Kapitulo 44
Si Jesukristo Nagpanalangin sa mga Bata
Si Jesukristo misulti sa mga Nephite sa pagdala sa ilang gagmay nga mga bata ngadto kaniya. Ang mga bata nanglingkod diha sa yuta duol ni Jesus.
Ang Manluluwas misulti sa mga katawhan sa pagpangluhod. Unya siya miluhod ug miampo sa Langitnong Amahan.
Ang pag-ampo sa Manluluwas katingalahan kaayo nga kini dili ikasulat. Kini mipuno sa mga Nephi uban sa hingpit nga kalipay.
Human sa iyang pag-ampo si Jesus miingon nga ang mga Nephite mapanalanginan tungod sa ilang hugot nga pagtuo.
Siya mibati og dako kaayo nga gugma ug kalipay nga siya mihilak.
Unya iyang gikuha ang mga bata ug mipanalangin sa matag usa. Siya miampo sa Langitnong Amahan alang kanila ug mihilak pag-usab.
Si Jesus misulti ngadto sa mga Nephite sa pagtan-aw sa ilang mga anak.
Samtang ang mga katawhan nagtan-aw, mga anghel nanaog gikan sa langit ug mialirong sa mga bata. Ang mga bata ug ang mga anghel gilibutan sa kalayo.