuha ang tanan nga mga talaan nga gitipigan ni Ammaron ngadto sa Ginoo.