Kapitulo 10
Si Jacob ug si Sherem
Sa wala pa si Nephi mamatay iyang gihatag ang mga palid nga iyang gisulat ngadto sa iyang manghod nga igsoong lalaki nga si Jacob. Si Jacob matarung.
Si Nephi misulti kang Jacob sa pagsulat sa mga butang nga makatabang sa mga katawhan nga motuo ni Jesukristo.
Si Nephi mihatag kang Jacob sa gahum nga mahimong usa ka pari sa Simbahan ug sa pagtudlo sa mga Nephite sa pulong sa Dios.
Human sa kamatayon ni Nephi daghan sa mga Nephite nahimong dautan. Si Jacob mitudlo sa mga katawhan ug misulti kanila sa paghinulsol sa dautan nga mga butang nga ilang gibuhat.
Usa ka dautan nga tawo nga ginganlan og Sherem miadto taliwala sa mga Nephi nagtudlo kanila sa dili pagtuo ni Jesukristo.
Si Sherem misulti sa mga katawhan nga walay moabut nga Kristo. Daghang mga tawo ang mituo ni Sherem.
Si Jacob mitudlo sa mga katawhan sa pagtuo ni Kristo. Si Sherem buot makiglantugi ni Jacob ug modani kaniya nga walay moabut nga Kristo.
Ang kang Jacob nga hugot nga pagtuo ni Jesukristo dili gayud matarug. Siya nakakita og mga anghel ug nakadungog sa tingog sa Ginoo. Siya nasayud nga si Jesus moabot.
Ang Espiritu Santo nagauban ni Jacob samtang siya mipadayag sa iyang pagpamatuod kang Jesukristo ngadto ni Sherem.
Si Sherem nangayo nga makakita og usa ka timailhan. Siya buot nga si Jacob mopamatuod nga adunay usa ka Dios. Siya buot makakita og usa ka milagro.
Si Jacob dili mangayo sa Dios og usa ka timailhan. Siya miingon nga si Sherem nasayud na nga unsa ang gitudlo ni Jacob maoy tinuod.
Si Jacob miingon nga kon ang Dios mohampak ni Sherem, kana mao ang timailhan sa gahum sa Dios.
Si Sherem dihadiha natumba. Siya dili makabangon sulod sa daghang mga adlaw.
Si Sherem naluya ug nasayud nga siya nagpaingon sa kamatayon. Siya mitawag sa mga katawhan sa pagpundok.
Siya mitug-an kanila nga siya namakak. Siya miingon nga sila kinanhanglang motuo ni Jesukristo.
Human nga si Sherem makatapos sa pagsulti ngadto sa mga katawhan, siya namatay. Ang mga katawhan mibati sa gahum sa Dios ug sila nanghapa sa yuta.
Ang mga katawhan misugod sa paghinulsol ug pagbasa sa mga kasulatan. Sila nagpuyo diha sa kalinaw ug paghigugma. Si Jacob nalipay ug nasayud nga ang Dios mitubag sa iyang mga pag-ampo.