Kapitulo 6
Ang Damgo ni Lehi
Si Lehi misulti sa iyang banay mahitungod sa usa ka mahinungdanon nga panan-awon nga diha kaniya sa usa ka damgo. Ang damgo ni Lehi nakahimo kaniya nga malipayon alang kang Nephi ug kang Sam apan makapasubo alang kang Laman ug Lemuel.
Sa iyang damgo si Lehi nakakita og usa ka tawo nga nagsul-ob og puti nga kupo kinsa misulti ni Lehi sa pagsunod kaniya. Si Lehi misunod sa tawo paingon sa usa ka mangitngit ug mangi-ub nga kamingawan.
Human sa pagpanaw diha sa kangitngit sulod sa daghan nga mga takna, si Lehi mi-ampo alang sa panabang.
Unya siya nakakita og usa ka kahoy nga adunay bunga nga puti. Kini nga matam-is nga bunga nakahimo niadtong kinsa ni-kaon niini nga magmalipayon.
Si Lehi mikaon sa bunga, ug kini mipuno kaniya sa hingpit nga kalipay. Siya buot nga ang iyang banay motilaw sa bunga tungod kay siya nakahibalo nga kini makalipay usab kanila.
Si Lehi nakakita og suba duol sa kahoy. Sa ulohan sa suba iyang nakita si Sariah, si Sam, ug si Nephi.
Si Lehi mitawag ngadto sa iyang asawa ug anak nga mga lalaki sa pagduol ug pagtilaw sa bunga. Si Sariah, si Sam, ug si Nephi miduol ug mitilaw sa bunga, apan si Laman ug si Lemuel dili buot.
Si Lehi usab nakakita og baston nga puthaw ug usa ka tul-id ug piut nga agianan paingon ngadto sa kahoy.
Siya nakakita og daghan nga mga katawhan nga naglakaw padayon o paingon sa agianan. Tungod sa gabon sa kangitngit, pipila ang nahisalaag palayo sa agianan ug nangawala.
Ang uban migunit og hugot sa baston nga puthaw ug nakahimo niini lahus sa kangitngit nagdto sa kahoy. Sila mitilaw sa bunga.
Ang mga katawhan diha sa usa ka dako nga gambalay sa pikas nga bahin sa suba mibugalbugal niadtong kinsa mika-on sa bunga. Pipila sa mga nakaka-on sa bunga nanga-ulaw ug mibiya sa kahoy.
Si Lehi nakakita og daghan nga mga katawhan diha sa iyang damgo. Pipila ka mga tawo hugot nga migunit sa baston nga puthaw ug mipanaw lahus sa kangitngit ngadto sa kahoy. Sila mitilaw sa bunga. Ang uban miadto sa dako nga gambalay o nalumos diha sa suba o nawala. Si Laman ug si Lemuel dili buot mokaon sa bunga. Si lehi nabalaka mahitungod kanila ug misulay sa pagtabang kanila nga mosunod sa mga sugo sa Dios.